দৈনন্দিন বাৰ্তা ডেস্ক : বিশ্বৰ পুতলা খেলা সামগ্ৰীৰ বজাৰ কাৰ্যত একচেটিয়া দখল চীনৰ ৷ কিন্তু ভাৰত কাৰ্যত উল্লেখ কৰাৰ দৰে ঠাই নাই ৷ প্ৰধানমন্ত্ৰী নৰেন্দ্ৰ মোডীয়ে পুতলা বজাৰত দেশীয় উদ্যোগপতিৰ অধিক অংশ লোৱাৰ আহ্বান জনোৱাৰ কটাক্ষ কৰিলে ৰাহুল গান্ধীয়ে৷ প্ৰাক্তন কংগ্ৰেছ সভাপতিয়ে মত, ছাত্ৰ-ছাত্ৰীৰ ‘পৰীক্ষা পে চৰ্চা’ চাইছেনে ৷ প্ৰধানমন্ত্ৰীয়ে কৰিছে ‘পুতলা পে চৰ্চা’ ৷ ক’ৰোনা ভাইৰাছ সংক্ৰমণৰ মাজতে ১ ছেপ্টেম্বৰত নেচনেল এলিজিবিলিটি কাম এণ্ট্ৰেন্স টেষ্ট (নিট) আৰু জয়েণ্ট এণ্ট্ৰেন্স এগজাম (জেইই) পৰীক্ষা অনুষ্ঠিত কৰাৰ সিদ্ধান্ত লৈছে কেন্দ্ৰই ৷ কিন্তু এই পৰিস্থিতিৰ মাজত পৰীক্ষা অনুষ্ঠিত কৰাৰ বিৰুদ্ধে তীব্ৰ সমালোচনা হৈছে ছাত্ৰ আৰু শিক্ষক-শিক্ষাবিদৰ মাজত ৷ ৰাজনৈতিকভাৱে প্ৰতিবাদৰ লগতে উচ্চতম ন্যায়ালয়ৰ দ্বাৰস্থ হৈছে কংগ্ৰেছ, তৃণমূলসহ বিৰোধী দলবোৰ ৷ ইয়াৰ মাজতে দেওবাৰে মাহেকীয়া ‘মন কি বাত’ অনুষ্ঠানত বক্তৃতা দিয়ে প্ৰধানমন্ত্ৰী নৰেন্দ্ৰ মোডীয়ে ৷ কিন্তু তেওঁৰ সেই বক্তৃতাত শিক্ষাৰ্থীৰ এই উদ্বেগৰ বিষয়টো এইবাৰ উল্লেখ নকৰিলে ৷ কিন্তু বিশ্বত পুতলা বজাৰত ভাৰতীয়ৰ অধিক অংশগ্ৰহণৰ আহ্বান জনায় ৷ মোডীৰ সেই বক্তব্যৰ পাচত ৰাহুল গান্ধীয়ে টুইট কৰি কয়, নিট-জেইই পৰীক্ষাৰ্থীয়ে প্ৰধানমন্ত্ৰীৰ ওচৰত ‘পৰীক্ষা পে চৰ্চা’ বিচাৰে ৷ কিন্তু প্ৰধানমন্ত্ৰীয়ে কৰিলে ‘পুতলা পে চৰ্চা’ ৷ ২০১৪ চনৰ লোকসভা নিৰ্বাচনৰ প্ৰচাৰত নৰেন্দ্ৰ মোডী তথা বিজেপিৰ অন্যতম কৰ্মসূচী আছিল ‘চায়ে পে চৰ্চা’ ৷ নিট-জেইই লৈ শুকুৰবাৰে কেন্দ্ৰক তীব্ৰ আক্ৰমণ কৰিছিল ৰাহুল গান্ধীয়ে ৷

