মুক্তি পালে প্ৰস্তুতি পৰাশৰৰ নতুন ছবি ‘প্ৰতিশ্ৰুতি’।
এখন ড্ৰাগছ মুক্ত সমাজ গঢ়িবলৈ অসমৰ প্ৰতিটো চিত্ৰগৃহত উপস্থিত হৈছে “প্ৰতিশ্ৰুতি”।
বেলতলাৰ Matrix Cinema Hallত কালি সন্ধিয়া ছবিখনৰ প্ৰিমিয়াৰ মুকলি কৰা হয়।
ছবিখনত অভিনয় কৰিছে প্ৰস্তুতি পৰাশৰ, বিভূতি ভূষণ হাজৰিকা, চিন্ময় চক্ৰৱৰ্তী, প্লাৱিতা বৰঠাকুৰ, সিদ্বাৰ্থ কাশ্যপ, ৰূপম বৰুৱা, গীতাৱলী ৰাজকুমাৰী, স্নিগ্ধা ৰাণী বৰুৱা, শিৱৰঞ্জনী বৰুৱাই।
নিয়মিতভাৱে কম পৰিমাণে চাহ খালে স্বাস্থ্যৰ কোনো ক্ষতি নহয়, বৰঞ্চ স্বাস্থ্যৰ উপকাৰিতাপে হ’ব। কিন্তু গাখীৰ চাহ সকলোৰে বাবে উপকাৰী নহয়। প্ৰতিখন ঘৰতে চাহৰ গুৰুত্ব দেখা যায়। চাহৰ বহুতো প্ৰকাৰ আছে, তাৰ ভিতৰত গাখীৰৰ সৈতে চাহ খাই আটাইতকৈ বেছি পাই মানুহে।চাহৰ বিষয়ে জানো আহক-
যদি আপোনাৰ শৰীৰত আইৰণৰ অভাৱ হয় তেন্তে গাখীৰৰ সৈতে চাহ খুব কমকৈ খাব বা একেবাৰেই নাখাব।
অৱশ্যে চাহ খালে সতেজ অনুভৱ হয়। কিন্তু যদি আপুনি ডিপ্ৰেছন বা ষ্ট্ৰেছৰ মাজেৰে দিন অতিবাহিত কৰিছে তেন্তে চাহ নাখাব। চাহ খালে ইয়াৰ লক্ষণ অধিক ভয়াৱহ হ’ব পাৰে।
যদি আপুনি ৰাতি শুব নোৱাৰে তেন্তে চাহ নাখাব। বিশেষকৈ সন্ধিয়া চাহ নাখাব।
গাখীৰৰ সৈতে চাহ খালে আপোনাৰ হজম শক্তি বেয়া হ’ব পাৰে।চাহত থকা কেফেইন আৰু চৰ্বি একেলগে গেছ, পেট ফুলা আৰু এচিডৰ সৃষ্টি কৰে।
যদি আপুনি হৃদৰোগী তেন্তে গাখীৰৰ চাহ খাব নালাগে। কিন্তু চেনিবিহীন ক’লা চাহ কম পৰিমাণে খাব পাৰে।
আমাৰ শৰীৰক সুস্থ কৰি ৰাখিবলৈ বহু ধৰণৰ পুষ্টিকৰ উপাদানৰ প্ৰয়োজন হয়।আমি শৰীৰত পুষ্টিকৰ উপাদানৰ অভাৱ হ’বলৈ দিব নালাগে, নহ’লে আমি বহু সমস্যাৰ সন্মুখীন হ’বলগীয়া হ’ব পাঁৰঁ। ইয়াৰ বাবে আমি কিছুমান বিশেষ খাদ্য খাব লাগিব। জানো আহক এই খাদ্য সমূহৰ বিষয়ে…
