পুনৰ মহাকাশলৈ যাব ভাৰতীয় মূলৰ মহাকাশচাৰী সুনীতা উইলিয়ামছ।
৭ মে’ত ভাৰতীয় সময় অনুসৰি পুৱা ৮.০৪ বজাত মহাকাশলৈ উৰা মাৰিব সুনীতা উইলিয়ামছ।
মহাকাশত চামোছা খাই ভাল পোৱা ভাৰতীয় মূলৰ মহাকাশচাৰী কেপ্তেইন সুনীতা উইলিয়ামছে আকৌ এবাৰ মহাকাশলৈ উৰা মাৰিবলৈ সাজু হৈছে।
এইবাৰ একেবাৰে নতুন মহাকাশযান বয়িং ষ্টাৰলাইনাৰত ৭ মে’ত কেনেডি স্পেচ চেণ্টাৰৰ পৰা ভাৰতৰ সময় অনুসৰি পুৱা ৮.৩৪ বজাত যাব।
ভাৰতী সিঙে তেওঁৰ ব্লগত অনুৰাগীসকলক জনাইছিল যে তেওঁৰ পিত্তথলীত পাথৰ হৈছে, যাৰ বাবে তেওঁক অস্ত্ৰোপচাৰৰ বাবে চিকিৎসালয়ত ভৰ্তি কৰিবলগীয়া হৈছে। ষ্টেণ্ড আপ কমেডিয়ান তথা টিভিৰ আয়োজক ভাৰতী সিঙক শেহতীয়াকৈ পেটৰ বিষৰ বাবে চিকিৎসালয়ত ভৰ্তি কৰোৱা হয়। ভাৰতীয়ে কিছুদিন ধৰি অসহ্যকৰ পেটৰ বিষত ভুগি আছিল, তেওঁ ভাবিছিল যে তেওঁৰ বদহজম হৈছে। কিন্তু যেতিয়া বিষ নকমিল, তেতিয়া তেওঁৰ চেকআপ কৰিবলৈ গ’ল, য’ত তেওঁক কোৱা হ’ল যে তেওঁৰ পিত্তৰ পাথৰ হৈছে।অনবৰতে পেটৰ বিষৰ বাবে খাদ্য খাব পৰা নাছিল বুলি প্ৰকাশ কৰে ভাৰতী সিঙে। তেওঁৰ অৱস্থাৰ বাবে লিকুইড ডায়েটত ৰখা হৈছে আৰু প্ৰিয় খাদ্য খাব পৰা নাই ভাৰতীয়ে। পিত্তথলীত পাথৰ হোৱাৰ কাৰণ আৰু লক্ষণসমূহ জানো আহক-
পিত্তথলী হৈছে আপোনাৰ পেটৰ সোঁফালে, যকৃতৰ ঠিক তলত থকা এটা সৰু, নাচপতিৰ আকৃতিৰ অংগ। ইয়াত পাচন তৰল পদাৰ্থৰ পিত্ত কঠিনভাৱে জমা হোৱাৰ বাবে পাথৰ গঠন হ’বলৈ আৰম্ভ কৰে যাক গালৰ পাথৰ বোলা হয়।
পিত্তত পাথৰ হোৱাৰ কাৰণ স্পষ্ট হোৱা নাই যদিও এইবোৰ কাৰক দায়ী বুলি বিবেচিত হৈছে-
পিত্তত কলেষ্টেৰলৰ পৰিমাণ বেছি
পিত্তত অতিৰিক্ত বিলিৰুবিন
পিত্তথলী সম্পূৰ্ণৰূপে খালী নহয়
এই চিনবোৰক আওকাণ নকৰিব-
পেটৰ ওপৰৰ সোঁফালে তীব্ৰ বিষ
স্তনৰ হাড়ৰ তলৰ অংশত তীব্ৰ বিষ হয়
