মৰিগাঁও জিলাৰ    লাহৰীঘাটৰ নিজ গেৰুৱা গাঁও পঞ্চায়ত এলেকাত চোৰৰ উপদ্ৰৱ। সোমবাৰে নিশা পঞ্চায়ত কাৰ্যালয়ৰ তলা ভাঙি লৈ গ’ল দুটা  চলাৰ বেটাৰি, ইনভাৰ্টাৰ, চলাৰ প্লেট আদি । পঞ্চায়তৰ গুৰুত্বপূৰ্ণ নথি পত্ৰৰ কোঠাৰ তলা ভাঙিবলৈ চেষ্টা চোৰৰ। গেছ চিলিণ্ডাৰ পেলাই থৈ গ’ল ৰাস্তাত। দীৰ্ঘ দিন ধৰি চোৰৰ উপদ্ৰৱ হৈ আছে যদিও ভূৰাগাঁও আৰক্ষীয়ে বৰ্তমানলৈ কোনো চোৰকে আটক কৰিব পৰা নাই । গোহালিৰ গৰু ছাগলি কেইটাক লৈয়ো সংকিত গেৰুৱাবাসী। ভূৰাগাঁও আৰক্ষী চূড়ান্ত ব্যৰ্থ জনসাধাৰণক নিৰাপত্তা দিয়াত। মন্দিৰ নামঘৰতো কিছু দিন ধৰি চলি আছে চোৰৰ উপদ্ৰৱ।

ওদালগুৰি জিলাৰ ৰৌতা চক্ৰ আৰক্ষী সংমণ্ডল পৰিদৰ্শক‌‌‌ কাৰ্যালয় তথা  মাজবাট আৰক্ষী থানাৰ অন্তৰ্গত  লাল পানীত  ৬ জুলাই মঙলবাৰে  মাজবাট বন বিভাগে চোৰাং ভাৱে বল্ডাৰ কঢ়িয়াই অনা এখন টেক্টৰ জব্দ কৰিবলৈ সক্ষম হয় ।  জনামতে  ,মাজবাট বনাঞ্চলিক কাৰ্যালয়ৰ বিট অফিচাৰ মিন্টু বড়োৰ নেতৃত্বত যোৱা এটি বন কৰ্মীৰ দলে  নম্বৰ বিহীন বল্ডাৰ কঢ়িয়াই অনা টেক্টৰ জব্দ কৰে । অৱশ্যে  আগতিয়াকৈ বন কৰ্মীৰ দলটোক দেখা পাই  ড্ৰাইভাৰজনে  ট্ৰেক্টৰখন এৰি পলায়ন কৰে।  বল্ডাৰ ভৰ্তি টেক্টৰ খন মাজবাট বনাঞ্চলিক কাৰ্যালয়লৈ আনি বন আইনৰ অধীনত এটি গোচৰ ৰুজু কৰি তদন্ত অব্যাহত ৰাখিছে বিট অফিচাৰ মিন্টু বড়োই ।

কিছুদিন পূৰ্বে ৰঙিয়াৰ মাদৈকাটা অঞ্চলৰ মোস্তাফা নামৰ যুৱক এজনৰ এএছ-২৫-চিচি-৭৪৮১ নম্বৰৰ  বʼলেৰো পিক আপ বাহন এখন যোৱা ২৫ মেত গুৱাহাটী উজান বজাৰৰ বৃহৎ গাড়ী চুৰি চক্ৰৰ মূল নায়ক তথা মাষ্টাৰ মাইণ্ড সঞ্জীৱ সিঙে অতি কৌশলেৰে নʼটাৰী আদালতত চুক্তিপত্ৰ এখন বনাই পৰৱৰ্তী পৰ্যায়ত মণিপুৰৰ অন্য এটা গাড়ী চুৰি চক্ৰক গতাই ।এই কথা জানিবপাৰি মোস্তাফাই থানাৰ লগত যোগাযোগ কৰে । ৰঙিয়া আৰক্ষীয়ে ক্ষিপ্ৰতাৰে তদন্ত আৰম্ভ কৰি এইচক্ৰটোৰ লগত জড়িত চাৰিজনক ইতিমধ্যেই গ্ৰেপ্তাৰ কৰি জেল হাজোতলৈ পঠাইছে ,আৰু ইয়াৰেই বিকাশ গগৈ নামৰ ব্যক্তিজনৰ স্বিকাৰোক্তিৰ ভিত্তিত দেওবাৰে নিশা ১২বজাত মণিপুৰ-নাগালেণ্ড সীমান্তৰ কʼহিমা পথত অভিযান চলাই গাড়ীখন উদ্ধাৰ কৰিবলৈ সক্ষম হয় । কিন্তুআচৰ্যজনক ভাবে চতুৰ সঞ্জয় সিঙ পুনৰ পলাই সাৰিবলৈ সক্ষম হয় । পলাতক সঞ্জয় সিঙে ওলোটাই গাড়ীখনৰ গৰাকী মোস্তাফা নামৰ যুৱক জনক ২०হাজাৰ টকা দিলে গাড়ীখনৰ খবৰ দিম বুলি কৈ ধমক দিছিল । ‌‌‌‌উল্লেখযোগ্যযে অসম আৰক্ষীৰ শিৰ্ষ বিষয়াৰ নিৰ্দেশ মৰ্মে কামৰূপ জিলা আৰু ৰঙিয়া মহকুমা আৰক্ষী বিষয়াৰ সহযোগত ৰঙিয়া থানাৰ এটি দলে এই অভিযান চলাই গাড়ীখন উদ্ধাৰ কৰিবলৈ সক্ষম হয় ।অতিশিঘ্ৰেই মাষ্টাৰমাইণ্ড সঞ্জয় সিঙক আটক কৰিব পৰা যাব বুলিও প্ৰকাশ কৰে আৰক্ষীয়ে