আমাৰ মানসিক স্বাস্থ্যৰ বাবে পুষ্টিকৰ উপাদান অতি গুৰুত্বপূৰ্ণ, যেনে ধৰক কণী, গাখীৰ, ছালমন, ব্ৰকলি দৰে খাদ্যই সহজে মানসিক চাপৰ পৰা আঁতৰি আহিবলৈ সহায় কৰে। গতিকে ভিটামিন বি ১২ যুক্ত খাদ্য নাখালে হতাশা বাঢ়িব পাৰে।
যদি আপুনি দৈনন্দিন খাদ্য তালিকাত ভিটামিন বি-১২ যুক্ত খাদ্য, যেনে কণী, গাখীৰ, ছালমন, ব্ৰকলি আদি অন্তৰ্ভুক্ত নকৰে তেন্তে আপোনাৰ ৰক্তহীনতা হ’ব পাৰে আৰু এনে পৰিস্থিতিত শৰীৰত তেজৰ অভাৱ হ’ব। তেতিয়া আপুনি ভাগৰুৱা আৰু দুৰ্বল অনুভৱ কৰিব।
আমি প্ৰায়ে হাড় শক্তিশালী কৰিবলৈ কেলচিয়াম আৰু ভিটামিন ডিৰ অভাৱ দূৰ কৰাত গুৰুত্ব দিওঁ, কিন্তু আমি পাহৰি যাওঁ যে হাড়ৰ বাবেও ভিটামিন বি ১২ সমানেই গুৰুত্বপূৰ্ণ। কণী, গাখীৰ, ছালমন, ব্ৰকলি আদি খাদ্য খাব পাৰে আপুনি।
আমাৰ শৰীৰৰ সৌন্দৰ্য্য বৃদ্ধিত কণী, গাখীৰ, ছালমন, ব্ৰকলি, তিয়হ আদিয়ে ভূমিকা পালন কৰে। এই খাদ্যই আমাৰ ছাল, চুলি আৰু নখ সুস্থ কৰি ৰখাত সহায় কৰে, যাৰ ফলত আমাৰ চেহেৰা ভাল হয়।
দেশৰ কেবাখনো ৰাজ্যত চলি থকা হোৱা গ্ৰীষ্মপ্ৰবাহ যেন এইবাৰ অসমকে ধৰি উত্তৰ পূবৰ ৰাজ্য কেইখনত আৰম্ভ হৈছে। কেইবাদিনো ধৰি অসমত হঠাতে আৰম্ভ হোৱা গৰমক বহুতে উত্তৰ ভাৰতৰ দৰে গ্ৰীষ্মপ্ৰবাহ আৰম্ভ হোৱা বুলি আশংকা ব্যক্ত কৰিছে। কিয়নো ৰাজস্থান, পাঞ্জাব, হাৰিয়ানাকে ধৰি উত্তৰ ভাৰতত বহু অঞ্চলত সৰ্বাধিক তাপমাত্ৰা ৪৮ ডিগ্ৰী চেলচিয়াছলৈকে বৃদ্ধি পোৱা বুলি জানিব পৰা গৈছে। ইফালে ৰাজ্যখনত দৈনিক পাৰাস্তম্ভ বৃদ্ধি পোৱাৰ ফলত এক প্ৰকাৰ স্থবিৰ হৈ পৰিছে জনজীৱন। জুন, জুলাই মাহৰ দৰে গৰম অনুভূত হোৱাত ৰাইজক বাৰুকৈয়ে জ্বলাকলা খুওৱা পৰিলক্ষিত হৈছে। বৰঝাৰস্থিত আঞ্চলিক বতৰ বিজ্ঞান কেন্দ্ৰই বৃহস্পতিবাৰে সন্ধিয়া সদৰি কৰা অনুসৰি মতে সাধাৰণতে মে মাহৰ এই সময়ত অসমৰ বেছিভাগ অঞ্চলতে স্বাভাৱিক তাপমাত্ৰা সৰ্বাধিক ২৯ ৰ পৰা ৩২ ডিগ্ৰী চেলচিয়াছৰ ভিতৰত থাকিব লাগে।
