আজি হোজাই জিলাৰ মাননীয় উপায়ুক্ত অনুপম চৌধুৰীৰ অধ্যক্ষতাত উপায়ুক্ত কাৰ্যালয়ৰ সভাগৃহত ৯০ নং যমুনামুখ বিধান সভা সমষ্টিৰ সন্মানীয় বিধায়ক চিৰাজ উদ্দিন আজমল, ৯১ নং হোজাই বিধানসভা সমষ্টিৰ বিধায়ক  ৰামকৃষ্ণ ঘোষ আৰু ৯২ নং লামডিং বিধান সভা সমষ্টিৰ বিধায়ক শিবু মিশ্ৰৰ প্ৰতিনিধিৰ উপস্থিতিত হোজাই জিলাত অসম আদৰ্শ গ্ৰাম যোজনা ৰূপায়ণৰ ওপৰত এক উচ্চস্তৰীও পৰ্যালোচনা বৈঠক অনুষ্ঠিত হৈ যায়।বৈঠকত হোজাই জিলাত অসম আদৰ্শ গ্ৰাম যোজনাৰ অধীনত হোজাই জিলাস্থিত তিনিওটা বিধান সভা সমষ্টিৰ প্ৰতি সমষ্টিত নিৰ্বাচিত দুখনকৈ গাওঁৰ সৰ্বাঙ্গীন উন্নতি সাধনৰ লক্ষ্যৰে সংশ্লিষ্ট প্ৰতিটো বিভাগে ৰূপায়ন কৰিবলগীয়া নিজৰ নিজৰ কামৰ পৰিকল্পনা আৰু ব্যয়ৰ হিচাবৰ ওপৰত বিস্তৃতভাবে আলোচনা কৰা হয়। উপস্থিত  বিধায়ক সকলে  এই ক্ষেত্ৰত বিভিন্ন মূল্যৱান পৰামৰ্শ দিয়াৰ লগতে পূর্ণ সহযোগিতা প্ৰদানৰ কথা উল্লেখ কৰে।বৈঠকত উপায়ুক্ত মহোদয়ে  উপস্থিত সংশ্লিষ্ট বিভাগ সমূহৰ মূৰব্বী বিষয়া সকলক আদর্শ গ্ৰাম যোজনাৰ অধীনত ৰূপায়ন হবলগীয়া প্ৰতিটো উন্নয়নমূলক কাম নিষ্ঠাৰে, সন্মিলিত ভাবে আৰু সমন্বয়ৰে কৰি যাবলৈ আহ্বান জনায়। আজিৰ এই পৰ্যালোচনা বৈঠকত হোজাই জিলা পৰিষদৰ মূখ্য কাৰ্যবাহী বিষয়া দেৱাশীষ বৈশ্য, অতিৰিক্ত উপায়ুক্ত  গকুল চন্দ্ৰ ব্ৰহ্ম, হোজাই জিলা পৰিষদৰ অধ্যক্ষ ৰমাৱালা দেৱী, চক্ৰ বিষয়া সকল, খণ্ড উন্নয়ন বিষয়া সকল প্ৰমুখ্যে সংশ্লিষ্ট বিভাগ সমূহৰ মুৰব্বী বিষয়া সকল উপস্থিত থাকে।

যোৱা ৬ ছেপ্টেম্বৰত গুৱাহাটী প্ৰেছ ক্লাবত অনুষ্ঠিত এক অনুষ্ঠানত অসমৰ ১০ গৰাকী ব্যক্তিক অসমীয়া সাহিত্য সমাজ সাংস্কৃতিক সেৱা মঞ্চ অসমৰ পৰা অসম গৌৰৱ সন্মান বটা-২০২১ প্ৰদান কৰে।