‘মোৰ ছবি সদায় মনোৰঞ্জনেৰে ভৰপূৰ’! কাৰ্তিকে কয় যে তেওঁ সকলো ধৰণৰ ছবি কৰাত বিশ্বাস কৰে। তেওঁৰ ছবি যিকোনো ধাৰাৰ হ’ব পাৰে, কিন্তু মনোৰঞ্জন থাকিবই। ২৯ জুনত কিয়াৰা আদৱানীৰ সৈতে পুনৰ ডাঙৰ পৰ্দাত উপস্থিত হ’ব কাৰ্তিক আৰিয়ান। আজিকালি কাৰ্তিক আৰিয়ানক নিজৰ সফলতাৰ দিশত অধিক পদক্ষেপ লোৱা দেখা গৈছে। তেওঁৰ কেৰিয়াৰ সেই পৰ্যায়ত আছে য’ত তেওঁ চলচ্চিত্ৰ জগতৰ নতুন দিশৰ অভিজ্ঞতা লাভ কৰিছে।কাৰ্তিক আৰিয়ানে চলচ্চিত্ৰ জগতত ১২ বছৰ সম্পূৰ্ণ কৰিলে। বহু ৰোমান্টিক-কমেডী ছবিৰে তেওঁ নিজৰ কেৰিয়াৰ আৰম্ভ কৰিছিল। ইয়াৰ পিছত তেওঁ বিভিন্ন ধৰণৰ চলচ্চিত্ৰ যেনে মনোবিজ্ঞানসন্মত থ্ৰিলাৰ ফ্ৰেডী, হৰৰ-কমেডী ভূল ভুলাইয়া ২ আৰু থ্ৰিলাৰ-নাটক ধমাকা আদিত কাম কৰিছে। তেওঁ প্ৰতিখন ছবিৰে নিজকে প্ৰমাণ কৰিলে যে যিকোনো চৰিত্ৰৰ বাবে তেওঁ নিখুঁত।
এক বাৰ্তালাপত কাৰ্তিকে কয় যে তেওঁ সকলো ধৰণৰ ছবি কৰাত বিশ্বাস কৰে যদিও তেওঁ মাত্ৰ এটা কথা বিচাৰে যে ছবি মনোৰঞ্জনৰ দ্বাৰা ভৰপূৰ হ’ব লাগে। কাৰ্তিকে কয়, ‘মোৰ ছবিবোৰ সদায় মনোৰঞ্জন থাকিবই’।একে সময়তে কাৰ্তিকৰ মনত আছে তেওঁৰ কেৰিয়াৰৰ সংগ্ৰামৰ কথা। কাৰ্তিকে কয় যে ‘মোৰ প্ৰথমখন ছবি ‘পিয়াৰ কা পুঞ্চনামা’ কৰাৰ আগতে বহুত সংগ্ৰাম কৰিবলগীয়া হৈছিল মই। ‘সোনু কে টিটু কি ছুইটী’ৰ পিছত মই কিছু সফলতা পাইছিলোঁ। কাৰ্তিকৰ মতে, ‘পিয়াৰ কা পুঞ্চনামা’ৰ পৰা ‘সোণু কে টিতু কি ছুইটী’লৈকে সাতটা বছৰ তেওঁৰ জীৱনৰ আটাইতকৈ ডাঙৰ সংগ্ৰাম আছিল।
“অসম সাহিত্য সভাই সমগ্ৰ বিশ্বতে অসমীয়া ভাষা আৰু সাহিত্যৰ বিকাশত কাম কৰিব৷ বিশ্বসভাত শাখা সাহিত্য সভা প্ৰতিষ্ঠা কৰি অসমীয়া সাহিত্যৰ মন্দিৰ প্ৰতিষ্ঠা কৰিব লাগিব৷ লগতে গ্ৰন্থ সংৰক্ষণ কৰি ভাষা-সাহিত্যক ভৱিষ্যত প্ৰজন্মৰ বাবে সুৰক্ষিত কৰি তোলাৰ প্ৰচেষ্টা অব্যাহত ৰাখিব অসম সাহিত্য সভাই”- মাজুলী জিলা সাহিত্য সভাৰ উদ্যোগত আৰু মাজুলীৰ সমূহ শাখা সাহিত্য সভাৰ সহযোগত মাজুলীৰ গড়মূৰ প্ৰেছ ক্লাবত অনুষ্ঠিত ‘পদ্মশ্ৰী ড° সূৰ্যকান্ত হাজৰিকাক বিপুল সম্বৰ্ধনা’ শীৰ্ষক অনুষ্ঠানত শতাধিক সাহিত্যপ্ৰেমীৰ উপস্থিতিত এইদৰে কয় অসম সাহিত্য সভাৰ সন্মানীয় সভাপতি ড° সূৰ্যকান্ত হাজৰিকাই৷
