গোসাইগাঁও মহকুমাৰ অসম-বংগ সীমান্তৰ শ্ৰীৰামপুৰ ৩১ নম্বৰ ৰাষ্ট্ৰীয় ঘাইপথত আজি পুৱা আৰক্ষীয়ে অভিযান চলাই
পৰিমানৰ ভাং সহ ডব্লিউ বি ৪১ ই ৬৩৪২ নম্বৰৰ এখন ট্ৰাক জব্দ কৰাৰ লগতে দুজনক আটক কৰে ৷ ধৃত লোক দুজন পশ্চিম বংগৰ মুৰ্ছিদাবাদৰ সুজন দাস আৰু বিৰভুম জিলাৰ প্ৰকাশ ৰায় বুুুলি আৰক্ষী সুুুুত্ৰত প্ৰকাশ ৷ গোসাইগাঁও থানাৰ ভাৰপ্ৰাপ্ত বিষয়া দন্ডিৰাম বৰাই এক গোপন সুত্ৰৰ ভিত্তিত আজি পুৱা পাঁচ মান বজাত শ্ৰীৰামপুৰত ৰাষ্ট্ৰীয় ঘাইপথত অভিযান চলাই ১০৯ পেকেট ভাং সহ ট্ৰাকখনক আটক কৰে ৷ আৰক্ষীয়ে ভাংৰ লগত দুজন সৰবৰাহকাৰীক আটক কৰে ৷ জব্দকৃত প্ৰায় ১১ কুন্টাল ভাংৰ বজাৰ মূল্য দহ লক্ষাধিক টকা হব বুলি আৰক্ষী সুত্ৰত প্ৰকাশ ৷

ৰাজ্যজুৰি ৰঙালী বিহুৰ আনন্দ। বাৰেৰহনীয়া সাংস্কৃতিক অনুষ্ঠান, খেল -ধেমালিৰ মাজেৰে উদযাপিত হৈছে হেঁপাহৰ বসন্ত উৎসৱটি। একেদৰে মানুহ বিহুৰ দিনা শিলিখাগুৰি গাঁৱৰ লগতে চুবুৰীয়া গাঁও মেৰবিলৰ যুবকসকলেও পৰম্পৰাগত বোকাখেলত ভাগ লোৱা দেখা যায়। অন্যহাতে বিগত বৰ্ষৰ দৰে এইবছৰো মাজুলী জিলাৰ শিলিখাগুৰি খেল পথাৰত মিলিজুলি ক্ৰিকেট ক্লাবৰ সৌজন্যত আন্তঃমাজুলী ভিত্তিত আয়োজন কৰা হৈছে এখনি প্ৰাইজমনি ক্ৰিকেট প্ৰতিযোগিতাৰ। আজিৰে পৰা আৰম্ভ হোৱা খেলখনিৰ পতাকা উত্তোলন কৰে পদ্মশ্ৰী মধ্য ইংৰাজী বিদ্যালয়ৰ সহকাৰী শিক্ষক ভূপেন হাজৰিকাই। বিয়লি প্ৰায় ১ বজাত আৰম্ভ হোৱা প্ৰতিযোগিতাখনি শুভ উদ্বোধন কৰে শ্ৰীৰাম গাওঁ পঞ্চায়তৰ সভাপতি ৰমেশ বৰুৱাই। বোকাজান ক্ৰিকেট ক্লাব আৰু নিকিনিখোৱা ক্ৰিকেট ক্লাবৰ মাজত অনুষ্ঠিত হোৱা প্ৰথমখন খেলৰ পিছতে মাজুলীৰ বিভিন্ন ঠাইৰ কেইবাটাও ক্ৰিকেট ক্লাবে যোগদান কৰে । ১৫ এপ্ৰিলৰ পৰা ১৮ এপ্ৰিললৈকে অনুষ্ঠিত হ’বলগীয়া খেলকখনিৰ মুঠ প্ৰাইজমানি ১০,০০০ টকা নিৰ্ধাৰণ কৰা হৈছে । প্ৰতিযোগিাখনৰ সফল সামৰণিৰ হেতু মিলিজুলি ক্ৰিকেট ক্লাবৰ সভাপতি আৰু সম্পাদকদ্বয়ে ক্ৰিয়াপ্ৰেমী আৰু অঞ্চলাবাসী ৰাইজৰ সহযোগিতা কামনা কৰিছে ।

অসম বিধানসভাৰ আগন্তক নিৰ্বাচনত  প্ৰতিদ্বন্দীতা কৰা কোনো ৰাজনৈতিক দল বা প্ৰাৰ্থীয়ে সুৰা যোগান ধৰি ভোটাৰক যাতে প্ৰভাৱিত কৰিব নোৱাৰে তাৰ বাবে কেন্দ্ৰীয় নিৰ্বাচন আয়োগে ৰাজ্য চৰকাৰলৈ  নিৰ্দেশনা জাৰি কৰিছে । সেই নিৰ্দেশনাৰ আধাৰত আবকাৰী বিভাগে ইতিমধ্যে ৰাজ্যজুৰি দেশী বিদেশী অবৈধ সুৰাৰ বিৰুদ্ধে বিশেষ অভিযান চলাই আহিছে । ২৮ মাৰ্চৰ  পুৱা আবকাৰী বিভাগৰ  কামৰূপ মহানগৰ জিলাৰ আবকাৰী অধীক্ষক মানৱী দাস আৰু উপ আবকাৰী অধীক্ষক মৌচুমী কোঁৱৰৰ নেতৃত্বত বশিষ্ঠ থানাৰ আৰক্ষীৰ  সহযোগত থানা এলেকাৰ  কাৰ্গিল আৰু  সোণাইঘুলিত চুলাই মদৰ ভাটিত এক বৃহৎ অভিযান চলোৱা হয় । অভিযানত চুলাই মদ প্ৰস্তুত কৰা  ২১ টা বৃহৎ ভাটী ধ্বংস কৰা হয় । অৱশ্যে অভিযানৰ উমান পায়ে চুলাই মদ প্ৰস্তুত কৰা কাৰ্যৰ লগত জড়িত দুষ্কৃতিকাৰী সকল পলাই যাবলৈ সক্ষম হয় । অভিযানকাৰী দলটোৱে ভাটী সমূহৰ পৰা চুলাই প্ৰস্তুত কাৰ্যত ব্যবহাৰ হোৱা প্ৰায় ১৮,৪০০ হাজাৰ লিটাৰ পাছ , ৫৫ টা ড্ৰাম আৰু ৩৮  টা  বিভিন্ন প্ৰকাৰৰ সা-সঁজুলি আৰু  প্ৰায় ৬১০ লিটাৰ চুলাই জব্দ কৰি নষ্ট কৰিবলৈ সক্ষম হয় ।