কিন্তু ৰাজ্যখনৰ বেছিভাগ অঞ্চলতে কেইবাদিনো ধৰি বৰষুণ নোহোৱাত তাপমাত্ৰা অস্বাভাৱিকভাবে বৃদ্ধি পাইছে। উদ্বেগজনক ভাবে তাপমাত্ৰা স্বাভাৱিকতকৈ বেছিভাগ অঞ্চলতে তাপমাত্ৰা ৬ ৰ পৰা ৮.৪ ডিগ্ৰী চেলচিয়াছৰো অধিক হোৱাত ৰাইজে অস্বাভাৱিক গৰমৰ সৈতে মোকাবিলা কৰিব লগা হৈছে। ফলত ব্যাহত হৈছে স্বাভাৱিক জনজীৱন। আনকি বহুতে গৰমৰ প্ৰকোপত অতিষ্ঠ হৈ অহা জুন, জুলাই, আগষ্ট মাহৰ দৰে অতি গৰম পৰা মাহত কি পৰিস্থিতিৰ উদ্ভৱ হব পাৰে তাক লৈ চিন্তিত হৈ পৰিছে। আনহাতে কালি দিনটোত ৰাজ্যখনৰ ভিতৰতে সর্বাধিক তাপমান আছিল ৰাজ্যৰ সাংস্কৃতিক নগৰী হিচাপে খ্যাত তেজপুৰ । তেজপুৰত দুপৰীয়াৰ ভাগত তাপমান বৃদ্ধি পাই হৈছিলগৈ ৩৯.৫ ডিগ্ৰী চেলছিয়াছ। যিটো স্বাভাবিকতকৈ ৮.৪ ডিগ্ৰী চেলচিয়াছ অধিক আছিল। আনকি শিলচৰ চহৰত আজি স্বাভাৱিকতকৈ ৭.২ ডিগ্ৰী চেলচিয়াছ বৃদ্ধি হৈ সৰ্বাধিক তাপমাত্ৰা আছিল ৩৯.২ ডিগ্ৰী চেলচিয়াছ। বতৰ বিজ্ঞান কেন্দ্ৰৰ বিজ্ঞানী সকলৰ মতে অসমত বায়ুত জলীয় বাষ্পৰ পৰিমাণ বহুত বেছি পৰিমাণে থাকে, সেয়েহে তাপমান ৩৯ ডিগ্রী চেলছিয়াছ হলেও ইয়াৰ অনুভৱ উত্তৰ ভাৰতৰ ৰাজ্য সমূহৰ দৰে ৪৫-৪৭ ডিগ্রী চেলছিয়াছৰ দৰে হয়গৈ। এনে পৰিস্থিতিত হিট ষ্টক হোৱাৰ সম্ভাৱনা বৃদ্ধি পায় । মন কৰিব লগীয়া কথা যে প্ৰকৃতিৰ ওপৰত হোৱা ধ্বংসলীলাৰ বাবে অসম তথা উত্তৰ পূৰ্বাঞ্চলত বিগত বৰ্ষৰ তুলনাত এইবাৰ পৰিস্থিতি অধিক ভয়াৱহ হৈ উঠিছে। কেৱল গুৱাহাটী বা অসমেই নহয়, উত্তৰ-পূবৰ স্কটলেণ্ড খ্যাত শীতল ঠাই শ্বিলঙতো পূৰ্বৰ তুলনাত গৰমৰ প্ৰকোপ বৃদ্ধি পাইছে। আনহাতে আজিৰ দিনটোত ৰাজ্যৰ কেবাখনো চহৰৰ সৰ্বাধিক তাপমাত্ৰা আছিল এনে ধৰণৰ – ডিব্ৰুগড়ত ৩৭.৯ ডিগ্রী চেলছিয়াছ, যোৰহাটত ৩৭.