দৈনন্দিন বাৰ্তা ডেস্ক : দেশৰ নিৰাপত্তাত কুকুৰে লোৱা ভূমিকাৰ ওপৰত ৬৮ সংখ্যক ‘মন কি বাত’ অনুষ্ঠানত উল্লেখ কৰে৷ তেওঁ ‘আত্মনিৰ্ভৰ ভাৰত’ৰ প্ৰয়োজনীয়তাৰ ওপৰত জোৰ দি জনগণক ভাৰতীয় জাতৰ কুকুৰ গ্ৰহণৰ আহ্বান কৰে৷ সুৰক্ষা বাহিনীত কুকুৰৰ ভূমিকাক প্ৰশংসা কৰি প্ৰধানমন্ত্ৰীয়ে দুটা সাহসী চৰিত্ৰৰ নাম উল্লেখ কৰিছে ছোফিয়া আৰু ভিদাৰ, যাক এই বছৰ ৭৪ তম স্বাধীনতা দিৱসত চিফ অব আৰ্মি ষ্টাফক প্ৰশংসা কাৰ্ড দিছিল৷ তেওঁ লগতে কয়, দুৰ্যোগ ব্যৱস্থাপনা আৰু উদ্ধাৰ অভিযানত কুকুৰে গুৰুত্বপূৰ্ণ ভূমিকা পালন কৰিছে৷ ভাৰতত এনডিআৰএফ-এ কেইবা ডৰ্জন কুকুৰ প্ৰশিক্ষণ দিছে৷ এই কুকুৰবোৰ ভূমিকম্প বা অট্টালিকা ভাঙিলে আবদ্ধ হৈ থকা মানুহ চিনাক্ত কৰাত বিশেষজ্ঞ৷ মোডীয়ে মোদোল হাউণ্ড, হিমাচলি হাউণ্ড, ৰাজপালায়াম, কন্নী, চিপ্পিপাড়াই আৰু কম্বাইৰ দৰে বহু কেইটা ভাৰতীয় জাতৰ নাম লয়৷ এইবোৰৰ ৰক্ষণাবেক্ষণৰ ব্যয় কম আৰু ভাৰতীয় অৱস্থাৰ সৈতে অভ্যস্ত৷ আমাৰ সুৰক্ষা বাহিনী ভাৰতীয় জাতৰ কুকুৰক তেওঁলোকৰ স্কোৱাদত অন্তভূক্ত আৰু প্ৰশিক্ষণ দিছে৷ আমাৰ সশস্ত্ৰ বাহিনীৰ হাতত এনে বহু সাহসী কুকুৰ আছে যি দেশৰ বাবে বাস কৰে আৰু সৰ্বোচ্চ ত্যাগ স্বীকাৰ কৰিছে৷ প্ৰধানমন্ত্ৰীয়ে এনেদৰে উল্লেখ কৰি কয়, এই জাতীয় কুকুৰবোৰে বহু বোমা বিস্ফোৰণ আৰু সন্ত্ৰাসবাদীৰ ষড়যন্ত্ৰ ৰোধত গুৰুত্বপূৰ্ণ ভূমিকা পালন কৰিছে৷ এনে এটা কুকুৰ বলৰামে ২০০৬ চনত অমৰনাথ যাত্ৰাৰ পথত প্ৰচুৰ পৰিমাণৰ বিস্ফোৰক চিনাক্ত কৰিছিল৷ ২০০২ চনত ভাৱনাই আইইডি চিনাক্ত কৰিছিল৷ আইইডি বিচ্ছিন্ন কৰাৰ সময়, সন্ত্ৰাসবাদীৰ এটা বিস্ফোৰণ ঘটায় আৰু শ্বহীদ হয়৷ মোডীয়ে প্ৰসংগক্ৰমে এই কথা উল্লেখ কৰে৷ মোডীয়ে কয়, দুই তিনি বছৰৰ আগতে ছত্তিছগড়ৰ বিজপুৰত আইইডি বিস্ফোৰণত ক্ৰেকাৰ নামৰ কুকুৰটো শ্বহীদ হৈছিল৷ সম্প্ৰতি টিভিত এক আবেগময় দৃশ্য দেখিব পায় য’ত বীড পুলিচে তেওঁলোকৰ কুকুৰ ৰকিক এটা অশ্ৰুসঞ্চাৰৰ অধিকাৰী বুলি কৈছিল৷ ৰকিয়ে আৰক্ষীক ৩০০ টাৰো বেছি ঘটনা সমাধানত সহায় কৰিছিল৷ নাগৰিকসকলক