তাৰ মাজত সদৌ বিটিচি ব্ৰাহ্মণ যুৱ পৰিষদৰ সভাপতি তথা বেংবাৰী বামুণ্ডী সত্ৰৰ কনিষ্ঠ সত্ৰাধিকাৰ তীৰ্থ ৰঞ্জন গোস্বামীয়ে এই বঁটা লাভ কৰিবলৈ সক্ষম হৈছে। ওডালগুৰি জিলাৰ শ্ৰীশ্ৰীবেংবাৰী বামুণ্ডী সত্ৰৰ কনিষ্ঠ সত্ৰাধিকাৰ শ্ৰীতীৰ্থৰঞ্জন গোস্বামী শাস্ত্ৰীদেৱক এই বটা প্ৰদান কৰা হয়।
সংস্কৃত বিষয়ৰ শিক্ষক শ্ৰীগোস্বামী বৈদিক জ্যোতিষ বিষয়ত যথেষ্ট অধ্যয়নপুষ্ট ব্যক্তি। তেওঁ ভাৰতীয় জ্যোতিষ অধ্যাত্ম গৱেষনা পৰিষদ নামৰ অনুস্থানৰ পৰা “জ্যোতিষ ৰত্ন”উপাধি লাভ কৰিছে।যোৱা ২০২০বৰ্ষৰ প্ৰথমটো সূৰ্য গ্ৰহন সম্পৰ্কে ভৱিষ্যতবানী কৰি জনপ্ৰিয়তা 
অৰ্জন কৰাৰ লগতে জ্যোতিষ বিষয়ক বিভিন্ন প্ৰৱন্ধ,বিভিন্ন কৰ্মশালাত অংশ গ্ৰহন তথা জ্যোতিষ বিষয়ক গৱেষনা অব্যাহত ৰাখিছে।বিভিন্ন সামাজিক অনুস্থান-প্ৰতিস্থানৰ লগত জড়িত গোস্বামীদেৱ অসম সাহিত্য সভাৰ আজীৱন সদস্যৰ লগতে সদৌ অসম কবি সন্মিলনীৰ ওদালগুৰি জিলা সমিতিৰ সাধাৰণ সম্পাদকৰ দায়িত্বত কাৰ্যনিৰ্বাহ কৰি আছে। “ৰত্নগিৰি জ্যোতিষ অধ্যাত্ম কেন্দ্ৰ “নামৰ প্ৰতিস্থানটোৰ অবৈতনিক সচিব হিচাপে কাৰ্যনিৰ্বাহ কৰি আহিছে।উক্ত প্ৰতিস্থানটোত ইতিমধ্যে বহুসংখ্যক জ্যোতিষ বিষয়ৰ ছাত্ৰ -ছাত্ৰীয়ে অধ্যয়ন কৰি আছে।জ্যোতিষ বিষয়ত পাৰদৰ্শিতাৰ বাবে এই বটা গোস্বামীদেৱক প্ৰদান কৰা হৈছে।”মুক্তেশ্বৰী দেৱালয়ৰ ইতিবৃত্ত “,”এমুঠি জোনাক”তেওৰ প্ৰকাশিত স্বৰচিত পুথি ।তাৰোপৰি ওদালগুৰি জিলাৰ বিভিন্ন সামাজিক অনুস্থানৰ মুখপত্ৰ, আলোচনী আদিৰ সম্পাদনাৰ লগত জড়িত। সহজ-সৰল প্ৰকৃতিৰ শ্ৰীশ্ৰীবেংবাৰী বামুণ্ডী সত্ৰৰ কনিষ্ঠ সত্ৰাধিকাৰ গোস্বামীদেৱে অসম গৌৰৱ সন্মান বটা লাভ কৰাত বিভিন্ন দল সংগঠন আৰু ব্যক্তি বিশেষে শুভেচ্ছা জ্ঞাপন কৰিছে।