কান্ধৰ মাজত বিষ হোৱা
সোঁ কান্ধৰ বিষ
বমি বা বমি হোৱা
এনেবোৰ কাৰণতে পিত্তথলীত পাথৰৰ সৃষ্টি হয়।
ৰূপহীহাটত ভয়ংকৰ পথ দুৰ্ঘটনা। ডাম্পাৰে মহটিয়াই নিলে ৩গৰাকী স্কুলীয়া ছাত্ৰক। থিতাতে নিহত মামুদ জামান নামৰ স্কুলীয়া ছাত্ৰজন।
গুৰুতৰভাৱে আহত ইক্রামূল হক, ইফতিকাৰ আহমেদ। আহত এজন ছাত্ৰৰ ছিঙি যায় এখন ভৰি আৰু হাত। দুৰ্ঘটনাত পতিত তিনিও ৰূপহী হাইস্কুলৰ দশম শ্ৰেণীৰ ছাত্ৰ।
আহত দুই ছাত্ৰক নগাঁও মেডিকেল কলেজ হাস্পতালত ভৰ্তি।
বাৰ্ধক্যৰ লগে লগে মগজুৰ কাৰ্যক্ষমতা ক্ৰমান্বয়ে কমিবলৈ আৰম্ভ কৰে। এয়া এক স্বাভাৱিক প্ৰক্ৰিয়া, তথাপিও আপুনি বুঢ়া বয়সতো মগজু চোকা কৰি ৰাখিব পাৰে। এই ৫ টা পানীয় অতি উপকাৰী বুলি প্ৰমাণিত হয় মগজু চোকা কৰি ৰাখিবলৈ।
বিলাহীক চকুৰ বাবে উপকাৰী বুলি গণ্য কৰা হয় যদিও মগজুৰ বাবেও ই অতি স্বাস্থ্যকৰ। বিলাহীত বিটা-কেৰটিনৰ পৰিমাণ বেছি থাকে। বিলাহীৰ ৰসে মগজুৰ কোষৰ প্ৰদাহ কমোৱাৰ লগতে স্মৃতিশক্তি বৃদ্ধি কৰিব পাৰে। দুদিনৰ মূৰে মূৰে গ্ৰহণ কৰিব পাৰে বিলাহীৰ ৰস।
খাদ্যৰ বাবে জামু অন্যতম স্বাস্থ্যকৰ খাদ্য। ই স্বাস্থ্য আৰু শৰীৰৰ প্ৰতিটো অংগৰ বাবে উপকাৰী। আচলতে ইয়াত এন্টি-ইনফ্লেমেটৰী, এন্টি-অক্সিডেন্ট থাকে যিয়ে শৰীৰক অক্সিডেটিভ ক্ষতিৰ পৰা ৰক্ষা কৰে। ইয়াত এন্থ’চাইনিন নামৰ উদ্ভিদৰ ৰাসায়নিক পদাৰ্থও থাকে, যিবোৰে স্মৃতিশক্তি বৃদ্ধি কৰে বুলি জনা যায়।
বীটৰ ৰসে ক্ষতিকাৰক ফ্ৰী ৰেডিকেলৰ পৰা ৰক্ষা কৰাত সহায় কৰে। ইয়াত থকা নাইট্ৰেটে মগজুৰ ষ্ট্ৰোক আৰু ডিমেনচিয়াৰ সৈতে জড়িত ৰক্তচাপৰ সম্ভাৱনা হ্ৰাস কৰে। ইয়াৰ উপৰিও বীটে কোষৰ অক্সিজেন বৃদ্ধি আৰু ৰক্ত সঞ্চালন উন্নত কৰাত সহায় কৰে।