২ ডিগ্ৰী চেলছিয়াছ , উত্তৰ লখিমপুৰত ৩৮.২ ডিগ্ৰী চেলছিয়াছ, ধুবুৰীত ৩৭.০ ডিগ্ৰী চেলচিয়াছ আছিল। একাংশ পৰিৱেশবিদে সদৰি কৰা অনুসৰি ভাৰতীয় বতৰ বিজ্ঞান বিভাগে এই সন্দৰ্ভত শেহতীয়াকৈ কেইবাখনো প্রতিবেদন প্রকাশ কৰিছে। য’ত গ্লবেল ৱামিং বা গোলকীয় উত্তাপৰ বাবেই পৰিস্থিতি অৱনতি ঘটা বুলি প্ৰকাশ পাইছে।
এনে পৰিস্থিতিৰ বাবে অনাগত দিনতো কেতিয়াবা অধিক বৰষুণ হ’ব, কেতিয়াবা খৰাং হ’ব, আন কেতিয়াবা আকৌ ধুমুহা আহি ভয়ংকৰ পৰিস্থিতিৰ সৃষ্টি কৰিব। একেদৰে গৰম বৃদ্ধি বা শীত কালো হ্রাস পাব পাৰে। আনহাতে আঞ্চলিক বতৰ বিজ্ঞান কেন্দ্ৰই ২৭ মে’ৰ পাছত অসমৰ কেতবোৰ অঞ্চলত গাজনী , ঢেৰেকনি ,ধুমুহাৰ সৈতে পাতলীয়াৰ পৰা মজলীয়া পৰিমাণৰ বৃষ্টিপাত হব পাৰে বুলি আগজাননী দিছে। অৱশ্যে বৰষুণ আহিলে বৰ্তমানতকৈ তাপমাত্ৰা কিছু হ্ৰাস পাব বুলি সদৰি কৰিছে বতৰ বিজ্ঞান কেন্দ্ৰই। অৰ্থাৎ বৰষুণ নহালৈ ৰাইজে গৰমৰ সৈতে সহাবস্থান কৰাৰ বাহিৰে আন কোনো বিকল্প পথ নাই বুলিয়ে সদৰি কৰিছে বতৰ বিজ্ঞান কেন্দ্ৰই।
ধুবুৰী ক্ৰীড়া ক্ষেত্ৰত সুনাম আছে যদিও আজিলৈকে জাভেদ জামানৰ পিছত ভাল এজন খেলুৱৈয়ে উঠি অহা নাই। অসম ক্ৰিকেট সন্থাই অসমৰ প্ৰতিখন জিলাতে ক্ৰিকেট খেলাৰ উন্নয়নৰ বাবে আন্তঃগাথঁনি নিৰ্মাণ কৰি আছোঁ। ইতিমধ্যে ডিব্ৰুগড়, তিনিচুকীয়া, শিৱসাগৰত কাম কৰিছো। আজি ধুবুৰী ঝগৰাপাৰ ষ্টেডিয়ামত নতুন পেভেলিয়ন, গ্ৰাউণ্ড পিচ,বনাই দিলো। লাহে লাহে প্ৰতিখন জিলাৰ চুকে কোনে ক্ৰিকেট খেলৰ উন্নয়নৰ বাবে আন্তঃগাথঁনি প্ৰস্তুত কৰিব। বাকি ভাল খেলুৱৈ ওলাই আহিব লাগিব। আজি ৰিয়ান পৰাগ যেনেকৈ ওলাই আহিছে, তেনেকৈ ১০-১৫ জন ৰিয়ান পৰাগ অসমৰ ক্ৰীড়া ক্ষেত্ৰত ওলাই আহিব লাগে”-মন্তব্য অসম ক্রিকেট সন্হাৰ সভাপতি তৰংগ গগৈৰ।
