বিশ্বজোৰি পূৰ্বতকৈ শক্তিশালী ৰূপত কোৰোণাৰ সংক্ৰমণ । পৰিস্থিতিৰ প্ৰতি লক্ষ্য ৰাখি ভাৰত চৰকাৰে বাতিল কৰিছে ভাৰত আৰু ব্ৰিটেইনৰ মাজৰ বিমান সেৱা। ভাৰত চৰকাৰেও এতিয়া এই ক্ষেত্ৰত ৰাখিছে তীক্ষ্ন দৃষ্টি। কেন্দ্ৰীয় স্বাস্থ্যমন্ত্ৰী হৰ্ষবৰ্ধনে দেশবাসীক আতংকিত নহ’বলৈ আহ্বান জনাইছে ।

কোৰোণাৰ ভয়াৱহতালৈ লক্ষ্য কৰি এতিয়া কৰ্ণাটক চৰকাৰে লৈছে গুৰুত্বপূৰ্ণ সিদ্ধান্ত। আজি নিশা ১০ বজাৰ পৰা ৰাজ্যখনত বলৱত্ কৰা হ’ব সান্ধ্য আইন। অহা ২ জানুৱাৰী ২০২১লৈকে বাহাল থাকিব সান্ধ্য আইন। সেইদৰে কৰ্ণাটক চৰকাৰে নতুন বছৰৰ পাৰ্টীৰ ক্ষেত্ৰতো নিষেধাজ্ঞা আৰূপ কৰিছে।

ইতিমধ্যে ইউৰোপৰ বহুকেইখন দেশত কোৰোণাৰ ভয়াৱহতালৈ লক্ষ্য কৰি বলৱত্ কৰা হৈছে ল’ক ডাউন । গ্ৰেট ব্ৰিটেইনত জাৰি কৰা হৈছে কঠোৰ ল’ক ডাউন।

কেন্দ্ৰীয় চৰকাৰে গৃহীত কৰা তিনিখন নতুন কৃষি আইন বাতিলৰ দাবীত দিল্লী সিঙ্ঘু সীমান্তত বিক্ষোভ প্ৰদৰ্শন কৰি থকা কৃষকসকলৰ সমৰ্থনত এবাৰ মাত দিছে আন্না হাজৰেই । ৮৩ বছৰীয়া আন্না হাজাৰেই কৃষক আন্দোলনক কেন্দ্ৰ কৰি কেন্দ্ৰীয় চৰকাৰলৈ এখন পত্ৰ লিখিছে কৈছে যে কৃষি মন্ত্ৰীয়ে লিখিত ৰূপত দিয়া প্ৰতিশ্ৰুতি পালন কৰা নাই সেয়ে মই জীৱনৰ অন্তিম অনশন কাৰ্যসূচী গ্ৰহণ কৰিম ।

তেওঁ লগতে এই অনশন কাৰ্যসূচী দিল্লী নে মুম্বাই নে তেওঁ নিজৰ গাঁৱত গ্ৰহণ কৰিব সেই কথা পৰৱৰ্তী সময়ত অৱগত কৰিব বুলিও উল্লেখ কৰে ।

সমাজকৰ্মীজনে ইয়াৰ পূৰ্বে কৈছিল যে যদি অতি শীঘ্ৰে কৃষকৰ দাবী পূৰণ নহয় তেন্তে তেওঁ কেন্দ্ৰীয় চৰকাৰৰ বিৰুদ্ধে গণ আন্দোলন গঢ়ি তুলিব। তেওঁ লগতে কৈছিল যে লোকপাল আন্দোলনে যেনেদৰে কংগ্ৰেছ চৰকাৰক ওফৰাই পেলাইছিল, মই কৃষকৰ আন্দোলনো সেই দৃষ্টিভংগীৰে চাও।