 অসম জাতীয়তাবাদী যুৱ – ছাত্ৰ পৰিষদৰ প্ৰাক্তন নেতা – বিশিষ্ট সমাজসেৱী বিতুল শইকীয়া ( ৬৫ ) আজি পুৱাভাগত ডিমৌ ৰজাবাৰীস্থ চুপাৰ স্পেচিয়েলিচ চিকিৎসালয়ত পৰলোক প্ৰাপ্তি ঘটে । নাজিৰা মহকুমাৰ পানীবিল গোমোঠাত জন্মগ্ৰহণ কৰা বিতুল শইকীয়া ৮০ ৰ দশকত অসম জাতীয়তাবাদী যুৱ ছাত্ৰ পৰিষদৰ শিমলুগুৰি আঞ্চলিক সমিতিৰ সাধাৰণ সম্পাদকৰ দায়িত্বত থাকি সমাজৰ বিভিন্ন উন্নয়ন মূলক কাম – কাজৰ মাজেৰে অগ্ৰসৰ হোৱাৰ সমান্তৰালভাৱে পানীবিল উচ্চ মাধ্যমিক বিদ্যালয়ৰ প্ৰতিষ্ঠাপক সহকাৰী শিক্ষক হিচাপে কৰ্মজীৱন আৰম্ভ কৰি পৰৱৰ্তী সময়ত শিৱসাগৰ পোনজানত স্থায়ীভাৱে বসবাস কৰে । গোমোঠা নৱজ্যোতি যুৱ সমাজৰ প্ৰতিষ্ঠাৰ লগতে পোনজান নামঘৰৰ প্ৰতিষ্ঠা আৰু গৌৰৱ নগৰ নামঘৰ পৰিচালনা সমিতিৰ উপ সভাপতি হিচাপেও সমাজ সেৱা কৰ্মত অৰিহণা যোগাই আহিছিল । মৃত্যুৰ সময়ত পৰিবাৰ , এজন পুত্ৰ আৰু এগৰাকী কন্যা সন্তান সহ পৰিয়ালক ইহসংসাৰত এৰিথৈ গৈছে । তেখেতৰ মৃত্যুত অসম জাতীয়তাবাদী যুৱ – ছাত্র পৰিষদৰ শিমলুগুৰি আঞ্চলিক সমিতি , গোমোঠা নৱজ্যোতি যুৱ সমাজ , শিৱসাগৰ পোনজান নামঘৰ আৰু গৌৰৱ নগৰ নামঘৰ পৰিচালনা সমিতিকে ধৰি বিভিন্ন অনুষ্ঠান – প্ৰতিষ্ঠানে গভীৰ শোক প্ৰকাশ কৰি শোকসন্তপ্ত পৰিয়াললৈ সমবেদনা জ্ঞাপন কৰিছে । 

পশ্চিম নলবাৰীৰ গামাৰিমুৰীস্হ ১৫৬ নং নদলা প্ৰাথমিক বিদ্যালয়ত কালি  সুধাকন্ঠ ভূপেন হাজৰিকাৰ ৯৫ সংখ্যক জন্ম দিৱস , বিশ্ব সাক্ষৰতা দিৱস আৰু মহাপুৰষ শ্ৰীমন্ত শংকৰ দেৱৰ তিৰোভাৱ তিথি উদযাপন কৰা হয় ৷ এই উপলক্ষে পুৱা তিনিওটা অনুষ্ঠানৰ বাবে বন্তি প্ৰজ্বলন কৰে বিদ্যালয় খনৰ প্ৰধান শিক্ষক ৰাজেন বৈশ্যই ৷ বিদ্যালয় খনৰ সহকাৰী শিক্ষক সুৰেন্দ্ৰ বৰ্মন আৰু একাংশ ছাত্ৰ ছাত্ৰী আৰু অভিভাবকে পুষ্পাঞ্জলি প্ৰদান কৰে ৷  অনুষ্ঠানত প্ৰধান শিক্ষকে শ্ৰীমন্ত শংকৰ দেৱ , সুধাকন্ঠ ড° ভূপেন হাজৰিকাৰ জীৱন দৰ্শন, কৰ্মৰাজীৰ বিষয়ে কয় আৰু বিশ্ব সাক্ষৰতা দিৱসৰ তাৎপৰ্য্য ব্যাখ্যা কৰে ৷ অনুষ্ঠানৰ শেষত ৰাষ্ট্ৰীয় সংগীত পৰিৱেশন কৰা হয় ৷

