দুৰ্গাপূজা যদিও এতিয়ালৈকে  মৎশিল্পী সকলৰ আগৰদৰে নাই কোনো উৎসাহ উদ্দীপনা।ক’ৰোনা মহামাৰীয়ে দুবছৰ ধৰি জুৰুলা কৰি আৰ্থিকভাৱে দূৰ্বল কৰি তুলিছে।য’ত চৰকাৰে এতিয়ালৈকে মৃৎশিল্পীৰ প্ৰতি কোনো আঁচনি গ্ৰহন কৰা নাই এই  ক্ষোভ মৃৎ শিল্পী সকলৰ।
এই সন্দৰ্ভত ওদালগুৰি চহৰৰ অৰ্পিতা শিল্পালয়ৰ মৃৎশিল্পী গোপাল সাহাই  আক্ষেপ প্ৰকাশ কৰি কয়- কডিভ’১৯ৰ সময়ৰ পৰাই আমি মৃৎশিল্পী সকল ক্ষতিগ্ৰস্ত হৈ পৰিছো।বিশ্বকৰ্মা পূজা আদিকে ধৰি আন পূজা সমূহত প্ৰায় ২০/৩০ তকৈও অধিক মূৰ্ত্তিৰ অৰ্ডাৰ লাভ কৰো যদিও এতিয়ালৈকে দুৰ্গা পূজাৰ মূৰ্ত্তিৰ বাবে মাত্ৰ ৬ টাৰহে অৰ্ডাৰ লাভ কৰিছো।মই ৭০দকৰ  পৰাই ওদালগুৰি চহৰৰ বিভিন্ন প্ৰান্তৰ লক্ষী পূজা,স্বৰসতী পূজাকালি পূজা, বিশ্বকৰ্মা আদিকে ধৰি বিভিন্ন পূজাৰ মূৰ্ত্তি নিৰ্মাণ কৰি পৰিয়াল ভৰণ পোষন দি আহিছো  যদিও এতিয়া সেই দিন নাই আৰু কৰুণা মহামাৰীৰ বাবে  ব্যৱসায়ীও কমি গৈছে।।আনহাতে সকলো বয় বস্ত আদিৰ মূল্য বৃদ্ধিৰ ফলত পৰিয়াল চলোৱাত কষ্টকৰ হৈ পৰিছে।সেয়ে চৰকাৰে মৃৎশিল্পী সকলৰ জীৱন ধাৰণৰ কথা চিন্তা কৰি সাহাৰ্য প্ৰদানৰ ব্যৱস্থা কৰিব লাগে বুলি বাৰে বাৰে কৈ অহাৰ পিছতো কোনো গুৰুত্ব নিদিয়া কাৰ্যই মৃৎ শিল্পী সকলক অৱহেলাত কৰাহে দেখা গৈছে।সেয়ে জিলাখনৰ ৰৌতা,ওৰাং,মাজবাটৰ চৰকাৰে মৃৎ শিল্পী সকলক আৰ্থিক সহায় আগবঢ়োবলৈ শিল্পী সকলে চৰকাৰক আহ্বান জনাইছে ৷

বঙাইগাঁও জিলাত চলিত বৰ্ষত বানপানী কম হ’লেও কিছুমান অঞ্চলত বহু লোক বানত ক্ষতিগ্ৰস্ত হৈছে। এনে বানত ক্ষতিগ্ৰস্ত মহিলাক বৃহস্পতিবাৰে ৰাষ্ট্ৰীয় দুৰ্যোগ সঁহাৰি বাহিনী ( এন ডি আৰ এফ) ৰ তৰফৰ পৰা মহিলাক দৈনন্দিন জীৱনত প্ৰয়োজন হোৱা কিছুমান সামগ্ৰীৰ একোটাকৈ টোপোলা প্ৰগান কৰে ৷ এই উপলক্ষে বঙাইগাঁও জিলা উপায়ুক্ত কাৰ্যালয়ৰ সভাকক্ষতা বঙাইগাঁও জিলা প্ৰশাসন আৰু