আজি ধুবুৰী ঝগৰাপাৰ ষ্টেডিয়ামত, সম্পূৰ্ণ ভাবে নিৰ্মাণ হোৱা পেভিলিয়ানৰ শুভ উদ্বোধন কৰি এইদৰে কয়।ইয়াৰ আগতে আজি বিয়লি এই ধুবুৰী ক্ৰীড়া সন্থাৰ গ্ৰাউণ্ড পেভিলিয়ানত এখন সভা অনুষ্ঠিত হয়।সভাৰ সভাপতিত্ব কৰে অমল কুমাৰ সাহা। উদ্দেশ্য ব্যাখ্যা কৰে সাধাৰন সম্পাদক ৰতন চন্দ্ৰ মন্ডল। পৰিচালনা কৰে বিশ্বজিৎ কলিতা। সভাত উপস্থিত আছিল সভাপতি, অসম ক্ৰিকেট সন্থা আৰু বিধায়ক , নাহৰকটীয়া সমষ্টি, ত্ৰিদীপ কোৱৰ, সম্পাদক, অসম ক্ৰিকেট সন্থা, চিৰঞ্জিত লাংথাচা, কোষাধ্যক্ষ, অসম ক্ৰিকেট সন্থা ,ৰাজদ্বীপ ওজা, উপ সভাপতি, অসম ক্ৰিকেট সন্থা, ৰাজেন্দ্ৰ সিং, যুটীয়া সম্পাদক, অসম ক্ৰিকেট সন্থা, অনুপম ডেকা,সভ্য এপেক্স কাউঞ্চিল , জাবেদ জামান, প্ৰাক্তন খেলুৱৈ ভাৰতীয় “এ“ টিম, যোগেশ বৰুৱা, প্ৰাক্তন সচিব, খেল বিভাগ, অসম, অমল কুমাৰ সাহা, কাৰ্যকৰী সভাপতি, জিলা ক্ৰীড়া সন্থা ধুবুৰী, ৰতন চন্দ্ৰ মন্ডল,সাধাৰন সম্পাদক, জিলা ক্ৰীড়া সন্থা, ধুবুৰী। দেৱময় স্যানাল, পৌৰপতি, ধুবুৰী পৌৰসভা ,দীপক সাহা, সভাপতি, ধুবুৰী গৌৰীপুৰ উন্নয়ন পৰিষদ৷
আজি ৰাজস্থান ৰয়েলছ আৰু ছানৰাইজাৰ্ছ হায়দৰাবাদৰ মাজত IPLৰ দ্বিতীয়খন কোৱালিফায়াৰ মেচ।
সন্ধিয়া ৭.৩০ বজাত চেন্নাইৰ এম এ চিদাম্বৰম ষ্টেডিয়ামত অনুষ্ঠিত হ’ব খেল।
ৰাজস্থান ৰয়েলছ-ছানৰাইজাৰ্ছ হায়দৰাবাদৰ মাজত যুঁজখনৰ সমান্তৰালকৈ আজি ৰিয়ান পৰাগ আৰু ট্ৰেভিছ হেডৰ যুঁজ হ’ব।
অৰেঞ্জ কেপৰ তালিকাত বৰ্তমান ক্ৰমে তৃতীয় আৰু চতুৰ্থ স্থানত আছে ৰিয়ান পৰাগ আৰু ট্ৰেভিছ হেড।
অসম সন্তান ৰিয়ান পৰাগৰ ওপৰত চকু থাকিব দেশবাসীৰ।
