দৰঙৰ চমতীয়াপাৰাৰ ননৈ বোঁৱতী জলসিঞ্চন প্ৰকল্পত বৃহৎ কেলেংকাৰী ৷ দৰং জিলা জলসিঞ্চন বিভাগে সম্পূৰ্ণ কৰিব নোৱাৰিলে প্ৰকল্পৰ কাম ১৩ বছৰে ৷ ২০০৮/৯ বৰ্ষতে আৰম্ভ কৰিছিল প্ৰকল্পটিৰ কাম ৷ প্ৰাক্তন কংগ্ৰেছ মন্ত্ৰী নুৰজমাল সৰকাৰে নিজে উপস্থিত থাকি উদ্ধোধন কৰা প্ৰকল্পটি আজিও ন’হল সম্পূৰ্ণ ৷ দুই বছৰত সম্পূৰ্ণ কৰিবলগীয়া আছিল আঁচনিতো ৷ বৃহৎ পুখুৰী খনন কৰি চিনচাব নোহোৱা কৰিলে আঁচনিটো ৷ একাংশ দুষ্ট চক্ৰৰ লোকে মৎস পালন কৰিছে গোপনে পুখুৰিটোত ৷ দৰং জিলা জলসিঞ্চন বিভাগে সম্পূৰ্ণ কৰিব নোৱাৰিলে প্ৰকল্পৰ কাম ১৩ বছৰে ৷ ২০০৮/৯ বৰ্ষতে আৰম্ভ কৰিছিল প্ৰকল্পটিৰ কাম ৷ প্ৰাক্তন কংগ্ৰেছ মন্ত্ৰী নুৰজমাল সৰকাৰে নিজে উপস্থিত থাকি উদ্ধোধন কৰা প্ৰকল্পটি আজিও ন’হল সম্পূৰ্ণ ৷ দুই বছৰত সম্পূৰ্ণ কৰিবলগীয়া আছিল আঁচনিতো ৷ বৃহৎ পুখুৰী খনন কৰি চিনচাব নোহোৱা কৰিলে আঁচনিটো ৷ একাংশ দুষ্ট চক্ৰৰ লোকে মৎস পালন কৰিছে গোপনে পুখুৰিটোত ৷ আঁচনিটো তদন্তৰ লগতে সম্পূৰ্ণ কৰাৰ দাবী আছুৰ লগতে স্থানীয় চমতীয়াবাসী ৰাইজৰ ৷