ডালিম এক শক্তিশালী এন্টিঅক্সিডেন্ট আৰু ই মগজুৰ কোষৰ ক্ষতিকাৰক ফ্ৰী ৰেডিকেলৰ প্ৰভাৱ হ্ৰাস কৰাৰ কাম কৰে। ৰেড ৱাইন আৰু গ্ৰীণ টিতকৈ ডালিমত এন্টিঅক্সিডেন্ট বেছি। দৈনিক ৰাতিপুৱা বা দুপৰীয়া ডালিমৰ ৰস গ্ৰহণে মগজুৰ স্বাস্থ্য সুৰক্ষিত কৰাত সহায়ক। দৰাচলতে কচু, বন্ধাকবি, ব্ৰকলিকে ধৰি সেউজীয়া শাক-পাচলিৰ লগতে ফ’লেট আৰু লুটিনৰ দৰে পুষ্টিকৰ উপাদান থকা শাক-পাচলিতো আইৰণ আৰু মেগনেছিয়ামৰ পৰিমাণ বেছি। এই সকলোবোৰ পুষ্টিকৰ উপাদানে মগজুৰ স্বাস্থ্য, জ্ঞানমূলক কাৰ্য্যকলাপ বৃদ্ধি কৰাত সহায় কৰে আৰু লগতে ইয়াক স্নায়ুৰ অৱক্ষয়ী সমস্যাৰ পৰাও ৰক্ষা কৰে।
লামাজান মাজৰবাৰী আঞ্চলিক ৩৫ সংখ্যক বিহু সন্মিলনখন লামাজান বিহুতলীত বিস্তৃত কাৰ্য্যসূচীৰে আৰম্ভ হৈছে।।অনুষ্ঠানৰ আজি পুৱা ৭ বজাত সমাজকৰ্মী প্ৰহ্লাদ বৰাৰ নেতৃত্বত চাফাই অভিযান। পুৱা ৮ বজাত গছপুলি ৰোপণ কৰে শিক্ষক শশী দত্তই।পুৱা ৯ বজাত বিহু পতাকা উত্তোলন কৰে উদযাপন সমিতিৰ সভাপতি তিথেশ্বৰ শইকীয়াই।পুৱা ১০ বজাত স্মৃতি তৰ্পণ কৰে উদযাপন সমিতিৰ সম্পাদক অৰূপ গগৈয়ে।
পুৱা ১০-৩০ বজাৰ পৰা কণী যুজঁ, পুৰুষ-মহিলাৰ মাজত ৰচী টনা প্ৰতিযোগিতা অনুষ্ঠিত কৰা হয়।দুপৰীয়া ১২ বজাত বিহুতলী উদ্ধোধন কৰে চেঙাজান মাজৰবাৰী হাইস্কুলৰ প্ৰধান শিক্ষক গন্ধেশ্বৰ গগৈয়ে।দিনৰ ১-৩০ বজাত সাংস্কৃতিক প্ৰতিযোগিতাৰ উদ্ধোধন কৰে শিক্ষক নৃপেন বুঢ়াগোহাঁইয়ে। কাৰ্যসূচীত গছতলৰ বোৱাৰী জেং বিহু, গছতলৰ পাট গাভৰু জেং বিহু, চেমনীয়া আৰু যুৱকৰ ঢোল বাদন,বাঁহী, পেঁপা,গগনা বাদন,সৰু বিহুৱতী, মাজু বিহুৱতী, চেমনীয়া হুঁচৰি প্ৰতিযোগিতা অনুষ্ঠিত কৰা হয়।
সন্ধিয়া ৬ বজাত বন্তি প্ৰজ্বলন কৰে সমাজকৰ্মী লক্ষেশ্বৰ বৰা,যোগেন দিহিঙ্গীয়াই। কালিলৈ অনুষ্ঠিত মুকলি সভাত বিভিন্ন জনগোষ্ঠীয় দল সংগঠনৰ নেতা উপস্থিত থকাৰ লগতে নিশা সাংস্কৃতিক অনুষ্ঠানত কন্ঠশিল্পী প্লাৱন ভূঞা আৰু কৃষ্ণা শইকীয়াই গীত-মাত পৰিৱেশন কৰিব বুলি উদযাপন সমিতিয়ে জানিব দিছে লগতে জাতি ধৰ্ম বৰ্ণ নিৰ্বিশেষে সকলো ৰাইজৰ উপস্থিততি কামনা কৰিছে।