 এনডিএফবিৰ প্ৰাক্তন প্ৰতিষ্ঠাপক সভাপতি  ৰঞ্জন দৈমাৰী তথা ডি আৰ নাবলা আৰু অন্যায়ন্ন কাৰাবদ্ধ সদস্য সকলক মুকলি কৰি নিদিয়া পৰ্যন্ত অবিৰতভাবে আন্দোলন অব্যাহত থাকিব।এই মন্তব্য প্ৰাক্তন এন ডি এফ বিৰ সংযুক্ত ফ’ৰামৰ সভাপতি ডি হাৰিমুৰ।আজি  ওদালগুৰিৰ নলবাৰী ডায়মণ্ড ইংলিচ স্কুল খেলপথাৰত এনডিএফবিৰ প্ৰতিষ্ঠাপক সভাপতি তথা বিটিআৰ চুক্তিৰ অন্যতম স্বাক্ষৰকাৰী ৰঞ্জন দৈমাৰীৰ লগতে প্ৰাক্তন এনডিএফবিৰ কেডাৰ সকলক কাৰাগাৰৰ পৰা মুক্তি দিয়াৰ দাবীত প্ৰাক্তন এনডিএফবিৰ সংযুক্ত  ফৰামৰ উদ্যোগত আয়োজিত  বিশাল গণসমাবেশ বক্তব্য ৰাখি হাৰিমুৱে লগতে কয়-ৰঞ্জন দৈমাৰীৰ মুক্তি অবিহনে আমি কেতিয়াও ক্ষান্ত নাথাকো।যোৱা ১৫ আগষ্টলৈ মুকলি কৰি দিবলৈ দাবী জনোৱা হৈছিল যদিও আজিলৈকে চৰকাৰে কোনো পদক্ষেপ গ্ৰহন কৰা দেখা নগল। যাৰ ফলত  এনে প্ৰতিবাদী কাৰ্যসূচী হাতত লবলৈ বাধ্য হৈছো এনডিএফবিৰ প্ৰতিষ্ঠাপক সভাপতি ৰঞ্জন দৈমাৰীক অতিশীঘ্ৰে মুক্তি নিদিলে আহি থকা দিনত অসমত ভয়াবহ ঘটনা ঘটিব বুলিও সদৰি কৰে আৰু এই ঘটনাৰ বাবে অসম চৰকাৰ আৰু ভাৰত চৰকাৰে জগৰীয়া হব বুলি সকিয়াই দিয়ে।তেওঁ লগতে আন সকলো কেডাৰকে মুকলি দিয়াৰ কথাও উল্লেখ কৰে।বিটিচিত চৰকাৰে ষষ্ঠ অনুসূচীমতে আমাক কোনো সা সুবিধা প্ৰদান নকৰি বন্চিত কৰিছে।সেয়ে প্ৰাক্তন কেডাৰ সকলক আৰ্থিক অনুদাৰ লগতে পুনৰ সংস্থাপনৰ ব্যৱস্থা কৰিব লাগে।ৰঞ্জন দৈমাৰীৰ ভগ্নী তথা ওমেন জাষ্টিচ ফ’ৰামৰ উপদেষ্টা ড° অঞ্জলি দৈমাৰীয়ে ভাষন প্ৰদান কৰি কয়-বিটিআৰত প্ৰকৃততে শান্তি আহিছেনে?বিটিআৰ চুক্তিৰ অন্যতম স্বাক্ষৰকাৰী তথা প্ৰতিষ্ঠাপক সভাপতী ডি আৰ নাবলা আজি জেলত বন্দী হৈ আছে।এয়া শান্তি চুক্তি হোৱা নাই।