ৰাজ্যৰ বিভিন্ন প্রান্তৰ ৭৫গৰাকী অশীতিপৰ আইতাৰ আশ্রয়স্থল হাতীগাঁৱৰ মাদাৰ বৃদ্ধাৱাসত যোৱা কিছুদিন ধৰি চলি থকা বিতর্কক লৈ আইতাসকলৰ অধিকাংশই তীব্র অসন্তুষ্টি প্রকাশ কৰিছে৷ মাদাৰ বৃদ্ধাৱাসৰ প্রতিষ্ঠাপক সভাপতি উৎপল হর্ষবর্ধন আৰু সম্পাদক মণিকা শর্মাৰ মাজত চলি থকা শীতল যুদ্ধক লৈ আইতাসকলে তীব্র অসন্তুষ্টি ব্যক্ত কৰাৰ লগতে প্রতিগৰাকী আইতাই তেওঁলোকৰ ভৱিষ্যতক লৈ চিন্তিত হৈ পৰিছে৷ স্বেচ্ছাসেৱী সংগঠন মনালিছা ছ’চাইটীৰ বেনাৰত ২০১২ চনৰ ২১ জুলাইত আত্মপ্রকাশ কৰা মাদাৰ বৃদ্ধাৱাস বিগত সময়ছোৱাত সভাপতি উৎপল আৰু সম্পাদক মণিকাৰ অশেষ ত্যাগ আৰু কষ্টৰ বিনিময়ত চলি আছিল যদিও দুয়োজনৰ মাজত শেহতীয়াকৈ দেখা দিয়া মনোমালিন্যৰ বাবে প্রতিষ্ঠানটোৰ আৱাসীসকলৰ মাজত তীব্র অসন্তুষ্টি বিৰাজ কৰিছে৷

হৃদয়ৱান ৰাইজৰ সহায়–সহযোগত বিশেষ মাত্রা লাভ কৰা প্রতিষ্ঠানটোৰ স্থায়ীগৃহৰ নির্মাণকার্য চলি থকাৰ মাজতে সভাপতি–সম্পাদকৰ সংঘাত তুংগত উঠাত সচেতন মহলতো মাদাৰ বৃদ্ধাৱাসক লৈ বিভিন্ন প্রশ্ণ উত্থাপন হৈছে৷ মাদাৰ বৃদ্ধাৱাসৰ সভাপতি উৎপল আৰু সম্পাদক মণিকাৰ মাজত চলি থকা বিতর্ক সন্দর্ভত একাংশ সংবাদ মাধ্যমত বাতৰি প্রচাৰ হোৱাৰ পাছতে আজি ৫গৰাকী আইতা মাদাৰ বৃদ্ধাৱাসৰ পৰা সভাপতি উৎপলৰ লগত ওলাই আহে৷ আইতাকেইগৰাকীয়ে ছার্ভেৰ অজন্তা পথৰ এঘৰত কিছুসময় থকাৰ পাছত ‘নিউজ লাইভ’ৰ সাংবাদিকৰ তৎপৰতাত পুনৰ আইতাকেইগৰাকী বৃদ্ধাৱাসলৈ উভতি যায় বুলি জানিব পৰা গৈছে৷ মাদাৰ বৃদ্ধাৱাসক লৈ চলি থকা সকলো বিতর্কৰ অৱসান ঘটাই সভাপতি উৎপল আৰু সম্পাদক মণিকাই পুনৰ নতুন উদ্যমেৰে বৃদ্ধাৱাসখন পৰিচালনা কৰাৰ সিদ্ধান্ত গ্রহণ কৰা বুলি জানিব পৰা গৈছে৷

বোকাজানৰ খটখটী আৰক্ষীৰ জালত দুটা পিষ্টল সহ যুৱক । বোকাজানৰ SDPO জন দাস , বৰপথাৰ CI ভূপেন কলিতা আৰু খটখটী OC মৌব্লিক ব্ৰহ্মই অভিযান চলাই উদ্ধাৰ কৰে পিষ্টল দুটা ।

বোকাজান আৰক্ষীয়ে এক বিশেষ খবৰৰ ভিত্তিত খটখটীত নাকা তালাচীত এজন যুৱকক তালাচী চলাওঁতে আৰক্ষীৰ জালত পৰে ধৃত চাহিল খানক।