নতুন ক’ভিড-১৯ ভেৰিয়েন্টৰ এটা গোট, যাক FLIRT বুলি জনা যায়।
আমেৰিকাত দ্ৰুতগতিত বিয়পি পৰিছে এই ভেৰিয়েণ্ট।
বিশেষজ্ঞসকলে কয় যে এই লক্ষণসমূহ অন্যান্য অমাইক্ৰন সংক্ৰমণৰ সৈতে বহুলাংশে সামঞ্জস্যপূৰ্ণ হৈ থাকে।
যেনে ডিঙিৰ বিষ, কাহ, ভাগৰুৱা, নাক বন্ধ হোৱা, নাকত পানী ওলোৱা, মূৰৰ বিষ, পেশীৰ বিষ, আৰু সম্ভাৱ্য সোৱাদ বা গোন্ধ নোপোৱা আদি।
আনহতে আমেৰিকাত বিয়পি পৰিছে নতুন COVID-19 ভেৰিয়েন্ট FLIRT।
আমেৰিকাত দুটা নতুন Covid ভেৰিয়েন্ট KP.2 আৰু KP 1.1 বিয়পি পৰিছে।
যাৰ ফলত সংক্ৰমণৰ নতুন ঢৌক লৈ উদ্বেগ প্ৰকাশ কৰিছে।
নতুন মিউটেচনৰ সৈতে কেপি.২ আৰু কেপি ১.১ৰ ভিন্নতা পূৰ্বৰ অমাইক্ৰন ভিন্নতাতকৈ অধিক সংক্ৰামক বুলি ধৰা হয় যদিও বিশেষজ্ঞসকলে কয় যে লক্ষণসমূহ কম বেছি পৰিমাণে একেই থাকে।
নতুন সপ্তাহত ভাৰতীয় ষ্টক মাৰ্কেটৰ গতি ভাল গতিৰে আগবাঢ়িছে, মিডকেপ আৰু স্মলকেপৰ শ্বেয়াৰ বৃদ্ধিৰ বাবে ঘৰুৱা ষ্টক মাৰ্কেট ভৰি পৰিছে।
৩১৮.৫৩ পইণ্ট বা ০.৪৩ শতাংশ বৃদ্ধিৰে ৭৪,১৯৬ পইণ্টত মুকলি হয় বিএছই চেন্সেক্স। আনহাতে এন এছ ইৰ নিফটিয়ে ৮৫.৭৫ পইণ্ট বা ০.৩৮ শতাংশ বৃদ্ধিৰে ২২,৫৬১ৰ স্তৰত মুকলি কৰিছে।
ছেক্টৰ ৱাইজ আপডেটবোৰ
আজি যদি আমি খণ্ডভিত্তিক ব্যৱসায়লৈ চাওঁ, তেন্তে আই টি, এফ এম চি জি, বেংক, অটো, ৰিয়েলটি, হেল্থকেয়াৰ আৰু কনজিউমাৰ ডুৰেবলছ খণ্ডই দ্ৰুত আৰু বৃদ্ধিৰে ব্যৱসায় কৰি আছে। ইয়াৰ বাহিৰেও পতনশীল খণ্ডসমূহৰ ভিতৰত বিত্তীয় সেৱা, সংবাদ মাধ্যম, ধাতু, ফাৰ্মা আৰু পি এছ ইউ বেংকৰ ষ্টকৰ তীব্ৰ হ্ৰাস দেখা গৈছে।
চেন্সেক্সৰ শ্বেয়াৰ হ্ৰাস