মঙলদৈ মেধিপাৰাত সমাজে এঘৰীয়া কৰিলে ১৪ টা পৰিয়ালক।মঙ্গলদৈ চহৰৰ নিকটৱৰ্তী ১ নং মেধি পাৰা গাঁৱত ১৪ টা পৰিয়ালক সমাজে এঘৰীয়া কৰিছে। যোৱা ২৬ এপ্ৰিলত বিহুৰ নিমন্ত্ৰণ ৰক্ষা কৰি ভাত খোৱাৰ বাবেই গাঁৱৰ খেলে সমাজচ্যুত কৰিছে পৰিয়াল কেইটিক।এই সম্পৰ্কে গাঁৱখনৰ এঘৰীয়া কৰা পৰিয়ালসমূহ একত্ৰিত হৈ প্ৰশাসনৰ ওচৰত ন্যায় বিচৰাৰ সিদ্ধান্ত গ্ৰহণ কৰে। গাঁওখনত ৩৫০ ঘৰ পৰিয়াল আছে আৰু ইয়াৰে ১৪ ঘৰক এঘৰীয়া কৰাত সমগ্ৰ আঞ্চলটোতে প্ৰতিক্ৰিয়াৰ সৃষ্টি হৈছে। জানিব পৰা মতে গাঁৱখনৰ মিলন ডেকা নামৰ লোকজনে যোৱা ব’হাগ বিহুৰ সময়ত ভাত খাবলৈ নিমন্ত্ৰণ জনাইছিল কেইগৰাকীমান বন্ধু-বান্ধৰ লগতে নিজৰ শহুৰ, খুড়ু-খুড়ী আৰু পেহাকৰ পৰিয়ালক। ইয়াতে সমাজ তথা খেলৰ বৰমুৰীয়া সকল ক্ষোভিত পৰে। কিয়নো যোৱা মাঘ বিহুৰ সময়তে মিলন ডেকাক এঘৰীয়া কৰিছিল খেলে। মিলন ডেকাই শংকৰী পৰম্পৰাত বিস্বাসী নিজ মামাৰ ঘৰলৈ গৈ বিয়াত অংশগ্ৰহণ কৰিছিল। যাৰ বাবে মাঘ বিহু তথা চলিত বৰ্ষৰ জানুৱাৰী মাহৰ পৰাই মিলন ডেকাৰ পৰিয়ালটিক সমাজে এঘৰীয়া কৰি থৈছিল।
এতিয়া মিলন ডেকাৰ ঘৰত সাধাৰণ বিহুৰ নিমন্ত্ৰণ ৰক্ষা কৰি ভাত খোৱাৰ বাবে মিলন ডেকাৰ শহুৰৰ ঘৰৰ লগতে খুড়াক, খুড়ীয়েক আৰু পেহীয়কৰ ঘৰৰ পৰিয়ালকো এঘৰীয়া কৰিলে সমাজ তথা খেলে। বৃহস্পতিবাৰে এই সম্পৰ্কে ক্ষোভ ব্যক্ত কৰি মিলন ডেকাই কয় যে আজিৰ আধুনিক সমাজ ব্যৱস্থাটো এনে নিয়ম আছেনে? এনে নিয়মে আমাৰ সমাজখনত ভাঙোন আনিছে আৰু নৱ প্ৰজন্মৰ মাজত বিভাজনৰ বিজ ৰোপন কৰিছে। ইয়াৰ বিৰুদ্ধে প্ৰশাসনে উচিত বিচাৰ কৰি আমাক ন্যায় দিব লাগে বুলি কয়। সেইদৰে ভবেশ্বৰী ডেকা নামৰ মহিলা এগৰাকীয়ে কান্দি কান্দি কয় যে আমাক তেওঁলোকে বিভাজন আনি দিলে। এতিয়া এই বিভাজন সৰু লৰা-ছোৱালীৰ মাজতো প্ৰতিক্ৰিয়াৰ সৃষ্টি হৈছে। তেওঁলোকক একেলগে বিহু চাব নিদিয়ে, ফাকুৱা উদযাপন কৰিব নিদিয়ে। আনকি নামঘৰত নাম পৰিৱেশনটো বিভাজন আহিছে। আমি চৰকাৰক আহ্বান জনাইছো এনে নিৰ্জাতনৰ পৰা আমাক বচাওক।