ধৃত চাহিল খানৰ পৰা এটা .২২ পিষ্টল আৰু এটা ৭.৬৫ পিষ্টলৰ সৈতে ৭ জাই সজীৱ গুলি উদ্ধাৰ কৰে আৰক্ষীয়ে । আৰক্ষীৰ তদন্তত পিষ্টল দুটা বিক্ৰীৰ উদ্দেশ্যে আনিছিল বুলি জানিব পৰা গৈছে । পৰৱৰ্তী সময়ত আৰক্ষীয়ে অধিক তথ্য দাঙি ধৰিব বুলি জানিবলৈ দিয়ে ।

২৪জুন  এটি অনাথ শিশুৰ কৰুণ গাঁথাই ম্ৰিয়মান কৰিতুলিছে  পশ্চিম নলবাৰীৰ সৰ্বস্তৰৰ লোকক। প্ৰতি গৰাকী হৃদয়মান লোকৰে  অন্তৰ চুই গৈছে  শিশুটিৰ কৰুণ  ঘটনাই।     প্ৰাক শৈশৱ কালতে মাক দেউতাকক হেৰুৱা   ঘাট মাউৰা ছয় বছৰীয়া  দেৱশিশুটি  হ’ল গৌৰব কলিতা । উল্লেখ্য যে  আজিৰ পৰা ডেৰ বছৰ পূৰ্বে  তাৰ পিতৃ মিন্টু কলিতা হেপাটাইটিচ্ ৰোগত আক্ৰান্ত হৈ মৃত্যু হৈছিল।  পিতৃক হেৰুৱাই  পিছত মাক জুমি কলিতাই শিশুটিক বুকুত সাবটি গুৱাহাটীৰ ব্যক্তিগত প্ৰতিষ্ঠান এটিত কাম কৰি চলাই নিছিল তেওঁৰ  সংসাৰখন। নিয়তিৰ কি কৰুণ পৰিহাস? যোৱা ২১মে তাৰিখে মাক জুমি কলিতাও ক’ৰণাত গুৱাহাটী চিকিৎসা মহাবিদ্যালয়ত চিকিৎসাধীন অৱস্হাত  মৃত্যু হয়। পিছত পিতৃ মাতৃক হেৰাৱা   গৌৰৱৰ আশ্ৰয় থল হ’ল বেলশৰৰ মোমায়েকৰ ঘৰখন।  ইপিনে মোমায়েকো  গাড়ীৰ চালক হিচাপে কাম কৰি কেনেবাকৈ  চলাইছিল সংসাৰখন। পিছে ল’ক ডাউনৰ বাবে জীৱন জীবিকাৰ পথ বন্ধ হোৱাত আৰ্থিক দৈন্যই কাবু কৰিছে মোমায়েকৰ পৰিয়ালটোক। ইপিনে গৌৰৱৰ শিক্ষা-  দীক্ষা আৰু   ভবিষ্যতক লৈ  মোমায়েক আৰু আইতাকৰ  মনত  এক ডাঙৰ প্ৰশ্ন হৈ উঠিছে। অবশেষত   এই দুৰ্ভগীয়া  অনাথ শিশুটিৰ  দায়িত্ব ললে  পশ্চিম নলবাৰী ছাত্ৰ সন্হাই।  পশ্চিম নলবাৰী আঞ্চলিক ছাত্র সন্থাৰ এটি সজাতি দলে যোৱা  ১৮ জুন তাৰিখে  পশ্চিম নলবাৰী অঞ্চলৰ বেলশৰ গাওঁৰ  পূব ডেকা চুবুৰীৰ পিতৃ মাতৃ হীন  শিশু গৌৰৱ কলিতাৰ  মোমায়েকৰ বাসভৱনত উপস্থিত হয়  আৰু  শিশুটিৰ  অধ্যয়নৰ ক্ষেত্ৰত সম্পূৰ্ণ দায়িত্ব গ্ৰহণ কৰে  পশ্চিম নলবাৰী  আঞ্চলিক ছাত্ৰ সন্থাই । এই ক্ষেত্ৰত বিশেষ ভাবে সহায় কৰে বেলশৰৰ বাসুদেৱ জাতীয় বিদ্যালয়, স্বত্বাধিকাৰী মানবেন্দ্ৰ ডেকাই। এই সজাতি দলটোত উপস্হিত থাকে।  আঞ্চলিকৰ সভাপতি সুভাষ বৰ্মন , সাধাৰণ সম্পাদক প্ৰাণজিত ঠাকুৰীয়া, উপদেষ্টা প্ৰাঞ্জল বৰ্মন , সহ সাধাৰণ সম্পাদক কল্পমণি কাকতি , নয়নজ্যোতি বৰ্মন,  শিক্ষা সম্পাদক দীপাংকৰ বৰ্মন , ক্ৰিয়া সম্পাদক ৰাজু বৰ্মন , আঞ্চলিকৰ সদস্য জ্যোতিপ্রকাশ সেন ডেকা , ৰাজেশ শৰ্মা , অংকুৰ বৰ্মন আদি ।