ৰাষ্ট্ৰীয় দুৰ্যোগ সঁহাৰি বাহিনীৰ উদ্যোগত অনুষ্ঠিত সভাত কেন্দ্ৰীয়ভাৱে সৃজনগ্ৰাম আৰু মাণিকপুৰ ৰাজহ চক্ৰৰ ২০ গৰাকী মহিলাক এই প্ৰয়োজনীয় সামগ্ৰীৰ টোপোলা প্ৰদান কৰা হয়। উল্লখ্য যে জিলাখনৰ ২০০ গৰাকী হিতাধিকাৰীক এই প্ৰয়োজনীয় সামগ্ৰীৰ টোপোলা দিয়াৰ বাবে বাচনি কৰা হৈছে। সভাত বঙাইগাঁও জিলাৰ উপায়ুক্ত ডা: এম এচ লক্ষ্মী প্ৰিয়াই এই বছৰৰ বানত জিলাখনত হোৱা ক্ষয়-ক্ষতিৰ এক চমু আভাস দাঙি ধৰে। তেওঁ দিয়া তথ্যমতে  জিলাখনত বইটামাৰী,সৃজনগ্ৰাম আৰু মাণিকপুৰ ৰাজহ চক্ৰৰ অন্তৰ্গত মুঠ ৬৭খন গাঁৱৰ ৬৪,২২৬ গৰাকী লোক বানাক্ৰান্ত হৈছিল।

জিলাখনৰ ২২৯ খন গাঁৱৰ ১৪১২.৬৮ হেক্টৰ খেতিপথাৰ বানত ক্ষতিগ্ৰস্ত হৈছিল আৰু ২৮খন গাঁও গৰাখহনীয়াৰ কবলত পৰিছিল।জিলাখনত ৭ টা আশ্ৰয় শিবিৰ,৭০ টা ৰিলিফ বিতৰণ কেন্দ্ৰ আৰু ৬ টা অস্থায়ী আশ্ৰয়স্থল স্থাপন কৰা হৈছিল।বানাক্ৰান্ত ৬৭৮ গৰাকী লোকে আশ্ৰয় শিবিৰত আশ্ৰয় ল’বলগীয়া হৈছিল।কিন্তু সুখৰ কথা যে বঙাইগাঁও জিলাৰ কোনো লোকে বানত প্ৰাণ হেৰুৱাবলগীয়া হোৱা নাই আৰু কোনো পশুও নিধন হোৱা নাই। মাণিকপুৰ আৰু সৃজনগ্ৰাম ৰাজহ চক্ৰৰ ২৫৯ টা গৃহ ক্ষতিগ্ৰস্ত হৈছিল। বানাক্ৰান্ত লোকক উদ্ধাৰ কৰিবলৈ ১৩ খন নাও ব্যৱহাৰ কৰা হৈছিল। বানৰ কৱলত সৃজনগ্ৰাম চক্ৰৰ অধীনৰ ৯ টা আৰু বঙাইগাঁও ৰাজহ চক্ৰৰ ১ টা মথাউৰি ক্ষতিগ্ৰস্ত হৈছিল ৷ ১৩৮ টা পথ, ১৪খন দলং, ১৮১ টা মীনমহল, জলসম্পদ বিভাগৰ প্ৰতিৰোধী বান্ধ ২ টা, ১৪ খন প্ৰাথমিক বিদ্যালয়, ৩ টা অংগনৱাডী কেন্দ্ৰ ক্ষতিগ্ৰস্ত হৈছিল আৰু ইয়াৰ উপৰিও ২৮ খন গাঁও খহনীয়াত ক্ষতিগ্ৰস্ত হৈছিল। বানাক্ৰান্ত তিনিওটা ৰাজহ চক্ৰৰ মুঠ ৭৬৪ গৰাকী লোকক নাওৰে উদ্ধাৰ কৰা হৈছিল । উদ্ধাৰ কাৰ্যত জিলাখনৰ স্থানীয় প্ৰশাসনক ৰাষ্ট্ৰীয় দুৰ্যোগ সঁহাৰি বাহিনী তথা ৰাজ্যিক দুৰ্যোগ সঁহাৰি বাহিনীয়ে সহায় কৰিছিল আৰু ১৬৬ টা পশু বানৰ কবলৰ পৰা উদ্ধাৰ কৰা হৈছিল৷ বানাক্ৰান্ত আৰু গৰাখহনীয়াত ক্ষতিগ্ৰস্ত লোকৰ মাজত জিলা প্ৰশাসনৰ তৰফৰ পৰা মুঠ ১৬১৭.