নিঃসহায় পিতৃ মাতৃৰ সহায়ৰ বাবে কাতৰ আহ্বান

এগৰাকী মেধাবী ছাত্ৰীৰ কৰুণ বিননী।জীৱন মৃত্যুৰে যুঁজিছে এই গৰাকী মেধাবী ছাত্ৰীয়ে।মাৰাত্মক ব্ৰেইন টিউমাৰ ৰোগত আক্ৰান্ত হৈ কটাইছে যন্ত্ৰণাময় জীৱন।শয্যাসংগী হৈ পৰিছে একমাত্ৰ বিচনাখন।মুখৰ মাতষাৰো হেৰুওৱাৰ উপক্ৰম হৈছে এই গৰাকী দুৰ্ভগীয়া ছাত্ৰীয়ে।দুহাত বাউলী ইংগীত দিছে মোক চছোৱা, মোক ৰক্ষা কৰা।নিঃসহায় হৈ পৰিছে পিতৃ মাতৃ।সন্তানৰ চিকিৎসা কৰে কেনেকৈ।সৰ্বস্বান্ত পিতৃ মাতৃয়ে সহায়ৰ বাবে সকলোলৈ জনাইছে কাতৰ আহ্বান, যেন তেওঁলোকৰ সন্তানে মৃতপ্ৰায় জীৱন পুনৰ ঘূৰাই পায়।এনেধৰণৰ এটি মৰ্মান্তিক কাহিনী পোহৰলৈ আহিছে কামৰূপ জিলাৰ ৪৯নংছয়গাঁও বিধানসভা সমষ্টিৰ জনজাতীয় অধ্যুষিত এলেকা  উকিয়ামৰ ২নংভেৰভেৰীগাঁৱত। সেই গাঁৱৰে আনন্দ ৰাম ৰাভা আৰু জোনালী ৰাভাৰ জীৱৰী মলিনা ৰাভা আক্ৰান্ত হৈছে মাৰাত্মক ব্ৰেইন টিউমাৰ ৰোগত।অৰ্থৰ অভাৱত সু চিকিৎসা কৰিব পৰা নাই মলিনাক।মুদুকি আঞ্চলিক জনজীতীয় হাইস্কুলৰ নৱম শ্ৰেণীৰ ছাত্ৰী মলিনা আজি প্ৰায় সাত মাহ পূৰ্বে এই ৰোগত আক্ৰান্ত হৈ ক্ৰমান্বয়ে মুখৰ মাতষাৰো হেৰাই যাবলৈ ধৰিছে। জানিব পৰা মতে এই ৰোগটি হেনো কেন্সাৰ ৰোগলৈ পৰ্যবসিত হৈছে।পিতৃ আনন্দৰাম ৰাভাই দিন হাজিৰা কৰি কোনোমতে পৰিয়ালটো পোহপাল দি আহিছে।এনে অৱস্হাৰেও জীয়ৰীৰ জীৱন ৰক্ষা কৰিবলৈ ডাক্তৰৰ দুৱাৰে দুৱাৰে ঘুৰি ইতিমধ্যে খৰছ কৰিছে প্ৰায় এক লাখ টকা।ঘৰৰ সকলো সম্পদ বিক্ৰী কৰি সৰ্বস্বান্ত হৈ পৰা পৰিয়ালটোৰ এতিয়া পানীত হাঁহ নচৰা অৱস্হা।উন্নত চিকিৎসাৰ বাবে নাই এটাও ফুটাকঢ়ি।চকুৰ সন্মুখতে জীৱন মৃত্যুৰে যুঁজি থকা জীয়ৰীক লৈ বিপাঙত পৰি উপায়ন্তৰ হৈ এতিয়া পিতৃ মাতৃ আজি ছয়গাঁও ৰিহাবাৰী স্হিত ছয়গাঁও আঞ্চলিক ৰাভা ছাত্ৰ সন্হাৰ কৰ্যালয়লৈ গৈ জীয়ৰীৰ জীৱন ভিক্ষা মাগে। এই সম্পৰ্কত ৰাভা ছাত্ৰ সন্হাৰ সভাপতি জীতেন ৰাভা আৰু সম্পাদক অৰবিন্দ ৰাভাই তেওঁলোকৰ স্বাক্ষৰ সম্বলিত দুকপি পত্ৰ ৭নং গুৱাহাটী লোকসভা সমষ্টিৰ সাংসদ কুইন ওজা আৰু ৪৯নং ছয়গাঁও বিধানসভা সমষ্টিৰ বিধায়ক ৰেকিবুদ্দিন আহমেদলৈ বিশেষ সাহাৰ্য আৰু উন্নত চিকিৎসাৰ্থে প্ৰেৰণ কৰে।আনহাতে আজি ছয়গাঁও আঞ্চলিক ৰাভা ছাত্ৰ সন্হাৰ তৰফৰ পৰা মলিনাক গুৱাহাটীস্হিত এখন চিকিৎসালয়ত ভৰ্তি কৰাব বুলি জানিব পৰা গৈছে। সকলোৰে আশা এটাই মলিনা সুস্হ হৈ ঘূৰি আহক আৰু এই পৃথিৱীত নিজৰ কৰ্তব্য সম্পাদন কৰি যাওঁক।

অসম আৰক্ষীত আন এক নতুন সংযোজন।৩ কোটিকৈ টকা ব্যয় সাপেক্ষে ৰাজ্যৰ প্ৰতিখন থানাতে বিশেষ চাইবাৰ কিটৰ ব্যৱস্থা কৰা হৈছে৷প্ৰথম পৰ্যায়ত গুৱাহাটীৰ প্ৰতিখন থানাত চাইবাৰ কিট দিয়া হ’ব৷এই কিটৰ জড়িয়তে থানাতে চাইবাৰ অপৰাধৰ তদন্ত কৰিব পাৰিব৷
আজিৰে পৰা গুৱাহাটী আৰক্ষীৰ চাইবাৰ কিটৰ প্ৰশিক্ষণ আৰম্ভ হ’ব৷ প্ৰতিজন আৰক্ষীক চিআইডিৰ কাৰ্যালয়ত চাইবাৰ কিটৰ প্ৰশিক্ষণ দিয়া হ’ব৷ইয়াৰ সমান্তৰালকৈ আজিৰে পৰা আৰম্ভ হ’ব চাইবাৰ ফৰেনচিক লেব৷চিআইডিৰ কাৰ্যালয়তে চাইবাৰ ফৰেনচিক লেবটো স্থাপন কৰা হৈছে৷
ইফালে আৰক্ষীৰ বাবে ড্ৰাগ ডিটেকচন কিটৰো ব্যৱস্থা কৰা হৈছে৷ডিটেকচন কিটৰ সহায়ত ঘটনাস্থলীতে আৰক্ষীয়ে পৰীক্ষা কৰিব পাৰিব জব্দকৃত ড্ৰাগছ৷উল্লেখযােগ্য যে,আজি আৰক্ষী সঞ্চালক প্ৰধান ভাস্কৰজ্যোতি মহন্তই মুকলি কৰিব চাইবাৰ ফৰেনচিক লেব৷এই চাইবাৰ কিটৰ ব্যৱস্থা একশ্ৰেণীৰ বিশেষ অপৰাধীৰ বাবে হৈ পৰিব পাৰে মূৰৰ কামোৰণি।