পৰিবৰ্তনৰ দৰকাৰ,প্ৰমোদ বড়ো চৰকাৰ ।আজে বাজে বাদ দিয়ক টেক্টৰ ছবিত ভোট দিয়ক ।ইত্যাদি সু মধুৰ শ্লোগানেৰে ৰাইজৰ পদুলিয়ে পদুলিয়ে ভোট ভিক্ষা কৰি অবশেহত নিৰ্বাচনী বৈতৰণী পাৰ হৈ বিজেপি আৰু জি এছ পিৰ সহযোগত প্ৰমোদ বড়োই বিটিআৰ চৰকাৰ গঠন কৰিবলৈ সক্ষম হ’ল। কিন্তু বিটিআৰ চৰকাৰ গঠন কৰাৰ দিনৰে পৰা হযতো বিটিআৰৰ চীফ প্ৰমোদ বড়োই  তেখেতৰ সতীৰ্থ ই এম, জি এম, সকলক  আবশ্যক অনুসৰি  নেতৃত্ব দিব পৰা নাই।  বিটিআৰত বসবাস কৰি থকা প্ৰতিটো জাতি জন গোষ্ঠীৰ  বিশেষকৈ বড়ো সকলৰ স্বাভিমান আৰু আবেগ  অনুভুতিক প্ৰয়োজন অনুসাৰে  প্ৰমোদ বড়ো নেতৃত্বাধীন বিটিআৰ চৰকাৰ খনৰ উন্নয়নৰ ফোপোলা স্বৰূপ কম দিনৰ ভিতৰতে পৰিস্কাৰ হৈ পৰাৰ অভিযোগ উঠিছে ৷ এইখিনিতে উল্লেখনীয় আৰু পৰিতাপৰ কথা যে বিটিআৰ  চুক্তিৰ  দফা সমুহ কাৰ্য্যকৰী ব্যবস্থা গ্ৰহণ কৰাৰ পৰিৱৰ্তে আওকণীয়া মনোভাব আৰু অৰুনোদয আচঁনিৰ দুৰ্নীতিৰ কথা বাদেই সমষ্টি এটা  উন্নয়নৰ প্ৰধান কেন্দ্ৰ বিন্দু হৈছে সেইটো  সমষ্টিৰ উন্নয়ন খন্ডৰ  খন্ড উন্নয়ন বিষয়া গৰাকী । কিন্তু যেতিয়া এটা উন্নয়ন খন্ডত,  খন্ড উন্নয়ন  বিষয়া নাথাকে  সেইটো সমষ্টিত উন্নয়নৰ দিশ কেনেকৈ তৰান্বিত হব। নিৰ্বাচনৰ সময়ত তদানীন্তন মুখ্যমন্ত্ৰী সৰ্বানন্দ সোনোৱাল,বৰ্তমানৰ মুখ্যমন্ত্ৰী হিমন্ত বিশ্ব শৰ্মা, সঞ্জয় কিষান,পল্লব লোচন দাস, সাংসদ দিলীপ শ্ইকীযা আদি ৰথী মহাৰথী সকলে মাজবাট উন্নয়ন খন্ডৰ পদুলি মুখতে উন্নয়নৰ জয় গান গাই বিশাল নিৰ্বাচনী সভা অনুষ্ঠিত কৰে যদিও আজিলৈকে মাজবাট উন্নয়ন খন্ডত এজন খন্ড উন্নয়ন বিষয়া নিযুক্তি দিব নোৱাৰিলে ।যাৰ ফলত মাজবাট ৰাজহ চক্ৰৰ  চক্ৰ বিষয়া গৰাকীয়ে  মাজবাট উন্নয়ন খন্ডত ভাৰপ্ৰাপ্ত  খন্ড উন্নয়ন বিষয়া হিচাপে দীৰ্ঘদিন  ধৰি  কাৰ্য্যনিৰ্বাহ কৰি আহিছে । ৰাজহ চক্ৰটোৰ গুৰুদায়িত্ব বহন কৰি অহা বিষয়া গৰাকীক ভাৰপ্ৰাপ্ত খন্ড উন্নয়ন বিষয়া হিচাপে নিযুক্ত দিয়াত মাজবাটবাসী ৰাইজৰ যথেষ্ট পৰিমাণে সমস্যাৰ সৃষ্টি হৈছে । এজন বিষয়াই গুৰুত্বপূৰ্ণ দুটাকৈ দায়িত্ব চম্ভালিব লগীয়া হোৱাত প্ৰমোদ বড়োৰ পৰিবৰ্তনশীল  বিটিআৰ চৰকাৰ খনৰ উন্নয়নৰ গতি কোনফালে ধাবিত হৈছে সেয়া সহজে অনুমেয় ।গতিকে মাজবাটত বাসী ৰাইজৰ মাজত প্ৰশ্ন উত্থাপিত হৈছে এয়াই আছিল নেকি পৰিবৰ্তনৰ দৰকাৰ প্ৰমোদ বড়োৰ চৰকাৰৰ শ্লোগান ? সি যিয়েই নহওঁক অতি শীঘ্ৰে মাজবাট উন্নয়ন খণ্ডত এজন স্থায়ী খন্ড উন্নয়ন বিষয়া নিযুক্তি দিবলৈ অসম চৰকাৰক অনুৰোধ জনাইছে মাজবাটৰ ৰাইজে ।