শান্তি সংগ্ৰামৰ প্ৰতি চৰকাৰে সন্মান জনোৱা নাই।কেৱল দলীয় নেতৃবৃন্দ আৰু চৰকাৰৰ স্বাৰ্থতহে জেলৰ পৰা নি দিল্লীত বিটিআৰ চুক্তিত স্বাক্ষৰ কৰাইছিল।স্বাৰ্থ পূৰণ হল যেতিয়া এতিয়া সকলো পাহৰি ৱগল।কিন্ত্তু এই কথা ঠিক ৰঞ্জন দৈমাৰীক মুকলি কৰি নিদিয়া পৰ্যন্ত  বড়ো ৰাইজৰ মাজত শান্তি কেতিয়াও নাহে।উক্ত  গনসমাবেশত এনডিএফৰি সংযুক্ত ফৰামৰ সাধাৰণ সম্পাদক ডি বানচৌব্ৰা,নাগৰিক অধিকাৰ সংগ্ৰাম সমিতিৰ সভাপতি গজেন হাজোৱাৰী,গৰীয়া মৰীয়া দেশী জনগোষ্ঠীয় পৰিষদ কেন্দ্ৰীয় সমিতিৰ সাধাৰণ সম্পাদক ফলজুল কৰিম হাজৰিকাকে ধৰি কেইবাগৰাকীও লোকে বক্তব্য আগবঢ়োৱাৰ লগতে  নাগৰিক অধিকাৰ সংগ্ৰাম সমিতি,ওমেন জাষ্টিচ ফৰাম,সদৌ ব্ৰহ্মধৰ্ম পৰিচালনা সমিতি, পিপুলচ জইন্ট একচন সমিতি,সদৌ বড়ো ওমেন কল্যান পৰিষদ, সদৌ অসম জনজাতি ছাত্ৰ সন্থা আদিকে ধৰি বহু সংগঠনৰ নেতৃবৃন্দৰ লগতে জিলা খনৰ হাজাৰ-হাজাৰ লোক  উপস্থিত আছিল। এই গণসমাবেশতে  বিটিএডি ৰ গাওঁ কৰ্তন বন্ধ কৰক, জনজাতি আবেষ্টনী আৰু খন্ডক সাংবিধানীক সুৰক্ষা প্ৰাদান কৰক, বিটিএডি ৰ সীমা শিমলুগুৰি (লক্ষ্মীমপুৰ জিলা) লৈ সম্প্ৰসাৰণ কৰক, এনডিএফবি ৰ প্ৰতিস্থাপক সভাপতি ৰন্জন দৈমাৰী আৰু অন্যান্য প্ৰাক্তন সদস্যসকলক বিনা চৰ্তে আনতি পলমে জেলৰ পৰা মুক্তি দিয়ক, প্ৰতিজন প্ৰাক্তন এনডিএফবি ৰ সদস্যৰ গোচৰ প্ৰত্যাহাৰ কৰক, প্ৰাক্তন এনডিএফবি ৰ শ্বহীদৰ পৰিয়ালক আৰ্থিক সাহায্য প্ৰদান কৰাৰ আদি বিভিন্ন দাবীৰে এখনি স্মাৰক প্ৰত্ৰ জিলা উপাযুক্ত জৰিয়তে ভাৰত চৰকাৰ আৰু অসম চৰকাৰলৈ প্ৰে্ৰণ কৰে।

