ওদালগুৰি জিলাৰ কলাইগাঁৱৰ নিকটৱৰ্তী বননগৰী উচ্চ মাধ্যমিক বিদ্যালয়ৰ সহকাৰী শিক্ষক নলিনী কান্ত ডেকাই নিজৰ শিক্ষণ ইউটিউব চেনেলৰ জৰিয়তে উপাৰ্জন কৰা ধনৰ ২৫,৫৫৫.০০ টকা আজি মুখ্যমন্ত্ৰী সাহায্য পুঁজিলৈ আগবঢ়ায় ৷ আজি(৩১ জুলাই) শিক্ষক ডেকাই মুখ্যমন্ত্ৰী ড° হিমন্ত বিশ্ব শৰ্মাক সাক্ষাৎ কৰি তেওঁৰ হাতত ২৫,৫৫৫.০০ টকা মুখ্যমন্ত্ৰী সাহায্য পুঁজিলৈ আগবঢ়ায় ৷ উল্লেখ্য যে, জিলাখনৰ ২ নং কলাইগাঁৱৰ প্ৰয়াত সীতাৰাম ডেকা আৰু নিৰলা ডেকাৰ শিক্ষক পুত্ৰ নলিনী কান্ত ডেকাই ২০১৯ চনত ক’ভিড মহামাৰীৰ সময়ত ছাত্ৰ-ছাত্ৰীৰ অনলাইন পাঠদানত সহায়ক হোৱাকৈ ইউটিউবত নিজৰ নামত এটা শিক্ষণ চেনেল খুলি সময়োপযোগী আৰু ছাত্ৰ-ছাত্ৰীৰ পাঠ ভিত্তিক বিভিন্ন শিক্ষণ ভিডিঅ’ৰে ছাত্ৰ-ছাত্ৰীৰ উপকাৰ সাধন কৰি আহিছে ৷ এনেদৰে চেনেলটোত ছাত্ৰ-ছাত্ৰীৱে দেখুওৱা আগ্ৰহৰ ফলত ইউটিউবৰ জৰিয়তে শিক্ষক ডেকাই ধন উপাৰ্জন কৰিবলৈ আৰম্ভ কৰে ৷ সেয়ে ছাত্ৰ-ছাত্ৰীক উপকাৰ সাধনৰ বাবে প্ৰস্তুত ককা পাঠভিত্তিক বিষয় সম্প্ৰচাৰ জৰিয়তে চেনেলৰ উপাৰ্জিত ধনৰ ৬০ শতাংশ শিক্ষক নলিনী কান্ত ডেকাই ছাত্ৰ-ছাত্ৰীৰ উপকাৰৰ বাবে খৰচ কৰি অহিছে।

তেওঁ বৃহত্তৰ অঞ্চলটোৰ বিভিন্ন বিদ্যালয়লৈ গৈ ছাত্ৰ-ছাত্ৰীৰ বাবে বহী, কিতাপ, কম্পাছ, কলম আদি প্ৰদান কৰাৰ উপৰিও বিদ্যালয়ৰ পুথিভঁৰাললৈ কিতাপ আদিও প্ৰদান কৰিছে । তেওঁ বৰ্তমানলৈ অঞ্চলটোৰ সমলাবড়ি প্ৰথমিক বিদ্যালয়, ৰণথলী সমবায় প্ৰথমিক বিদ্যালয়, দৰঙ্গীপাৰা প্ৰথমিক বিদ্যালয়, বননগৰী প্ৰাথমিক বিদ্যালয় (দুবাৰ), বৰপুখুৰী প্ৰথমিক বিদ্যালয়লৈ শিক্ষামূলক সামগ্ৰী প্ৰদান কৰিছে। ইউটিউবৰ পৰা একেৰাহে সপ্তমবাৰলৈ উপাৰ্জন কৰা ধনৰ ২৫,৫৫৫.০০ টকা মুখ্যমন্ত্ৰী সাহায্য পুঁজিলৈ আগবঢ়াই তেওঁৰ মহানুভৱতাৰ পৰিচয় দিয়ে৷

বৰপেটা প্ৰেছ ক্লাবৰ প্ৰেক্ষাগৃহত যোৱা কালি সন্ধিয়া বিশিষ্ট সাহিত্যিক কলাগুৰু আৰু শিক্ষাৰত্ন বঁটা প্ৰাপক অক্ষয় কুমাৰ মিশ্ৰৰ ” সুৰৰ সূতাৰে গঁথা মালাধাৰ ” নামৰ গ্ৰন্থ খনৰ দ্বিতীয় খন্ড উন্মোচন কৰা হয়৷গ্ৰন্হখন উন্মোচন কৰে বৰপেটাৰ কেইগৰাকীমান শিল্পীয়ে।তেওঁ লোক হ’ল হেমেন দাস, গুনীন্দ্ৰ নাথ ওজা, প্ৰমথ ৰঞ্জন দাস, নকুল দাস আৰু অমেন বায়নে ৷উন্মোচনৰ পূৰ্বে গ্ৰন্থখনৰ সন্দৰ্ভত গ্ৰন্থকাৰ অক্ষয় কুমাৰ মিশ্ৰই বিশদ ব্যাখ্যা কৰে ৷লগতে তেওঁ ভাষণ প্ৰসংগত অসমীয়া ভাষা আৰু অসমীয়া জাতিক ৰক্ষা কৰাৰ বাবে আহ্বান জনায়।