অৱশেষত আৰক্ষীৰ গুলীত নিহত হ’ল অসমৰ এটা কুখ্যাত অপৰাধী বুবু কোঁৱৰ। গেলেকীত আৰক্ষীৰে সংঘৰ্ষত বুধবাৰে সন্ধিয়া নিহত হয় কুখ্যাত অপৰাধীটো। বিগত দুটা দশক ধৰি হত্যা, ছুপাৰি কিলাৰ, গাড়ী চুৰি, হানি ট্ৰেপিঙেৰে ৰাজ্যজুৰি সন্ত্ৰাসৰ সৃষ্টি কৰিছিল বুবুৱে। ৪২টাকৈ হত্যাকাণ্ডত জড়িত আছিল বুবু কোঁৱৰ।

কোঁৱৰে গাড়ী চুৰি চক্ৰৰ নেতৃত্ব লৈ হত্যা কৰিছিল বহুকেইজন গাড়ীচালকক। ২০১২ চনত হত্যা কৰিছিল প্ৰসিদ্ধ চিকিত্সক মৃদুল বৰুৱাক। সেইটো বছৰতে বুবুয়ে হত্যা কৰিছিল কংগ্ৰেছ নেতা হেমন্ত বৰুৱা আৰু ব্যৱসায়ী কে এল গিলোৰিয়াক। ২০১৪ চনত বুবুৱে হত্যা কৰিছিল এজন প্ৰধান শিক্ষক ডি এন গগৈক।২০১৬ চনত যেতিয়া আৰক্ষীয়ে বুবুক গ্ৰেপ্তাৰ কৰিছিল, অপৰাধীটোৱে সাংবাদিকৰ কেমেৰাৰ সন্মুখত নিজেই স্বীকাৰ কৰিছিল কেইটাবাও হত্যাকাণ্ড কৰাৰ কথা। ১৬ বছৰ বয়সতে অপৰাধ জগতত ভৰি দিয়া বুবুৱে চলাইছিল হানী ট্ৰেপিং চক্ৰ।