৮৯৬ কুইন্টল চাউল,  ৩০৩.৮০৩ কুইন্টল দাইল, ৫৫.৩৩৭০ কুইন্টল নিমখ, ৪১৮৬.১৩৪৯ লিটাৰ মিঠাতেল, চিৰা,গুড়, আৰু ২০০৩.৩২ কুইন্টল গোমৰ ভুচি পশুখাদ্য হিচাপে দিয়া হৈছিল। ইয়াৰ উপৰিও টিৰ্পাল, বিস্কুট,আমূল গাখীৰ, মাডাৰ হৰলিক্স, শিশুখাদ্য,  মমবাতি, স্বাস্থ্যসন্মত নেপকিন, ফেনাইল, মাস্ক, ছেনিটাইজাৰ, ব্লিচিং পাউদাৰ, হেলোজেন টেবলেট, মহ খেদা ধূপ, দিয়াচলাই আদি প্ৰয়োজনীয় সামগ্ৰী দিয়া হৈছিল।

সভাত জিলা প্ৰশাসনৰ তৰফৰ পৰা ৰাষ্ট্ৰীয় দুৰ্যোগ সঁহাৰি বাহিনী আৰু ৰাজ্যিক দুৰ্যোগ সঁহাৰি বাহিনীৰ বিষয়াসকলক ফুলাম গামোচাৰে সম্বৰ্ধনা জনোৱা হয়।সভাত উপায়ুক্ত ডা:এম এচ লক্ষ্মী প্ৰিয়াই অসম ৰাজ্যিক দুৰ্যোগ ব্যৱস্থাপনা প্ৰাধিকৰণৰ তৰফৰ পৰা জিলা প্ৰশাসনক ১০০ টা লাইফ জেকেট দিয়া বুলি উল্লেখ কৰে। তদুপৰি কোভিডৰ সময়ত ‘মিলিজুলি’গ্ৰুপৰ কামত আপদা মিত্ৰৰ সহায়ৰ বাবে উপায়ুক্ত ডা:লক্ষ্মী প্ৰিয়াই জিলা দুৰ্যোগ ব্যৱস্থাপনা প্ৰাধিকৰণক ধন্যবাদ জ্ঞাপন কৰে৷সভাত বঙাইগাঁও জিলা দুৰ্যোগ ব্যৱস্থাপনা প্ৰাধিকৰণৰ মুখ্য কাৰ্যবাহী বিষয়া তথা অতিৰিক্ত উপায়ুক্ত পংকজ চমুৱাই সামগ্ৰীৰ টোপোলা বিতৰণত আঁত ধৰে আৰু জিলা প্ৰকল্প বিষয়া অনন্ত সামন্ত তথা ক্ষেত্ৰ পৰ্যায়ৰ বিষয়াসকল সভাত উপস্থিত থাকে। সভাত ৰাষ্ট্ৰীয় দুৰ্যোগ সঁহাৰি বাহিনীৰ বিষয়া ব্ৰহ্মদেও যাদৱ আৰু ৰাজ্যিক দুৰ্যোগ সঁহাৰি বাহিনীৰ অমিত বৰ্মনে তেওঁলোকৰ উদ্ধাৰ কাৰ্যত জিলা প্ৰশাসনে কৰা সহায়ৰ বাবে ভাষণ প্ৰসংগত ধন্যবাদ জ্ঞাপন কৰে।সভাত উপায়ুক্ত ডা:এম এচ লক্ষ্মী প্ৰিয়াই আগন্তুক বৰ্ষৰ বাবে প্ৰস্তুতি আৰম্ভ কৰা বুলি জানিবলৈ দিয়ে।