হ্ৰাস পোৱা চেন্সেক্সৰ ষ্টকসমূহৰ ভিতৰত টাইটান ৪.১২ শতাংশ হ্ৰাস পাইছে। ইয়াৰ পিছত ক’ল ইণ্ডিয়া, এছ বি আই, বাজাজ অটো, আদানী এণ্টাৰপ্ৰাইজ আৰু আদানী বন্দৰৰ শ্বেয়াৰ সৰ্বাধিক হ্ৰাস পাইছে।
নিফ্টিৰ ষ্টকৰ আপডেট
নিফটিৰ ৩০টা ষ্টক বৃদ্ধি পাইছে আৰু ২০টা ষ্টক হ্ৰাস পাইছে। কোটাক মহিন্দ্ৰা বেংক, টিচিএছ, ব্ৰিটানিয়া, আইচাৰ মটৰ্ছ আৰু জেএছডব্লিউ ষ্টীলৰ শ্বেয়াৰত সৰ্বাধিক বৃদ্ধি পাইছে। টাইটানৰ শ্বেয়াৰত সৰ্বোচ্চ ৪ শতাংশ হ্ৰাস দেখা গৈছে।
ভাৰতত বিশাল উত্থান VIX
ইণ্ডিয়া ভোলেটিলিটি ইনডেক্সত বৃহৎ বৃদ্ধি দেখা গৈছে আৰু ই ১১ শতাংশ বৃদ্ধিৰে ব্যৱসায় কৰি আছে।
কাইলৈ অৰ্থাৎ ৭ মে’ৰ দিনা অসমকে ধৰি দেশৰ কেইবা খনো ৰাজ্যত অনুষ্ঠিত হ’ব লোকসভা নিৰ্বাচনৰ তৃতীয় পৰ্যায়ৰ ভোটগ্ৰহণ। অসমৰ ৪ খন আসন ক্ৰমে গুৱাহাটী, বৰপেটা, কোকৰাঝাৰ আৰু ধুবুৰী লোকসভা সমষ্টিত কাইলৈ তৃতীয় পৰ্যায়ৰ নিৰ্বাচনৰ ভোটগ্ৰহণ অনুষ্ঠিত হ’ব। কিন্তু তৃতীয় পৰ্যায়ৰ নিৰ্বাচনৰ ভোটগ্ৰহণত বতৰে বিধি-পথালি দিয়াতো নিশ্চিত হৈ পৰিছে। অসমৰ চাৰি সমষ্টিকে ধৰি দেশৰ মুঠ ৯৪টা সমষ্টিত কাইলৈ ভোটগ্ৰহণ অনুষ্ঠিত হ’ব।
দেশৰ ১০ খন ৰাজ্য আৰু ২খন কেন্দ্ৰীয় শাসিত অঞ্চলত হ’ব ভোটযুদ্ধ। অসমৰ ৪ খন আসনৰ লগতে বিহাৰত ৫খন আসন, ছত্তীশগড়ত ৭খন, কৰ্ণাটকত ১৪খন, মধ্যপ্ৰদেশত ৯খন, মহাৰাষ্ট্ৰত ১১খন আসন, উত্তৰ প্ৰদেশত ১০খন, পশ্চিমবংগত ৪খন, গুজৰাটত ২৫খন, গোৱাত ২খন আসন আৰু জম্মু কাশ্মীৰত ২খন আৰু দাদৰা আৰু নগৰ হাভেলী আৰু ডিউত ২খন আসনত হ’ব ভোটগ্ৰহণ।তৃতীয় পৰ্যায়ৰ নিৰ্বাচনত মুঠ ১৩৫১ গৰাকী প্ৰাৰ্থীৰ ভাগ্য নিৰ্ণয় হ’ব। এনে সময়তে দেশৰ কেইবা খনো ৰাজ্যত অহা সাত দিনৰ বাবে বতৰৰ আগজাননী প্ৰকাশ কৰিছে কেন্দ্ৰীয় বতৰ বিজ্ঞান কেন্দ্ৰই।ভাৰতীয় বতৰ বিজ্ঞান বিভাগে (আইএমডি) অসমকে ধৰি উত্তৰ-পূবৰ ৰাজ্যসমূহৰ লগতে পশ্চিম বংগ, বিহাৰ আৰু ওড়িশাকে ধৰি কেইবাটাও অঞ্চলত বৰষুণৰ আগজাননী দিছে।