শোনিতপুৰ জিলাৰ ছিৰাজুলিৰ জীৱন কুমাৰ ছাহা৷১৯৯৩চনতে বিধিৰ বিপাকত বজ্ৰপাত পৰি মৃত্যু হৈছিল জীৱনৰ পত্নীৰ৷পত্নীৰ মৃত্যু হোৱাৰ বছৰতেই ঘৰৰ পৰা এদিন পাঁচটি পুত্ৰ-কন্যাক এমুঠি আহাৰ যোগাৰ কৰিবৰ বাবে ব্যৱসায় কৰিবলৈ ওলাই গৈছিল জীৱন কুমাৰ ছাহা৷ ঘৰত পুত্ৰক কৈ গৈছিল ব্যৱসায়ৰ পৰা উভতি আহোতে কেইদিনমান দেৰি হোৱাৰ কথা৷ চৰাচৰ ব্যৱসায়লৈ গ’লে দুই তিনিদিনলৈ দেউতাক অহা নাছিল ঘৰলৈ৷ কিন্তু বহু মাহৰ পিছতো দেউতাক ঘৰলৈ উভতি নহাত মাতৃহাৰ কনমানী কেইটাই পৰিয়ালৰ লোকৰৰ মাজত দেউতাকৰ সন্ধান কৰিছিল যদিও দেইতাকক নাপালে৷
বিশ্বাস কৰছিল দেউতাক এদিন উভতি আহিব৷ হঠাৎ যেন বিধাতাই কথাবোৰ শুনিলে৷ৰাজস্থানৰ ভৰত পুৰৰ আপোনঘৰ আশ্ৰমৰ পৰা দলগাঁও আৰক্ষী চকিলৈ এগৰাকী লোকৰ সবিশেষ বিচাৰি আহিল ফোন কল৷ আৰক্ষী বিষয়া গৰাকীয়েও তৎকালেই গাঁওৰক্ষী বাহিনীৰ জৰিয়তে আৰম্ভ কৰিলে মানুহ গৰাকীৰ পৰিচয় বিছৰাৰ কাম৷গাঁওৰক্ষী বাহিনীত আছিল জীৱন কুমাৰ ছাহাৰ পৰিয়ালৰ লোকো৷ পৰিয়ালৰ লোকে জীৱনক চিনি পাই যোগাযোগ কৰিলে জীৱনৰ পুত্ৰৰ সৈতে৷ অৱশেষত দলগাঁও আৰক্ষী চকিৰ সহযোগত ৰাজস্থানৰ ভৰতপুৰৰ আপোন ঘৰ আশ্ৰমত সুদীৰ্ঘ ৩১বছৰৰ অন্তত মিলন হ’ল পিতা-পুত্ৰ-কন্যাৰ৷
পৰিয়ালৰ লোকে এতিয়া জানিব পৰা মতে ১৯৯৩চনতেই ঘৰৰ পৰা ওলাই যোৱাৰ পিছত জীৱনে বহুবছৰ বৃন্দাবনত আছিল, বহুবছৰ বৃন্দাবনত থকাৰ পিছত বৃন্দাবনত সংগঠিত হৈছিল এক দুৰ্ঘটনা৷ পথৰ কাষত পৰি থকা অৱস্থাৰ পৰা হৃদয়বান লোকে আৰক্ষীৰ সহায়ত ভৰতপুৰৰ আপোন ঘৰ আশ্ৰমত থৈছিল জীৱনক৷ আপোনা ঘৰ আশ্ৰমৰ সহৃদয়তাৰ বাবেই ৩১বছৰৰ অন্তত মিলন হ’ল পিতা-পুত্ৰ-কন্যাৰ৷৩১বছৰৰ পিছত পিতাকক নিজ ঘৰত পাই আৱেগিক পুত্ৰ-কন্যা, ওচৰ চুবুৰীয়া সকলো৷
গুৱাহাটী চিটি এফ চি (জি চি এফ চি) আৰু ইয়াৰ সহযোগী ক্লাব গুৱাহাটী ইউনাইটেড এফ চি (জি ইউ এফ চি)ৰ যৌথ উদ্যোগ ‘ইউনিটি গ্ৰাছৰুটছ শ্বিল্ড ফুটবল প্ৰতিযোগিতা। ২০২৪ৰ তৃতীয় মেচডে বৃহস্পতিবাৰে ছয়মাইলৰ কৃষি ভৱন খেলপথাৰত অনুষ্ঠিত হয়।
