কোকৰাঝাৰত এক অনুষ্ঠানত অংশগ্ৰহণ কৰি সংবাদ মাধ্যমৰ আগত কুইপ’ৰ দুই বিষয়া সম্পৰ্কত নিজৰ প্ৰতিক্ৰিয়া ব্যক্ত কৰে জুবিন গাৰ্গে । কুইপ’ৰ দুই বিষয়াক মুকলি কৰি দিবলৈ আলফা স্বাধীনক আহ্বান জুবিনৰ।
জুবিন গাৰ্গে কয় যে, ‘পৰেশ দাই বিবেচনা কৰি চাওক আৰু এৰি দিয়ক। নিৰপৰাধ দুজন মানুহক উঠাই লৈ গৈছে। তেওঁলোকে চৰকাৰৰ লগত কথা পাতক। সেই মানুহ দুজনক ধৰি ৰাখি শাস্তি দি কি লাভ আছে? তেওঁলোকৰ পৰিয়াল আছে, নিজৰ জগত এখন আছে।’
জুবিনে লগতে কয়, ‘সৰুৰে পৰা এইবোৰ দেখি দেখি ভাগৰি গৈছো। এতিয়া এইবোৰ নালাগে। এতিয়া নতুন নতুন কাম হওক। ভাল কাম হওক। ভাল চিন্তা, ভাল পদক্ষেপ আদি হ’ব লাগে। তেতিয়াহে অসমৰ উন্নতি হ’ব। নহ’লে আকৌ পিছুৱাই যাম আমি। চৰকাৰে কথা পাতিছে বুলি শুনিছো, কিন্তু কি কথা পাতিছে মই নাজানো। মই শ্বুটিঙত ব্যস্ত আছিলো। দৰকাৰ হ’লে মাত মাতিম। ’
