ওদালগুৰি জিলা ভেৰগাঁ‌ও মহকুমা অন্তৰ্গত গড়কাষ ফটুকিবাৰী গাঁ‌ৱত আজি বড়ো সকলৰ(ঔখাম গৌৰলৈ জানাই) অসমীয়া ভাষাত ন’ৱা খোৱা পৰৱ উৎসৱটি  উলহ মালহৰে উদযাপন কৰা দেখা যায়।উল্লেখ্য যে  বাথৌ ধৰ্মীয় বড়ো সকলৰ এটি পৰম্পৰাগত উৎসৱ ঔখাম গোৰলৈ জানাই অসমীয়াত নৱা  খোৱা  পৰৱ উৎসৱটি প্ৰতিবছৰে আঘোন মাহৰ ৯ তাৰিখে বড়ো সকলে আঘোন মাহৰ নতুন ধান ঘৰত চপাই নি নতুন ধানৰ চাউলৰ ভাত বছৰটোৰ প্ৰথমবাৰৰ বাবে বাথৌ ইশ্বৰৰ ওচৰত প্ৰাথনা জনাই ৰাইজে মিলি-জুলি এগলগে  এসাজ খোৱাৰ বাবে এই উৎসৱটি উদযাপন কৰে।সেয়েহে আজি আঘোন মাহৰ ৯ তাৰিখ ২৬ নৱেম্বৰ দিনা  বিভিন্ন প্ৰান্তৰ লগতে ওদালগুৰি জিলাৰ ভেৰগাঁ‌ও মহকুমা অন্তৰ্গত গড়কাষ আৰু ফটুকিবাৰী গাঁ‌ৱত ঔখাম গৌৰলৈ জানাই ন’ৱা খোৱা পৰৱ উৎসৱটি আজি দিনযোৰা কাৰ্যসূচী মৰ্মে পুৱা বাথৌ ধৰ্মৰ পতকা উত্তোলন  কৰে গৰকাষ ফুটুকিবাৰী গাঁও পৰিচালনা সমিতিৰ সভাপতি মোহন বড়োয়ে , আনহাতে গাঁওখনৰ স্বৰ্গগামী লোকসকললৈ শ্ৰদ্ধাঞ্জলি জ্ঞাপন কৰে ফুটুকিবাৰী বাথৌ মন্দিৰৰ পূজাৰী কুলেন বসুমতাৰীয়ে আৰু লগতে উদযাপনৰ লগত সংগতি ৰাখি দুআষাৰ মন্তব্য কৰে  গাঁওখনৰ এজন জ্যেষ্ঠ ব্যক্তি কনক চন্দ্ৰ বড়োয়ে।””অন্তত গাঁওখনৰ প্ৰ্তিগৰাকী লোকে মন্দিৰত ভগৱানৰ ওচৰত ( আৰজ)প্ৰাৰ্থনা কৰি (বিমা মাইনাওক)অসমীয়াত দেৱী মা লক্ষ্মীক মন্দিৰৰ পৰা নিজৰ নিজৰ ঘৰলৈ আগ বঢ়াই নিয়ে প্ৰতিগৰাকী গৃহণীয়ে। শেষত ৰাইজে মেলিজুলি মুকলি পথাৰত  (ঔখাম গৌৰলৈ জানাই) এসাঁজ ন’ৱা ভাত খাই কাৰ্যসূচী সম্পন্ন কৰে।

ৰাজ্যত অব্যাহত আছে অবৈধ কয়লাৰ ৰমৰমীয়া সৰবৰাহ আৰু তেনে সময়তে পশ্চিম কামৰূপৰ নগৰবেৰা নদী সংৰক্ষিত বনাঞ্চলিক কাৰ্যালয়ৰ এটা দলে অতৰ্কিতে অভিযান চলাই উদ্ধাৰ কৰে বুজন পৰিমাণৰ বস্তা ভৰ্তি কয়লা। জানিব পৰা মতে নগৰবেৰা বজাৰৰ উত্তৰ দিশত থকা পাহাৰপাৰা গাঁৱৰ এঠাইত থুপাই থোৱা মুঠ আশী বস্তা কয়লা বন বিভাগে উদ্ধাৰ কৰিবলৈ সক্ষম হয়। এক খৱৰৰ ভিত্তিত বন বিভাগে