যোৰহাট বিজ্ঞান-প্ৰযুক্তিবিদ্যা প্ৰতিষ্ঠানৰ তিনি গৰাকী কৰ্মচাৰীক নিলম্বন। চাকৰিৰ পৰা বৰ্খাস্ত হোৱাৰ কাৰণ অবৈধ নিযুক্তি। নিলম্বিত তিনি কৰ্মচাৰী ক্ৰমে – অজন্তা দত্ত, বিদ্যাৰ্থী বৰা, আৰু নৱনীতা বৰঠাকুৰ। দীৰ্ঘদিন ধৰি আছুৱে চলাই অহা দাবীৰ পৰিণতিত লোৱা হয় এই সিদ্ধান্ত।

ৰাজ্যৰ চৌদিশে আৰক্ষী প্ৰশাসনৰ নিচিদ্ৰ তালাছি চলি থকাৰ সময়তো আৰক্ষীৰ চকুত ধুলি মাৰি এচাম ধুৰন্ধৰ প্ৰকৃতিৰ লোকে কৰি আহিছে চুৰি ডকাইটিৰ দৰে জঘণ্য কাণ্ড।এনে জঘণ্য কাণ্ড কামৰূপ জিলাৰ বকোতো সময়ে সময়ে সংঘটিত হোৱা তথ্য পোৱা যায়। উল্লেখ্য যে ; যোৱা নিশাও কামৰূপ জিলাৰ বকো আৰক্ষী থানাৰ অন্তৰ্গত বন্দাপাৰাত সংঘটিত হৈছে গৰু চুৰিৰ ঘটনা। বন্দাপাৰাত গৰু চুৰি কৰিবলৈ আহি ৰাইজৰ হাতত ধৰা পৰিল কুখ্যাত গৰু চোৰ ৰুষ্টম আলী।যোৱা নিশা এই ঘটনা সংঘটিত হৈছে দক্ষিণ কামৰূপৰ বকোৰ বন্দাপাৰাত। বেছেৰা ৰুষ্টমে ৰাতিৰ আন্ধাৰৰ সুবিধা লৈ এঘৰৰ গোহালিত সোমাই গৰু চোৰ কৰিবলৈ লওতেই ধৰা পৰিল ৰাইজৰ ৰোষত। ঘটনা বিৱৰণ অনুসৰি শনিবাৰৰ নিশা বন্দাপাৰা গাওঁৰ এঘৰৰ পৰা হালোৱা গৰু এটা চোৰে লৈ যায়।অঞ্চলটোত সঘনাই সংঘটিত হোৱা চুৰি কাণ্ডৰ প্ৰতি লক্ষ্য ৰাখি স্থানীয় যুৱক সকলে পহৰা দি থকা অৱস্থাত নিশা অচিনাকি লোক দেখি সন্দেহ ওপজে আৰু অচিনাকি লোক কেইজনৰ গোপনে পিছ লয়। পিছত এঘৰৰ গোহালিত সোমাই গৰু চোৰ কৰিবলৈ লওতেই খেদি খেদি আটক কৰে ৰুষ্টম আলী নামৰ চোৰ জনক। আনহাতে জানিব পৰা মতে আন দুজন চোৰ পলাই যাবলৈ সক্ষম হয়। নিশা গৰু চুৰি কৰিবলৈ অহা চোৰ ৰুষ্টম আলীক স্থানীয় ৰাইজে উত্তম মাধ্যম সোধাই। পিছত ৰাইজৰ আগত ৰুষ্টমে সকলো বিৱৰি কবলৈ বাধ্য হয়। ইফালে যোৱা বুধবাৰৰ নিশাও বকোৰ ৰাজাপাৰাৰ পৰা এটা দামৰা গৰু চুৰি কৰি লৈ যোৱাৰ কথাও ৰাইজৰ আগত অৱগত কৰে।প্ৰকাশ্য যে ; নিশা চোৰ জনক ৰাইজে উত্তম মাধ্যম সোধাই বকো আৰক্ষীক গোটাই দিয়ে বুলি জানিব পৰা গৈছে।