ধুমুহা বৰষুণৰ পিচত বতৰ ফৰকাল হয় ,কংগ্ৰেছৰো অৱস্থা ভাল হ’ব- আব্দুল খালেক ৷ বঙাইগাঁৱৰ নিউ বঙাইগাঁও ৰে’লৱে চিকিৎসালয়ত বৃহস্পতিবাৰে  প্ৰধানমন্ত্ৰী কেয়াৰ ফাণ্ডৰ অধীনত এটা পিএছএ অক্সিজেন উৎপাদন প্ৰকল্পৰ শুভ উদ্বোধন কৰা হয়৷ অক্সিজেন উৎপাদন প্ৰকল্পটো  বৰপেটা লোকসভাৰ সমষ্টিৰ সাংসদ আব্দুল খালেকে আনুষ্ঠানিকভাৱে শুভ উদ্বোধন কৰে৷ প্ৰকল্পটো শুভ উদ্বোধন কৰি সাংসদ খালেকে কয় যে প্ৰতি মিনিটত ২৫০ লিটাৰ অক্সিজেন উৎপাদনক্ষম প্ৰকল্পটিৰ পৰা এই চিকিৎসালয়ৰখনত অক্সিজেনৰ অভাৱ পূৰণ কৰাৰ লগতে এই বৃহত্তৰ অঞ্চলটোৰ স্বাস্থ্য সেৱাত এক পৰিৱৰ্তন আনিবলৈ সক্ষম হ’ব ৷ সাংসদগৰাকীয়ে এই প্ৰকল্পটো উদ্বোধন কৰিবলৈ পাই নিজকে সুখী অনুভৱ কৰা বুলি কৈ ইয়াৰ বাবে  প্ৰধানমন্ত্ৰীগৰাকীকো ধন্যবাদ জনায় ৷

এই উদ্বোধনী অনুষ্ঠানত ৰে’লৱেৰ ৰঙিয়া সংমণ্ডলৰ এ ডি আৰ এম  অৰবিন্দ লাই, স্বাস্থ্য বিষয়া,  নিউ বঙাইগাঁও ৰে’লৱে চিকিৎসালয়ৰ অধীক্ষকৰ লগতে ৰে’লৱে বিভাগৰ বিষয়া, ৰঙিয়া সংমণ্ডলৰ ডিআৰইউচিচিৰ সদস্য সুব্ৰত আচাৰ্য, কংগ্ৰেছ দলৰ জিলা সভাপতি মৃণাল অধিকাৰী,  প্ৰদেশ কংগ্ৰেছৰ সম্পাদক জ্যোতিৰ্ময় বৈশ্য আদি উপস্থিত থাকে ৷ অনুষ্ঠানত সাংসদগৰাকীয়ে বঙাইগাঁও – নিউ বঙাইগাঁও পথৰ দুৰৱস্থাৰ কথা উল্লেখ কৰি পথচোৱা শীঘ্ৰে নিৰ্মাণৰ বাবে ব্যৱস্থা গ্ৰহণ কৰিবলৈ এ ডি আৰ এমক কয় ৷  ইপিনে কংগ্ৰেছৰ বৰ্তমানৰ দুৰৱস্থা সন্দৰ্ভত সাংবাদিকৰ প্ৰশ্নৰ উত্তৰত সাংসদ খালেকে কয় যে শীঘ্ৰেই কংগ্ৰেছৰ ভাল দিন আহি আছে ৷ সাংসদগৰাকীয়ে কয় যে মাজে মাজে প্ৰত্যাহ্বান আহে ৷ ধুমুহা বৰষুণৰ পিচত বতৰ ফৰকাল হয় ৷ কংগ্ৰেছৰো অৱস্থা ভাল হ’ব ৷ উল্লেখ্য যে বৰ্তমান হাগ্ৰামা মহিলাৰীৰ বিপিএফ দলৰ লগতে এআইইউডিএফৰ সৈতেও কোনো জোঁঁট বন্ধন নথকাৰ প্ৰসংগ উল্লেখ কৰি সাংসদ গৰাকীয়ে সমাগত উপ নিৰ্বাচনত কংগ্ৰেছে বিজেপিক তীব্ৰ প্ৰত্যাহ্বান জনাব বুলি মন্তব্য  কৰে।