সমগ্ৰ ৰাজ্য খনৰ বিভিন্ন প্ৰান্তৰ লগতেবিশ্বনাথ জিলাৰ ইটাখোলাতো সুধাকন্ঠ ভুপেন হাজৰিকাৰ ৯৫ সংখ্যক জন্ম দিন ইটাখোলাৰ একমাত্ৰ স্বেচ্ছাসেৱী সংগঠন বুনিয়াদৰ দ্বাৰা বিভিন্ন কাৰ্য্যসূচীৰে পালন কৰে ।   বুনিয়াদৰ স্থায়ী সভাপতি লক্ষীকান্ত বৰাৰ সব্জাপতিত্বত অনুষ্ঠিত অনুষ্ঠানটিত প্ৰথমতে সুধাকন্ঠ ভূপেন হাজৰিকাৰ  প্ৰতিচ্ছবিৰ সন্মুখত  বন্তি প্ৰজ্বলন কৰে  জামুগুৰিহাটস্থিত ত্যাগবীৰ হেমবৰুৱা মহাবিদ্যালয়ৰ অৱসৰ প্ৰাপ্ত অধ্যক্ষ চাহাবুদ্দিন আহমেদ আৰু স্থানীয় অৱসৰ প্ৰাপ্ত কৃতী শিক্ষক বেনীমাধৱ বৰাই ।   বন্তি প্ৰজ্বলনৰ পিছত  উপস্থিত বালিজুৰি ড্যান্স একাডেমীৰ নৃত্য প্ৰশিক্ষিকা ৰূপালী শৰ্মাৰ ভুপেন্দ্ৰ সংগীতেৰে শুভাৰম্ভ কৰা অনুষ্ঠানৰ কাৰ্যসূচীৰ আঁ‌ত ধৰে বুনিয়াদৰ সম্পাদক হেমন্ত নাথে। ইটাখোলা অঞ্চলৰ এক মাত্ৰ সামাজিক সংস্থা বুনিয়াদৰ লগত ওতঃপ্ৰোতভাবে জড়িত তথা সংস্থাটিৰ অন্যতম নিষ্ঠাৱান সদস্যা ও স্থানীয় কৃতী শিক্ষয়িত্ৰী মালবিকা শইকীয়া,বুনিয়াদৰ প্ৰাক্তন সভাপতি তথা অৱসৰ প্ৰাপ্ত শিক্ষক বেনীমাধৱ বৰা আৰু অৱসৰ প্ৰাপ্ত অধ্যক্ষ চাহাবুদ্দিন আহমেদক সম্বৰ্দ্ধনা জনায়।  ইয়াৰ উপৰিও বুনিয়াদ শীৰ্ষক অনুষ্ঠানটিয়ে অঞ্চলটিত বিগত দিনৰ পৰাই বিভিন্ন সামাজিক অনুষ্ঠানৰ লগতে বিশেষকৈ শৈক্ষিক দিশত বিশেষ কাৰ্যসূচী লৈ অহাৰ মাজতে ৮ চেপ্টেম্বৰ দিনটো সুধা কন্ঠ ড° ভুপেন হাজৰিকাৰ ওপজা দিন পালনৰ লগত সংগতি ৰাখি অঞ্চলটোৰ  কেইবাজনো শিক্ষক শিক্ষয়িত্ৰী আৰু অঞ্চলটোৰ বিশেষ ব্যক্তি  সকল  ক্ৰমে কৃতী শিক্ষক টুম প্ৰসাদ উপাধ্যায় প্ৰধান শিক্ষক বালিজুৰি উচ্চ মাধ্যমিক বিদ্যালয়,অৱনী বৰুৱা সহকাৰী শিক্ষক মনাই জয়সিদ্ধি উচ্চ ইংৰাজী বিদ্যালয়,মনোমতী ভুমিজ প্ৰধান শিক্ষক পদুমনি প্ৰাথমিক বিদ্যালয় আৰু ভাস্কৰ্যশিল্পী তথা দিকৰাই উচ্চতৰ মাধ্যমিক বিদ্যালয়ৰ কৰ্মৰত কৰ্মচাৰী গোপাল বৰাক উষ্ম  সম্বৰ্ধনা জনায় ।