থুপাই থোৱা কয়লাৰ বস্তা সমুহ উদ্ধাৰ কৰি এখন বাহনেৰে নগৰবেৰা বন কাৰ্যালয়লৈ নিয়ে। উল্লেখ্য যে কোনে, কিয় এই দৰে কয়লাৰ বস্তা সমুহ থুপাই মজুত কৰি ৰাখিছিল সেয়া সকলোৰে বাবে ৰহস্যৰ বিষয় হৈ পৰিছে। আনহাতে বন বিভাগে কয়লা খিনি উদ্ধাৰ কৰে যদিও এই সন্দৰ্ভত সোধপোছৰ বাবে কাকো আটক কৰিবলৈ সক্ষম হোৱা নাই বুলি বন বিভাগে জনায়।

বৃহস্পতিবাৰে হোজাই জিলাৰ অন্তৰ্গত ৰেল নগৰী লামডিঙ চহৰৰ মাজ মজিয়াত থকা D R M কাৰ্যালয়ৰ সন্মুখত নাৰী নিৰ্যাতন বিৰোধী দিৱসৰ আয়োজন কৰা হৈ্ছে। লামডিঙ ৰেলৱে মজদুৰ ইউনিয়নৰ মহিলা শাখাৰ সম্পাদিকা মধুমিতা দে কয় যে নাৰী নিৰ্যাতন বন্ধ হব লাগিব,নাৰীক সন্মান দিব লাগিব, নাৰীৰ ওপৰত অমানৱীয় অত্যাচাৰ বন্ধ হোৱাৰ কাৰনেই মজদুৰ ইউনিয়নৰ মহিলা শাখাৰ উদ্যোগত সজাগতামূলক কাৰ্যসূচীৰ আয়োজন কৰা হৈ্ছে।নাৰী  নিৰ্যাতন বিৰোধী দিৱস উপলক্ষে হাতত মমবাতি লৈ পদ যাত্রা কৰি নাৰী নিৰ্যাতন বন্ধ হব লাগিব, নাৰীৰ ওপৰত অমানৱীয় অত্যাচাৰ বন্ধ হব লাগিব মজদুৰ ইউনিয়ন জিন্দাবাদ দি ৰাইজৰ মাজত সজাগতামূলক বাৰ্তা প্ৰেৰণ কৰা দেখা গৈ্ছে।আৰু দুপৰীয়াৰ ভাগৰ পৰাই কবিতা, নিত্য নাটক  সমবেত নিত্য আদিকে ধৰি বিভিন্ন কাৰ্যসূচী আয়োজন কৰা হৈ্ছে।মজদুৰ ইউনিয়নৰ এনেধৰনৰ পদক্ষেপক লামডিঙ বাসী ৰাইজৰ প্ৰশংশনীয় হৈ পৰিছে।

কামৰূপৰ বকো সমষ্টিৰ নগৰবেৰা ৰাজহ চক্ৰৰ অন্তৰ্গত টুপামাৰীত গাওঁবুঢ়া বিতৰ্ক লৈ অব্যাহত আছে প্ৰতিবাদ। গাওঁবুঢ়া নিযুক্তি প্ৰক্ৰিয়াৰ তদন্তৰ দাবীত পুণৰ উত্তাল ২/৩ নং টুপামাৰী গাওঁ। উল্লেখ্য যে নগৰবেৰা ৰাজহ চক্ৰৰ অন্তৰ্গত ২/৩ নং টুপামাৰী গাওঁৰ  গাওঁবুঢ়াৰ মৃত্যু ঘটাত পদটি খালী হৈ থকাত বিভাগীয় বিজ্ঞাপনৰ ভিত্তিত অনুষ্ঠিত হৈছিল সাক্ষাৎকাৰ আৰু সাক্ষাৎকাত পূৰ্বৰ গাওঁবুঢ়াৰ পুত্ৰ বোৱাৰী মাজিদা খাতুনে ২/৩ নং টুপামাৰী গাওঁৰ গাওঁবুঢ়া পদৰ বাবে বাচনি হয়। ৰাইজৰ অভিযোগ অনুসৰি বাচনি হয় যদিও আজিকোপতি নিযুক্তি পত্ৰ পোৱা