টীয়ক
সমগ্ৰ দেশ তথা ৰাজ্যৰ জনতা ক’ৰোনা ভাইৰাছৰ ত্ৰাসত গৃহবন্দী হৈ থকাৰ মাজতে শনিবাৰে মৰিয়নিৰ চেলেংহাট পদুমণি চেতিয়া গাঁৱৰ মনিবাৰী নামৰ এখন হাবিত বিয়লি স্থানীয় লোকে বৃহৎ পৰিমাণৰ মাছ সিঁচৰিত হৈ পৰি থকা প্ৰত্যক্ষ কৰে। উল্লেখযোগ্য যে বৈছাহাবি হাঁহচৰা সংযোগী পথটোৰ কাষৰ উক্ত হাবিখনত নিৰ্জনতাৰ সুযোগ লৈ অৰ্ধগলিত মাছখিনি কোনো দুস্কৃতিকাৰীয়ে পেলাই থৈ যায় বুলি ৰাইজে সন্দেহ কৰিছে। ক’ভিড-১৯ মহামাৰীৰ ত্ৰাসৰ সময়তে এনেদৰে অৰ্ধ গলিত মাছসমূহ হাবিত পেলোৱা কাৰ্যই স্থানীয় ৰাইজক আতংকিত কৰি তোলে। ইতিমধ্যে চেতীয়া গাঁৱৰ গাঁৱ বুঢ়া ঋতুৰাজ ঢেকিয়াল ফুকনে চেলেংহাট আৰক্ষীক এই বিষয়ত অৱগত কৰিছে।
