দেৰগাঁৱত লাখপতি বাইদেউৰ প্ৰ-পত্ৰ বিতৰণ কাৰ্য্যসূচী। প্ৰ-পত্ৰ ল’বলৈ আত্মসহায়ক গোটৰ মহিলাৰ ভিৰ পৌৰসভাত। দেৰগাঁৱৰ পৌৰসভাত বিতৰন কৰা হৈছে মুখ্যমন্ত্ৰীৰ মহিলা উদ্যমিতা অথবা লাখপতি বাইদেউ আচঁনিৰ প্ৰ-পত্ৰ।

দেৰগাঁৱৰ পৌৰসভাৰ সমীপৰ নৰেন শৰ্মা পথাৰৰ অস্থায়ী কাৰ্য্যালয়ত পুৱাৰে পৰা দেখা গ’ল ব্যাপক ভীৰ। আত্মসহায়ক গোটৰ শ শ মহিলাই প্ৰ-পত্ৰ সংগ্ৰহ কৰিবলৈ আহি সৃষ্টি কৰিলে এক উৎসৱমুখৰ পৰিৱেশ। কেইবাখনো টেবুলত কাউন্টাৰ স্থাপন কৰি বিতৰন কৰা হয় প্ৰ-পত্ৰ সমুহ। প্ৰ- পত্ৰ সংগ্ৰহ কৰি আনন্দিত হৈ পৰিল মহিলাসকল।

কামৰূপ জিলাৰ বেজেৰাস্থিত বৰবংশৰ ৰাজহুৱা প্ৰেক্ষাগৃহত আলহাজ চৈয়দ মণিৰুদ্দিন আহমেদ(আচমা) শৈক্ষিক ন্যাসৰ উদ্যোগত এখনি গ্ৰন্থ উন্মোচনী আৰু সম্বৰ্ধনা সভা দেওবাৰে অনুষ্ঠিত হৈ যায় ৷ সভাত প্ৰয়াত আলহাজ চৈয়দ মনিৰুদ্দিন আহমেদৰ পৰিয়ালৰ তৰফৰপৰা ৫ খনকৈ গ্ৰন্থ উন্মোচন কৰা হয় ৷ জিকিৰ শিল্পী মজিবৰ ৰহমানৰ জিকিৰেৰে আৰম্ভ হোৱা গ্ৰন্থ উন্মোচনী সভাখনত উন্মোচক হিচাবে উপস্থিত থাকে গুৱাহাটী বিশ্ববিদ্যালয়ৰ ভূগোল বিজ্ঞান বিভাগৰ অৱসৰী অধ্যাপক ড° অৱনী কুমাৰ ভাগৱতী। কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰ প্ৰাক্তন উপাচাৰ্য তথা দৈনিক অসম কাকতৰ সম্পাদক ড° হিতেশ ডেকা ৷ চামতাৰ কামৰূপ কলেজৰ অৱসৰী সহযোগী অধ্যাপক তথা আচমা পৰিয়ালৰ জ্যেষ্ঠ সদস্য চৈয়দ মতিউৰ ৰহমানে সঞ্চালনা কৰা দেওবাৰৰ অনুষ্ঠানত আদৰণী ভাষণ ৰাখে আচমা শৈক্ষিক ন্যাসৰ সঞ্চালক ড° চৈয়দ কুতুবুদ্দিন আহমেদে। অৱসৰী অধ্যাপক তথা কামৰূপ জিলা সাহিত্য সভাৰ সভাপতি ড° নৃপেন্দ্ৰ নাথ তালুকদাৰে এই অনুষ্ঠানৰ শুভ উদ্বোধন কৰে ৷

গ্ৰন্থ উন্মোচনী আৰু সম্বৰ্ধনা সভাখনত আচমা পৰিয়ালৰ তৰফৰপৰা আলহাজ চৈয়দ মণিৰুদ্দিন আহমেদৰ নিৰ্বাচিত লেখাৰ সংকলন “মুকুতাৰ মণি’’,চৈয়দ আচকৰ হুছেইনৰ “কাজী গাঁৱৰ ইতিবৃত্ত’’,ড০ চৈয়দা জাহানাৰা বেগমৰ “জীৱনৰ সুবাস’’, চৈয়দ আৰিফ হুছেইনৰ “কলম’’ আৰু চৈয়দ ৰবিউল হুছেইনৰ পূৰ্ণাংগ নাটক “সংঘাত” উন্মোচন কৰা হয়। এই অনুষ্ঠানত সদ্যঘোষিত অসামৰিক সেৱাত ১২তম স্থান প্ৰাপ্ত বাইহাটা চাৰিআলিৰ দেৱশ্ৰী ভাৰ্গৱক সম্বৰ্ধনা জ্ঞাপন কৰা হয়। দেৱশ্ৰী ভাৰ্গৱৰ হৈ সম্বৰ্ধনা গ্ৰহণ কৰে তেওঁৰ পিতৃ-মাতৃয়ে ৷ অঞ্চলটোৰ কেইবাগৰাকীও শিক্ষাবিদকে ধৰি ভালেসংখ্যক গুণী-জ্ঞানী ব্যক্তিয়ে অংশগ্ৰহণ কৰা গ্ৰন্থ উন্মোচনী আৰু সম্বৰ্ধনা সভাখন চৈয়দ ৰবিউল হুছেইনে আগবঢ়োৱা শলাগৰ শৰাইৰে সন্ধিয়া সফলভাৱে সামৰণি পৰে ।

তাই আহোম সাম্ৰাজ্যৰ প্ৰতিষ্ঠাপক মহান চাওলুং ছ্যুকাফাৰ অতি বিশ্বাসী সহচৰ লুক্‌-খা-খুনসকলৰ মাজতেই অংকুৰিত লাটুমৰ তেজ। দেশ জাতিৰ দুৰ্দিনত তাই আহোম সাহসী,দেশপ্ৰেমিক যুদ্ধাই লাচিত বৰফুকন আৰু আতন বুঢ়াগোহাঁইৰ নেতৃত্বত বিখ্যাত শৰাইঘাট যুদ্ধত,জীৱন পণ কৰিছিল। পূৰ্বপুৰুষ লাটুম বৰুৱাই ৰাঙলী বুৰুজ আৰু পাৰঘোপৰ মাজত ৩৬০জন চৰবছাৰ সৈতে কামাখ্যা মন্দিৰলৈ যোৱা বাটৰ পশ্চিমৰ পৰা দুৱাৰ গৰিলালৈকে থকা পালি যুদ্ধক্ষেত্ৰৰ সেনাপতিত্ব কৰিছিল।

লাটুম বৰুৱাৰ পুৰণি ঐতিহ্য আৰু কীৰ্তিচিহ্ন বিজৰিত শিৱসাগৰৰ হাঁহচৰা লাটুম গাঁৱত অহা ৩০মাৰ্চ তাৰিখে অনুষ্ঠিত কৰিবলৈ লোৱা হৈছে দ্বিতীয় লাটুম বৰুৱা বংশাৱলী। এই দ্বিতীয় লাটুম বৰুৱা বংশাৱলীৰ লাইখুঁটা স্থাপন কৰা হয় শিৱসাগৰৰ হাঁহচৰা লাটুম গাঁঁৱত। দ্বিতীয় লাটুম বৰুৱা বংশাৱলীৰ লাইখুঁটা স্থাপন কাৰ্য্যসূচীত লাটুম বৰুৱা বংশৰ প্ৰতিগৰাকী বংশৰ লোক উপস্থিত থাকে।