সদৌ অসম জনজাতীয় ছাত্ৰ সন্থা চমুকৈ আটছু ২০১৫ চনত জন্ম গ্ৰহণ কৰা জনজাতীয় সংগঠনটোৱে বিভিন্ন সময়ত জনজাতীয় সমস্যা,তথা জনজাতীক কৰা নিৰ্যাতনৰ বিপক্ষে মাত মাতি আহিছে।শেহতীয়াভাৱে কোকৰাঝাৰ আৰু ঢেঁকীয়াজুলিৰ লগতে নন্দীতা শইকীয়াৰ বৰ্বৰ কাণ্ডক লৈয়ো তীব্ৰ বিৰুধীতা কৰি ফাৰ্ষ্টট্ৰেক আদালতৰ দাবী জনাই আহিছে।থিক একেদৰে নতুনকৈ গঠন কৰিব লগিয়া ৫০ শতাংশ জনজাতী অধ্যক্ষিত অঞ্চল ট্ৰাইবেল বেল্ট এণ্ড  ব্লক, আনহাতে ৫০ শতাংশতকৈ কম  জনজাতীয় অঞ্চলবোৰক ট্ৰাইবেল বেল্ট এণ্ড ব্লক নস্যাৎ কৰা সিধান্ততক অসম জনজাতীয় ছাত্ৰ সন্থাই তীব্ৰ বিৰুধীতা কৰিছে।

আৰু সেয়েহে জনজাতীয় লোকক কৰা ষড়যন্ত্ৰ আৰু নিৰ্যাতন বন্ধ কৰিবলৈ আৰু জানতীয় লোকক সংবিধানে দিয়া অধিকাৰ আৰু প্ৰাপ্যৰ পৰা  বঞ্চিত নকৰি জনজাতীয় অধিকাৰ সমূহ সাব্যস্ত কৰাৰ দাবীত জনজাতীয় ছাত্ৰ সন্থাই ১৪ দফীয়া দাবীৰে ওদালগুৰি জিলাৰ লগতেঅসম জনজাতি ছাত্ৰ সন্থা(আটছু) কেন্দ্ৰীয় সমিতিৰ উদ্যোগত অসমৰ কেইবাখনো জিলা,যেনে-কোকোৰাঝাৰ জিলা উপায়ুক্তৰ জৰিয়তে স্মাৰকপত্ৰ প্ৰেৰণ কৰে আটছুৰ সভাপতি হৰিশ্চৰ ব্ৰহ্ম, মাজুলী জিলা উপায়ুক্তৰ জৰিয়তে স্মাৰকপত্ৰ প্ৰেৰণ আটছু উপ-সভাপতি উত্তম নৰহ, গুৱাহাটী কামৰূপ মেট্ৰৰ উপায়ুক্তৰ জৰিয়তে স্মাৰকপত্ৰ প্ৰেৰণ কৰে মুখপাত্ৰ শ্বেখৰ বড়ো আৰু প্ৰচাৰ সম্পাদক গেৰেমচা নাৰ্জাৰী, ওদালগুৰি জিলাৰ ভেৰগাঁৱ মহকুমাৰ মহকুমাধিপতিৰ জৰিয়তে স্মাৰকপত্ৰ প্ৰেৰণ কৰে আটছুৰ উপ-সভাপতি কনক চন্দ্ৰ বড়ো আৰু প্ৰেছ সচিব অমৰজিৎ ৰাভা, ধেমাজী জিলাৰ জোনাই মহকুমাৰ মহকুমাধিপতিৰ জৰিয়তে প্ৰেৰণ কৰে শিক্ষা সম্পাদক চিত্ৰজিৎ পেগু, শিৱসাগৰ জিলাৰ ডিমৌ চক্ৰ বিষয়াৰ জৰিয়তে প্ৰেৰণ কৰে সাংগঠনিক সম্পাদক ৰঞ্জিত টাহু, ধেমাজী জিলাৰ গোগামুখ চক্ৰ বিষয়াৰ জৰিয়তে প্ৰেৰণ কৰে  সম্পাদক দেৱকুমাৰ পেগু আৰু ক্ৰিয়া সম্পাদক চশাংক পেগু , বাক্সা জিলাৰ বাচকা চক্ৰ বিষয়াৰ জৰিয়তে স্মাৰকপত্ৰ প্ৰেৰণ কৰে বিত্ত সচিব অনুপ মুচাহাৰী আৰু অমিয় কুমাৰ লাউজাৰি।চিৰাং জিলাৰ উপায়ুক্তৰ জৰিয়তে প্ৰেৰণ কৰে সাংস্কৃতিক সম্পাদক অমৃথ বসুমতাৰীয়ে ৷