অনুৰ্ধ ১০শাখাত ১০খন খেল অনুষ্ঠিত হয়। মেচসমূহৰ ফলাফল হ’ল: এপিআৰঅ’ এফ এ ০-৫ জি ইউ এফ চি ০-৫, এছ এফ এছ গ্ৰীণফিল্ড এফ এ ৪-২ জি ইউ এফ চি, গ্ৰীণফিল্ড এফ চি ০-১ আকাশ এফ চি, এপিআৰঅ’ এফ এ ২-৫ মনোময় এছ চি, গ্ৰীণফিল্ড এফ চি ৩-০ লিণ্টিজাম এফ এ ৩-০, এছ এফ এছ গ্ৰীণফিল্ড এফ এ ২-০ চান্দমাৰী এফ চি, লিণ্টিজাম এফ এ ১-৬ আকাশ এফ চি, নৰ্থ-ইষ্ট এলিট ছকাৰ স্কুল ১১-০ জি চি এফ চি ফুটবল স্কুল, ইষ্টাৰ্ণ চিটি এফ চি ০-১২ নৰ্থ ইষ্ট এলিট ছকাৰ স্কুল, ইষ্টাৰ্ণ চিটি এফ চি ০-৪ জি চি এফ চি ফুটবল স্কুল৷
মঙলদৈৰ ঘাট-মাউৰা এটি কণমানিৰ সৈতে এগৰাকী আইতাই চলাই গৈছিল জীৱন সংগ্ৰাম,
ৰ’দে-বৰষুণে জৰাজীৰ্ণ এটি পঁজাই আশ্ৰয়স্থল আছিল নাতি আৰু আইতাৰ।
শাসনাধিষ্ট বিজেপি চৰকাৰৰ কোনো ধৰনৰ অভিলাষী আঁচনিয়ে ঢুকি পোৱা নাছিল যোগেশ্বৰী ডেকাক।
পিতৃ-মাতৃহীন শিশুটিক বুকুত সাৱতি ভোক আৰু দুঃচিন্তাৰে আন্ধাৰ ৰাতিবোৰ পাৰ কৰা আইতাগৰাকীৰ ভঙা পঁজাত নাছিল কোনো পোহৰৰ সু-ব্যৱস্থা। দিনৰ পোহৰত নাতিক পঢ়িবলৈ দি ভীক্ষা মাগিবলৈ গৈছিল আইতাই। একমাত্ৰ কণমানি নাতিৰ সৈতে মঙলদৈ নাহৰবাৰীৰ যোগেশ্বৰী ডেকাৰ কঠোৰ জীৱন সংগ্ৰামৰ কাহিনী প্ৰচাৰ হোৱাৰ পিছতেই ওলাই আহিল গাঁওবাসী , সহায়ৰ হাত আগবঢ়ালৈ ওলাই আহিল স্বেচ্ছাসেৱী সংগঠন ইউনিটি উই দা ব্লাড ডোনাৰ।
আজি অশ্ৰু শিক্ত নয়নেৰে মঙলদৈ নিৰিবিলি বৃদ্ব আৱাসৰ আবাসী হ’ল আৰু কেইদিনমান আইতাকৰ লগতে থাকিব কনমানী পাঁচ বছৰীয়া শিশুটো।সম্পূৰ্ন নিয়ম তান্ত্ৰিক অনুসৰিয়েই শিশুটোৰ পঢ়া শুনা ব্যৱস্থা গ্ৰহণ কৰিব স্বেচ্ছাসেৱী সংগঠন টোৱে। গাওঁ বাসীয়েও বেজাৰ মনে বিদায় দিলে যোগেশ্বৰ ডেকা আৰু শিশুটোক।