এক গাম্ভীৰ্যপূৰ্ণ অনুষ্ঠানত শিল্পী সুজিত তচা,শিক্ষক মিন্টু কটকী আৰু পৰনীতা বৰাৰ ভুপেন্দ্ৰ সংগীতেৰে অনুষ্ঠানটিৰ সৌষ্ঠৱ বৃদ্ধি কৰে। অনুষ্ঠানটিৰ কাৰ্যসূচী অনুসৰি উক্ত সম্বৰ্দ্ধনা অনুষ্ঠানৰ সম্বৰ্দ্ধিত ব্যক্তিসকলৰ মন্তৱ্যত ক্ৰমে হেম বৰুৱা মহাবিদ্যালয়ৰ অৱসৰ প্ৰাপ্ত অধ্যক্ষ চাহাবুদ্দিন আহমেদে শ্ৰীমন্ত শংকৰ দেৱৰ তিৰুভাব তিথি,শিক্ষক দিৱস আৰু সুধা কন্ঠ দিৱসৰ ওপৰত এক বৃস্তিত আলোচনা আগবঢ়াই। 

নাগৰিক অধিকাৰ আন্দোলন সমিতিৰ স্মাৰক পত্ৰত ভুলবসত চহী কৰাৰ বাবে সংবাদযোগে ক্ষমাপ্ৰাৰ্থী খৈৰাবাৰী আঞ্চলিক বাথৌ মহাসভাৰ উপসভাপতি বিৰেন বসুমতাৰীয়ে।উল্লেখ্য যে যোৱা ৬ ছেপ্টেম্বৰ তাৰিখে ওদালগুৰি জিলা নাগৰিক অধিকাৰ আন্দোলন  সমিতি উৰফে citizen right movement committee ৰ উদ্যোগত বিটিআৰ গাঁও কৰ্টন আৰু সংযোজন সন্দৰ্ভত ওদালগুৰি জিলা বিষ্ণুৰাভা ভৱন প্ৰাঙ্গনত যোৱা ৬ ছেপ্টেম্বৰ তাৰিখে এখন ধৰ্ণা কাৰ্যসূচী অৱলম্বন কৰা হৈছিল।যাৰ পৰিপেক্ষিতত নাগৰিক অধিকাৰ আন্দোলন সমিতিয়ে চমুকৈ (চিআৰএমচি) য়ে জিলা উপায়ুক্তৰ জৰিয়তে মুখ্যমন্ত্ৰীলৈ স্মাৰক পত্ৰ প্ৰেৰণ কৰিছিল ।কিন্তু সেই ক্ষনত অনুপস্থিতিত  ওদালগুৰি জিলা বাথৌ মহাসভাৰ বিষয় ববিয়াৰ পৰিৱৰ্তে খৈৰাবাৰী আঞ্চলি বাথৌ মহাসভাৰ উপসভাপতি বিৰেন বসুমতাৰীৰ হতুৱাই বাৰম্বাৰ মানা কৰাৰ পিছতো চহী কৰাই স্মাৰক পত্ৰ যুতিয়া ভাৱে প্ৰেৰণ কৰাত বাথৌ মহাসভাৰ শীৰ্ষ বিষয়ববীয়াই বাথৌ মহাসভা কেৱল বাথৌ ধৰ্মীয় লোকক ধৰ্মীয় ঋতি ৰিবাজ আৰু উঠি অহাঁ‌ নৱ প্ৰজন্মৰ বড়ো যুৱক যুৱতি সকলক ধৰ্মীয় জ্ঞান বা মাৰ্গ দৰ্শন কৰুৱাৰ উদ্দশ্যৰে বাথৌ মহাসভা জন্ম গ্ৰহণ কৰা হৈছিল বাবে বিৰেন বসুমতাৰীৰ ওপৰত ক্ষোভিত হৈ পৰিছিল। যাৰ বাবে আজি খৈৰাবাৰী বাথৌ মহাসভাৰ উপসভাপতি বিৰেন বসুমতাৰীয়ে নিজক দুষী সাব্যস্ত কৰি সংবাদ যোগে  অজানিতে হোৱা ভুলৰ ক্ষমা বিছাৰী সংবাদ মেল আয়োজন কৰে।