এনেদৰে কেন্দ্ৰীয় সমিতিৰ নেতৃত্বত অসমৰ প্ৰায়  ৯খন জিলাউপায়ুক্ত,মহকুমাধিপতি আৰু চক্ৰ বিষয়াৰ জৰিয়তে মাননিয় ভাৰতৰ প্ৰধানমন্ত্ৰী আৰু মাননিয় অসমৰ মুখ্যমন্ত্ৰী লৈ অসমৰ জনজাতী সকলৰ বিভিন্ন সমস্যা সমূহ সমাধান কৰিবলৈ প্ৰায় ১৪ দফীয়া দাবীৰে  স্মাৰকপত্ৰ প্ৰেৰণ কৰে।

নগাঁও জিলাৰ শালনা বনাঞ্চলিক কাৰ্যলয়ৰ এটা বনকৰ্মী দলে  চকীটুপ অঞ্চলত  অভিযান চলাই চাইকেল সহ চোৰাং কাঠৰ ফান্টা জব্দ কৰিবলৈ সক্ষম হয়। জানিব পৰা মতে শালনা বনাঞ্চলিক কাৰ্যালয়ৰ বন বিষয়া নেপাল মণ্ডলৰ খবৰৰ ভিৰ্ত্তিত আজি পুৱা প্ৰায় ৭ মান বজাত এটা তহলদাৰী বন কৰ্মীৰ দলে চকীটুপ অঞ্চলত অভিযান চলাই ৬খন চাইকেলসহ ৩০ টুকুৰা মূল্যবান চোৰাং কাঠৰ ফান্টা জব্দ কৰিবলৈ সক্ষম হয়। আনহাতে যোৱা কালি শালনা বনাঞ্চলিক কাৰ্যালয়ৰ এটা তহলদাৰী বন কৰ্মীৰ দলে শালনাৰ  উত্তৰ ডিজু সংৰক্ষিত বনাঞ্চলত অভিযান চলাই ৫খন চাইকেলসহ কাঠ কটা কৰত জব্দ কৰিবলৈ সক্ষম হয় ৷ বন বিভাগে চলোৱা দুয়োটা অভিযানতে চোৰাং কাঠ ব্যৱসায়ী কেইজন পলাই যাবলৈ সক্ষম হয় বুলি বন বিভাগৰ এক সুত্ৰই জানিবলৈ দিয়ে। আনহাতে বন বিভাগে জব্দ কৰা চাইকেল আৰু চোৰাং কাঠ সমূহ শালনা বনাঞ্চলিক কাৰ্যালয়ত আছে বুলি বন বিভাগৰ এক সুত্ৰই জানিবলৈ দিয়ে।বিদ্যুত জ্যোতি বৰা

বৰ্তমান সময়ত নলবাৰী জিলাত অব্যাহত নিচাযুক্ত সামগ্ৰীৰ সৰবৰাহ  । কিন্তু তেনে সময়তে নিচাযুক্ত সামগ্ৰীৰ সৰবৰাহকাৰীক নাকি লগাবলৈ সষ্টম হৈ আছে নলবাৰী আৰক্ষী । সেইমৰ্মে আজি নলবাৰী জিলাৰ বেলশৰ থানাৰ অন্তৰ্গত ৰুপীয়াবাথান আৰু চামতা চ’কত জিলা খনৰ উপ আৰক্ষী অধীক্ষক জিকি ৰানী মহন্তৰ নেতৃত্বত চলোৱা এক অভিযানত ৪ কেজি ২৫০ গ্ৰাম গাঞ্জা জব্দ কৰা হয় ৷ আনহাতে উক্ত  গাঞ্জা সৰবৰাহ আৰু বিক্ৰী কৰা কাৰ্যত জড়িত বনমালী বৰ্মন ,নিৰঞ্জন চালৈ, ৰতন বৰ্মন আৰু ৰুবুল বৰ্মনক আটক কৰিবলৈ সক্ষম হয়৷ইপিনে উপ আৰক্ষী অধীক্ষক জিকি ৰানী মহন্তক সহযোগিতা কৰে  চামতা পহৰা চকীৰ উপ পৰিদৰ্শক গোবিন্দ দাসে৷দীৰ্ঘদিনৰ পৰা চামতাকে ধৰি পশ্চিম নলবাৰীৰ বিভিন্ন প্ৰান্তত মদ গাঞ্জা আদিৰ অবাধ প্ৰচলন হৈ আহিছিল ৷