আইএমডিয়ে কয়, “অহা ৭ দিনৰ ভিতৰত অৰুণাচল প্ৰদেশ, অসম, মেঘালয়, নাগালেণ্ড, মণিপুৰ, মিজোৰাম আৰু ত্ৰিপুৰাত বিজুলী-গাজনিৰ সৈতে ধুমুহা আৰু পাতলীয়াৰ পৰা মধ্যমীয়া তথা প্ৰবল বৰষুণ হোৱাৰ সম্ভাৱনা আছে।” সোমবাৰে অৰুণাচল প্ৰদেশ, মঙলবাৰে অসম আৰু মেঘালয়ত আৰু ৭ মে’লৈকে নাগালেণ্ড, মণিপুৰ, মিজোৰাম আৰু ত্ৰিপুৰাত ধাৰাসাৰ বৰষুণ হোৱাৰ সম্ভাৱনা আছে। ৬ মে’ত অসম আৰু মেঘালয়ত ধাৰাসাৰ বৰষুণ হোৱাৰ সম্ভাৱনা আছে৷
৬ মে’ত জম্মু-কাশ্মীৰ-লাডাখ-গিলগিট-বাল্টিস্তান আৰু মুজাফ্ফৰাবাদত পাতলীয়াৰ পৰা মধ্যমীয়া বৰষুণ হোৱাৰ সম্ভাৱনা আছে; হিমাচল প্ৰদেশ আৰু উত্তৰাখণ্ডত ৮ মে লৈকে যথেষ্ট বৰষুণত হ’ব। বতৰ বিজ্ঞান কেন্দ্ৰই কালিয়েই দক্ষিণ শালমৰা, ধুবুৰী, বঙাইগাঁও, গোৱালপাৰা, বৰপেটা, কোকৰাঝাৰ, চিৰাং, বাক্সা, নলবাৰী জিলাত ইয়েল’ এলাৰ্ট জাৰি কৰিছিল। একেদৰে কামৰূপ, কামৰূপ(মহানগৰ), দৰং, ওদালগুৰি, শোণিতপুৰ, নগাঁও, মৰিগাঁও, ডিমা হাচাও, কাছাৰ, হাইলাকান্দিত জিলাত ইয়েল’ এলাৰ্ট জাৰি কৰিছে বতৰ বিজ্ঞান বিভাগে। এনে পৰিস্থিতিত কাইলৈ অসমৰ চাৰিটা সমষ্ঠিত অনুষ্ঠিত হ’বলগীয়া তৃতীয় পৰ্যায়ৰ নিৰ্বাচনৰ ভোটগ্ৰহণত বতৰে বিঘিনি ঘটোৱাটো নিশ্চিত হৈ পৰিছে।
আজি বিদ্যালয় আৰু কাইলৈ প্ৰতিকূল বতৰৰ বাবে বিদ্যালয়, মহাবিদ্যালয় বন্ধ থাকিব বুলি ঘোষণা মুখ্যমন্ত্ৰীৰ।
তীব্ৰ বৰষুণৰ বাবে সকলো শিক্ষানুষ্ঠান সোমবাৰ (৬ মে’) আৰু মঙলবাৰ (৭ মে’) বন্ধ ৰখাৰ সিদ্ধান্ত বুলি মুখ্যমন্ত্ৰীয়ে জানিবলৈ দিয়ে।