অসমীয়া মাধ্যমৰ বিদ্যালয়ত তৃতীয় শ্ৰেণীৰ পৰা বিজ্ঞান আৰু গণিতৰ শিক্ষা ইংৰাজী মাধ্যমেৰে দিয়া হ’ব বুলি ৰাজ্য চৰকাৰে কৰা ঘোষণাক তীব্ৰ বিৰোধিতাও কৰে।তেওঁ কয় যে, শিক্ষাই যন্ত্ৰ মানৱ নহয় প্ৰকৃত মানুহ তৈয়াৰ কৰিব লাগে।তাকে কৰিবলৈ হ’লে বিশেষকৈ প্ৰাথমিক স্তৰত মাতৃভাষাত শিক্ষাদান কৰাটো অপৰিহাৰ্য বুলি কয়।নাট্যকাৰ, অভিনেতা নিৰ্মল দাসে আঁত ধৰা ব্যতিক্ৰমী গ্ৰন্থ উন্মোচনী সভাত শিল্পী হেমেন দাসে এই গ্ৰন্থখনৰ আধাৰত প্ৰথম সংগীতালেখ্যৰ ৰূপৰেখা কেনেকৈ প্ৰস্তুত হৈছিল সেই সম্পৰ্কে বিশদ ব্যাখ্যা আগবঢ়ায় ৷

গ্ৰন্থ উন্মোচনী সভাত বৰগীতৰ শিল্পী গুনীন্দ্ৰ নাথ ওজাই সংগীতালেখ্য খনৰ লগত কি দৰে জড়িত হৈছিল আৰু কেনে গীত পৰিবেশন কৰিছিল সেই সম্পৰ্কে বিশদ ভাবে উল্লেখ্য কৰে ৷সভাত শিল্পী প্ৰমথ ৰঞ্জন দাস, নকুল দাস আৰু অমেন বায়নে ভাষণ প্ৰদান কৰে ৷উক্ত সভাত বৰপেটাৰ নিৰ্বাচনী বিষয়া ময়ুৰাক্ষী দত্তইয়ো উপস্থিত হৈ বৰপেটাৰ কৃষ্টি সংস্কৃতিৰ লগতে বৰপেটা বাসীৰ মৰম ভালপোৱাৰ ওপৰত কেনেকৈ আকৃষ্ট হ’ল তাৰ ওপৰত এক ৰসাল ভাষণ প্ৰদান কৰে।

গৌৰীপুৰৰ দাওভংগীত হিন্দু মুছলমানৰ সম্প্ৰীতিৰ নিৰ্ধশন দাঙি ধৰিছে এগৰাকী মুছলিম সম্প্ৰদায়ৰ আৰক্ষী বিষয়াই।
নাম জাহান উদ্দিন।আৰক্ষী চকী চৌহদত হিন্দু ধৰ্মাৱলম্বী লোকৰ উপসনাৰ বাবে এখনো মন্দিৰ নাছিল। তেও তাত এখন মন্দিৰ নিৰ্মাণৰ বাবে জিলা প্ৰশাসনৰ পৰা অনুমতি লাভ কৰি স্থানীয় ধৰ্মপ্ৰাণ লোকৰ সহযোগত প্ৰায় ৮/৯ মাহৰ ভিতৰতেই এই শিৱ মন্দিৰ খন নিৰ্মাণ কৰে।

স্থানীয় ৰাইজৰ সহযোগত আৰক্ষী বিষয়া গৰাকীৰ তত্বাৱধানত শিৱ মন্দিৰ খন নিৰ্মাণ কৰা হৈছে।আজি প্ৰথমবাৰৰ বাবে পূজা অৰ্চনা কৰি মন্দিৰ খনৰ শুভ উদ্বোধন কৰে ধুবুৰী জিলা সহকাৰী আৰক্ষী অধীক্ষক বিদ্যুত বৰভূঞাই।আৰক্ষী বিষয়া জাহান উদ্দিনে ৰাইজৰ সহযোগীতাত আৰক্ষী চকী চৌহদত শিৱ মন্দিৰ খন নিৰ্মাণ কৰাত কৰাত স্থানীয় ৰাইজৰ ভূইসী প্ৰসংশা লাভ কৰে আৰক্ষী বিষয়া জাহান উদ্দিনে।

গৌৰীপুৰৰ পৰা ওমৰ ফাৰুক সেখৰ প্ৰতিবেদন