মাজুলী জিলা সাহিত্য সভাৰ বিদায়ী সম্পাদক মনোজ্যোতি ৰেগনে আঁত ধৰা সভাখনত মাজুলী জিলা সাহিত্য সভাৰ বিদায়ী সভাপতি ৰঞ্জিৎ কুমাৰ ভূঞা, নৱনিৰ্বাচিত সভাপতি ৰামসাগৰ নাথ, অসম সাহিত্য সভাৰ বিশেষ আমন্ত্ৰিত কেন্দ্ৰীয় কাৰ্যনিৰ্বাহক সদস্যদ্বয় ক্ৰমে ভূপেন দত্ত, প্ৰভাত বৰা বুঢ়াভকত, অসম সাহিত্য সভাৰ কুঁহি উপসমিতিৰ আহ্বায়ক তথা কেন্দ্ৰীয় কাৰ্যনিৰ্বাহক সদস্য শংকুসিদ্ধ নাথ, শ্ৰী শ্ৰী পীতাম্বৰদেৱ কনিষ্ঠ মহাবিদ্যালয়ৰ অৱসৰপ্ৰাপ্ত অধ্যক্ষ ঘনকান্ত নাথ, জিলা সাহিত্য সভাৰ সহকাৰী সম্পাদক সোণজ্যোতি পামেগাম, সমন্বয় শাখা সাহিত্য সভাৰ নৱনিৰ্বাচিত সম্পাদক পাৰ্থপ্ৰতীম বৰা প্ৰমুখ্যে বহুসংখ্যক সাহিত্যসেৱকে বক্তব্য প্ৰদান কৰে৷
শিল্পী ৰুণমণি শইকীয়াই এটি বৰগীতেৰে শুভাৰম্ভণী কৰা বিশেষ সম্বৰ্ধনা সভাখনত অসম সাহিত্য সভাৰ সন্মানীয় সভাপতি ড° সূৰ্যকান্ত হাজৰিকাক মাজুলী জিলা সাহিত্য সভা, উত্তৰ কমলাবাৰী শাখা সাহিত্য সভা, গড়মূৰ শাখা সাহিত্য সভা, ৰামধেনু শাখা সাহিত্য সভা, বিষ্ণুজ্যোতি শাখা সাহিত্য সভা, ত্রিবেণী শাখা সাহিত্য সভা, ৰাৱনাপাৰ শাখা সাহিত্য সভা, মধ্য মাজুলী শাখা সাহিত্য সভা, সমন্বয় শাখা সাহিত্য সভা, উজনি মাজুলী শাখা সাহিত্য সভা, পশ্চিম গড়মূৰ শাখা সাহিত্য সভা, আঁহতগুৰি শাখা সাহিত্য সভা, তৰুণজ্যোতি পামেগাম শাখা সাহিত্য সভা, নামনি মাজুলী শাখা সাহিত্য সভা, মাজুলী জিলা লেখিকা সমাৰোহ সমিতি, গড়মূৰ পূবেৰুণ গোষ্ঠী, বনগাঁও লেখিকা সমাৰোহ সমিতি, আউনিআটী কবি চক্ৰ, মাজুলী জিলা হাইস্কুল শিক্ষক সন্থাৰ লগতে বহুসংখ্যক দ’ল-সংগঠনে চেলেং-চাদৰ, গামোচা, জাপি, বিচনী, শৰাই, মিচিং এৰকক, কাৰ্বি মোনা, কিতাপৰ টোপোলা আৰু সম্বৰ্ধনা পত্রৰে ব্যাপক আদৰণী জনায়৷
উল্লেখ্য যে বিগত কিছু মাহত ডিব্ৰুগড়ৰ জিলা প্ৰাথমিক শিক্ষা বিষয়াৰ কাৰ্যালয় ব্যাগোম বিত্তীয় কেলেংকাৰী সংঘটিত হৈছিল। য’ত অভিযুক্ত হৈ গাণিতিক ধনতি গগৈ আৰু ফাইনে়ঞ্চ এণ্ড একাউন্ট অফিছাৰ গিয়াছ আলী কাৰাগাৰলৈও যাব লগা হৈছিল।
এই কেলেংকাৰীৰ তদন্ত ইতিমধ্যে অব্যাহত আছে।যাৰ বাবে দৰমহাৰ আদায় দিয়াত এই বিশৃঙ্খলতাই দেখা দিয়া বুলি ক’ব খোজে যদিও প্ৰতিবাদী শিক্ষকে এই কথা মানি লোৱা নাই।
শিক্ষক সকলৰ মতে বিভাগৰ কোনোবাই দুৰ্নীতি কৰিলে দৰমহা দিয়াত খেলিমেলি হোৱাতো গ্ৰহণযোগ্য নহয়।