X ত এটা পোষ্টত মুখ্যমন্ত্রীগৰাকীয়ে কয়, “ৰাজ্যৰ বতৰৰ পৰিস্থিতিৰ বাবে অহা ৬ মে’ আৰু ৭ মে’, ২০২৪ তাৰিখে সকলো বিদ্যালয়-মহাবিদ্যালয় বন্ধ থাকিব।বৰ্তমান বতৰৰ পৰিস্থিতিয়ে সৃষ্টি কৰা বিপদৰ বিৰুদ্ধে সতৰ্কতামূলক ব্যৱস্থা হিচাপে এই সিদ্ধান্ত গ্ৰহণ কৰা হৈছে।
তেওঁ লগতে কয় যে, “মই সকলোকে আপডেট হৈ থাকিবলৈ আৰু ঘৰৰ ভিতৰত সুৰক্ষিত হৈ থাকিবলৈ আহ্বান জনাইছো। ৰাজ্য চৰকাৰে জীৱন আৰু সম্পত্তি সুৰক্ষিত কৰাৰ লগতে ক্ষতিগ্ৰস্ত হোৱাসকলক সহায় কৰাৰ বাবে সকলো প্ৰয়োজনীয় ব্যৱস্থা গ্ৰহণ কৰিছে।”
দেওবাৰে মণিপুৰৰ কেইবাটাও অঞ্চলত শিলাবৃষ্টিৰ সৈতে হোৱা প্ৰবল বৰষুণত ঘৰ-দুৱাৰ আৰু যান-বাহনৰ ক্ষতিসাধন হয়।
সেইবাবে মণিপুৰৰ মুখ্যমন্ত্ৰীয়ে ৰাজ্যখনত দুদিনৰ বাবে বিদ্যালয় বন্ধৰ ঘোষণা কৰিছে।
অসমৰ এটা নিয়মীয়া নাট্যদল নগাঁও জিলাৰ পুৰণিগুদামৰ ৰংগালয় । ইতিমধ্যে ভালেকেইখন উন্নত মানৰ নাট্য প্রযোজনাৰে ৰাষ্ট্ৰীয় পৰ্যায়ত স্থান লাভ কৰিবলৈ সক্ষম হোৱা এই নাট্যদলটোৱে অহা ১১ মে’ তাৰিখে নগাঁও ছোৱালী মহাবিদ্যালয়ৰ প্ৰেক্ষাগৃহত বৰহেমীয়ান চ’লছৰ সহযোগত মনস্থ কৰিব বিশ্ববিখ্যাত নাট্যকাৰ উইলিয়াম শেক্সপীয়েৰৰ কালজয়ী নাটক অথেল’ৰ অসমীয়া অভিযোজনা “অথেল’ — এ পলিটিকেল ট্রেপ” ।
সন্ধিয়া ছয় বজাৰ পৰা মনস্থ হ’ব লগা এই নাটকখনৰ অসমীয়া অনুবাদ সত্য প্ৰসাদ বৰুৱাৰ আৰু অভিযোজনা হেমন্ত কুমাৰ বৰাৰ । অসমীয়া নাট্য সমলেৰে নাটকখনৰ পৰিকল্পনা আৰু পৰিচালনা কৰিছে মৃণাল কুমাৰ বৰাই । নাটকখনত অভিনয় কৰিব অঞ্জল বৰা, দিপু শইকীয়া, বিশ্ব জ্যোতি বৰা, আদিত্য বৰা, পৰশ মণি মহন্ত, তনমি ফুকন আৰু প্ৰহেলিকা বৰাই ।
আৱহ সংগীত ভাৰ্গব বৰা আৰু ৰূপসজ্জা নেত্ৰ কমল বৰাৰ । সাজসজ্জা পৰিকল্পনা কৰিছে মৃদু মৌচম বৰাই । পোহৰ পৰিকল্পনা মৃণাল কুমাৰ বৰা আৰু সহযোগিতা প্ৰশান্ত বৰাৰ । উক্ত নাটখনিত সমূহ ৰাইজৰ উপস্থিতি আয়োজক সমিতিয়ে বিনম্ৰভাৱে কামনা কৰিছে।