নাই মাজিদা খাতুনে আৰু নিযুক্তি পত্ৰ নোপোৱাকৈ ধনৰ বিনিময়ত দিবলৈ লৈছে গাওঁবুঢ়াৰ প্ৰমাণ পত্ৰ। উল্লেখ্য যে কিছু দিন পূৰ্বে নগৰবেৰা ৰাজহ চক্ৰৰ চক্ৰ বিষয়াই মাজিদা খাতুনক সাময়িক ভাৱে গাওঁবুঢ়াৰ দায়িত্ব অৰ্পণ কৰাৰ পাছত গাওঁৰে একাংশ সচেতন যুৱকে নগৰবেৰা আৰক্ষী থানাত এজাহাৰ আৰু জিলা উপায়ুক্ত লৈ অভিযোগ দাখিল কৰে। অভিযোগ দাখিল কৰাৰ পাছতেই নগৰবেৰা ৰাজহ চক্ৰৰ চক্ৰ বিষয়া গৰাকীয়ে মাজিদা খাতুনক গাওঁবুঢ়াৰ যি সাময়িক দায়িত্ব দিছিল তাৰ পৰা আকৌ অব্যাহতি দি অন্য এজনক দায়িত্ব দিয়ে। এফালে নিযুক্তি নহওতেই ৰাজহ চক্ৰ বিষয়াৰ সাময়িক দায়িত্বভাৰ, সমন্তৰালকৈ আকৌ নিযুক্তি পত্ৰ নোপোৱাকৈ প্ৰমাণ পত্ৰ নামত ধন আদায়, দুয়োটা ইচ্যুক লৈ ৰাইজৰ মাজত ব্যাপক প্ৰতিক্ৰিয়াৰ সৃষ্টি হয়। পিছত সামাজিক মাধ্যমত ভাইৰেল হয় এই স্পৰ্শকাতৰ বিষয় দুটা, তাকে ল’ই প্ৰাৰ্থী মাজিদা খাতুনে সংবাদ মেল পাতি তাইৰ বিৰুদ্ধে অনা সকলো অভিযোগ নস্যাৎ কৰে আৰু এয়া তাইৰ বিৰুদ্ধে একাংশই ষড়যন্ত্ৰ কৰিছে বুলি প্ৰতিঅভিযোগ  তুলে। মাজিদা খাতুনৰ সংবাদ মেলৰ পাছতেই আকৌ ৰাইজে গাওঁবুঢ়া নিযুক্তি প্ৰক্ৰিয়াৰ উচ্চস্তৰীয় তদন্তৰ দাবী উত্থাপন কৰি সাৱস্ত্য কৰে উত্তাল প্ৰতিবাদ। উল্লেখ্য যে নিযুক্তি পত্ৰ পোৱাৰ পূৰ্বেই মাজিদা খাতুনে টকাৰ বিনিময়ত প্ৰমাণ পত্ৰ দিবলৈ লোৱাত গাওঁবাসীয়ে জাঙুৰ খাই উঠিছে আৰুবৃহস্পতিবাৰৰ আবেলি হাতে হাতে প্লেকাৰ্ড লৈ ক্ষুদ্ধ লোকে মাজিদা খাতুনৰ বিৰুদ্ধে উত্তাল প্ৰতিবাদ সাব্যস্ত কৰে। গাওঁবুঢ়া নিযুক্তি প্ৰক্ৰিয়াৰ তদন্ত লাগে, মাজিদা খাতুনক গ্ৰেপ্তাৰ কৰক, মাজিদা খাতুনৰ দুৰ্নীতি নচলিব, মাজিদা খাতুন হুচিয়াৰ আদি শ্ল-গানেৰে উত্তাল প্ৰতিবাদ সাব্যস্ত কৰে ৰাইজে। মুঠতে গাঁওবুঢ়া কেন্দ্ৰিক বিতৰ্কই অঞ্চলজুৰি অব্যাহত ৰাখিছে এক অস্থিৰতা। আমাৰ এই প্ৰতিবেদন প্ৰকাশ পোৱাৰ পিছত বিভাগীয় কৰ্তৃপক্ষই কি ব্যৱস্থা গ্ৰহণ কৰে সেয়া হব লক্ষণীয়।