নলবাৰী জিলাৰ ঘগ্ৰাপাৰ প্ৰেছ ক্লাবৰ কাৰ্যলয়ত আজি ঘগ্ৰাপাৰ প্ৰেছ ক্লাবৰ ন-পুৰণি সতীৰ্থ সাংবাদিকৰ মত-বিনিময় আৰু নৱ নিৰ্বাচিত সমিতিৰ কাৰ্যভাৰ গ্ৰহণ অনুষ্ঠান হৈ যায়।ঘগ্ৰাপাৰ প্ৰেছ ক্লাবৰ সভাপতি অমূল্য কলিতাই সভাপতিত্ব কৰা অনুষ্ঠানটিত সভাৰ উদ্দেশ্য বাখ্যা কৰে–ঘগ্ৰাপাৰ প্ৰেছ ক্লাবৰ নৱ নিৰ্বাচিত সাধাৰণ সম্পাদক ৰাতুল চন্দ্ৰ ডেকাই। অনুষ্ঠানত ঘগ্ৰাপাৰ প্ৰেছ ক্লাবৰ নৱ নিৰ্বাচিত সভাপতি ফাইজুৰ ৰহমান, জ‍্যেষ্ঠ সাংবাদিক তথা প্ৰাক্তন সাংবাদিক বসন্ত শৰ্মা,টিকেন্দ্ৰ বৰ্মন,হেমন্ত শৰ্মা,আব্দুল গণিয়ে অতীতৰ অভিজ্ঞতাৰ কথা সুৱৰি আৱিগক হৈ পৰে। লগতে উক্ত অনুষ্ঠানত ঘগ্ৰাপাৰ প্ৰেছ ক্লাবৰ প্ৰত্ৰিকা সম্পাদক শ্বাহ আলাম আহমেদে-পুৰ্বৰ তিতা-কেহাসমুহ সুৱৰি স্মৃতি ৰোমান্থন কৰে।লগতে আলামে নবীন সাংবাদিক সত্য পথৰে বাতৰি প্ৰকাশ কৰি  দুৰ্নীতি বিৰুদ্ধে কলম ধৰিবলৈ আহ্বান জনায়।ঘগ্ৰাপাৰ প্ৰেছ ক্লাবৰ উপসভাপতি জগত তালুকদাৰে ভাষণত সমাজিক দায়িত্ব বহন কৰি সাংবাদিক হ’ব লাগিব বুলি মন্তব্য কৰে।অনুষ্ঠানত নবীন সাংবাদিক পংকজ কুমাৰ লহকৰ, ৰবীন্দ্ৰ নাথ কলিতা,কৈলাশ ডেকা,দাস ৰমেন কুমাৰ, বৰ্তমান জগতৰ সাংসদ সেৱৰ ওপৰত মনপোষণ কৰে।উক্ত অনুষ্ঠানত প্ৰাক্তন ছাত্ৰনেতা তথা অনাতাঁৰ শিল্পী কেশৱ কলিতাই সুধাকন্ঠ  ড০ ভূপেন হাজৰিকাৰ এটি কালজয়ী গীত পৰিৱেশন কৰি আল্পুত কৰি তোলে।উক্ত অনুষ্ঠানতে ঘগ্ৰাপাৰ প্ৰেছ ক্লাবৰ  নৱ-নিৰ্বাচিত সমিতিখনে কাৰ্যভাৰ গ্ৰহণ কৰে।