মঙলদৈ, ২৬ নবেম্বৰঃ অসম জাতীয়তাবাদী যুৱ-ছাত্ৰ পৰিষদ দৰং জিলা সমিতিৰ দ্বি-বাৰ্ষিক প্ৰতিনিধি সভাখন দৰং জিলা সাহিত্য সভা ভৱন সভা কক্ষত দিন জোৰা  কাৰ্যসূচীৰে ২৫ নবেম্বৰত সম্পন্ন হয় । ৰাতিপুৱা ৯-৩০ বজাত পৰিষদৰ পতাকা উত্তোলনৰ জৰিয়তে অধিবেশনৰ কাৰ্যসূচীৰ শুভাৰম্ভণি কৰা হয় । দিনৰ ১১-৩০ বজাত যুৱ-ছাত্ৰ পৰিষদৰ সাংগঠনিক সমবেত সংগীত পৰিবেশনেৰে আৰম্ভ কৰা  প্ৰতিনিধি সভাখন উদ্বোধন কৰে যুৱ-ছাত্ৰ পৰিষদৰ সভাপতি ৰাণা প্ৰতাপ বৰুৱাই । তেখেতৰ উদ্বোধনী ভাষণত যুৱ-ছাত্ৰ পৰিষদৰ সদস্য সকলক অসমৰ জাতীয় সংহতিৰ হকে কাম কৰিবলৈ আহ্বান জনোৱাৰ লগতে বৰ্তমান অসমত ৰাজনীতিৰ নামত মৌলবাদৰ উত্থানে অসমীয়া জাতিৰ বাবে অশনি সংকেত কঢ়িয়াই আনিছে বুলি উল্লেখ কৰে । সভাত উপস্থিত থাকি যুৱ-ছাত্ৰ পৰিষদৰ উপদেষ্টা পুলক বৰাই ঐতিহাসিক পথৰুঘাটৰ কৃষক বিদ্ৰোহৰ আৰু বিদেশী বিতাৰণৰ বিশ্ব শক্তিশালী গণ আন্দোলনৰ পটভূমি দৰঙৰ পৰাই অসমৰ খিলঞ্জীয়া জাতি জনগোষ্ঠী সমূহৰ স্বকীয়তা অক্ষুন্ন ৰাখিবলৈ আৰু  অৰ্থনৈতিক স্বাৱলম্বীতাৰ সংগ্ৰাম আৰম্ভ কৰিবলৈ যুৱ-ছাত্ৰ পৰিষদৰ সদস্য সকলক আহ্বান জনায় । পৰিষদৰ দৰং জিলা সমিতিৰ সভাপতি দিগন্ত ডেকাই সভাপতিত্ব কৰা প্ৰতিনিধি সভাখনত উপদেষ্টা ভবেশ কাকতি আৰু কমৰুল হক যুটীয়া সম্পাদক চন্দন শইকীয়াৰ ওপৰিও পৰ্যবেক্ষক হিচাবে উপস্থিত থাকি বিষয় বাছনি সভা পৰিচালনা কৰে  যুৱ-ছাত্ৰ পৰিষদৰ সহকাৰী সাধাৰণ সম্পাদক সৌৰভ দাস আৰু প্ৰচাৰ সম্পাদক প্ৰণৱ জ্যোতি কলিতাই । উক্ত প্ৰতিনিধি সভাই সন্ধিয়া অনুষ্ঠিত বিষয় বাছনি সভাত আগন্তুক ২০২১/২২ বৰ্ষৰ বাবে দিগন্ত ডেকাক সভাপতি, অলক ৰঞ্জন ডেকা, ভূপেন ডেকা আৰু জয়ন্ত শৰ্মাক উপ-সভাপতি; পংকজ ডেকাক সাধাৰণ সম্পাদক; মণিময় শৰ্মা আৰু নিপেন চহৰীয়াক যুটীয়া সম্পাদক মনমোহন ডেকাক সাংস্কৃতিক সম্পাদক; ধ্ৰুৱজ্যোতি হাজৰিকাক বিত্ত সম্পাদক; ত্ৰৈলোক্য শৰ্মাক সমাজসেৱা সম্পাদক; নিপু ডেকা বিনোদ কলিতা হীৰক জ্যোতি ডেকা প্ৰাঞ্জল চহৰীয়া নাৰায়ণ ডেকাক সাংগঠনিক সম্পাদক;  চিন্টু মনি ডেকা গোপাল দাস আৰু  তৰুণ চহৰীয়া প্ৰচাৰ সম্পাদক; ৰত্নেশ্বৰ দাসক ক্ৰীড়া সম্পাদক আৰু ভবেশ কাকতি, কমৰুল হক, চন্দন শইকীয়া, দুলেন নাথ, নবজিৎ শৰ্মা , জয়ন্ত ডেকা আৰু ইন্দ্ৰজিৎ শৰ্মাক উপদেষ্টা হিচাবে লৈ যুৱ-ছাত্ৰ পৰিষদৰ দৰং জিলা সমিতি খন গঠন কৰে ৷