ভাৰতীয় জাতৰ কুকুৰ গ্ৰহণ কৰিবলৈ আহ্বান জনায় প্ৰধানমন্ত্ৰী মোডীয়ে কয়, পিছৰ বাৰ আপুনি পোহনীয়া কুকুৰ ৰখাৰ কথা ভাবে, তেতিয়া অৱশ্যেই ভাৰতীয় জাতৰ এটা কুকুৰ ঘৰলৈ আনিব৷ যেতিয়া আত্মনিৰ্ভৰ ভাৰত জনসাধাৰণৰ মন্ত্ৰ হৈ উঠিব তেতিয়া কোনো অঞ্চলক পিছ ফালে ৰখা উচিত নহয়৷ প্ৰধানমন্ত্ৰীয়ে কয়, ভাৰতীয় সেনা বাহিনী, কেন্দ্ৰীয় উদ্যোগ সুৰক্ষা বাহিনী আৰু ৰাষ্ট্ৰীয় সুৰক্ষা প্ৰহৰীয়ে ভাৰতীয় জাতৰ কুকুৰ প্ৰৱৰ্তন আৰম্ভ কৰিছে৷ ভাৰতীয় কৃষি গৱেষণা পৰিষদে ভাৰতীয় জাতৰ কুকুৰক লৈ গৱেষণা কৰিছে৷

দৈনন্দিন বাৰ্তা ডেস্ক : ৰাজহ চোৰাংচোৱা সঞ্চালকালয় (ডিআৰআই)ৰ তৰফৰ পৰা দেশৰ ৰাজধানীত শুকুৰবাৰে ৪২ কোটি টকাৰ ৫০৪ টা চোৰাং সোণৰ বাৰ জব্দ কৰাৰ লগতে আঠজন লোকক গ্ৰেপ্তাৰ কৰে ৷ উল্লেখ্য যে ডিব্ৰুগড়-নতুন দিল্লী ৰাজধানী এক্সপ্ৰেছত দিল্লী ৰে’লৱে ষ্টেচনত আঠজন যাত্ৰী নামে ৷ তেওঁলোকৰ পৰা ৫০৪ টা সোণৰ বাৰ উদ্ধাৰ কৰে ৷ এইদৰে ডিআৰআইৰ এজন বিষয়াই কয় ৷ এই সোণৰ বাৰবোৰ যাত্ৰী কেইজনে পৰিধান কৰা বিশেষ ধৰণেৰে প্ৰস্তুত কৰা পোচাকত লুকুৱাই অনা হৈছিল আৰু ভুৱা আধাৰ কাৰ্ডৰ দ্বাৰা ভ্ৰমণ কৰিছিল ৷ চোৰাংচোৱাৰ পৰা পোৱা ইংগিত মতে উদ্ধাৰ হোৱা সোণৰ বাৰবোৰ বিদেশী চিহ্ন আছে ৷ মণিপুৰৰ মোৰেৰ আন্তৰ্জাতিক সীমান্তৰ পৰা ম্যানমাৰৰ পৰা ভাৰতলৈ পঠোৱা হৈছিল আৰু গুৱাহাটীৰ পৰা চলাচল কৰা ছিণ্ডিকেটে দিল্লী, কলকাতা আৰু মুম্বাইলৈ প্ৰেৰণৰ চেষ্টা কৰিছিল ৷ সেইবোৰ নগৰত ইয়াৰ গহনা বিশেষভাৱে সমাদৃত ৷ উল্লেখ্য যে জব্দ কৰা সোণৰ বাৰবোৰ ৯৯.৯ শতাংশ বিশুদ্ধ ৷ ইয়াৰ ওজন ৮৩.৬২১ কিলোগ্ৰাম ৷ বজাত ইয়াৰ মূল্য ৪২ কোটি টকা ৷ এই আঠ চোৰাং ব্যৱসায়ীক ১৯৬২ চনৰ শুল্ক আইনত গ্ৰেপ্তাৰ কৰা হৈছে ৷ তেওঁলোকক ন্যায়িক জিম্মাত লৈ অনুসন্ধান অব্যাহত ৰাখিছে ৷

দৈনন্দিন বাৰ্তা ডেস্ক : এক দেশ এক নিৰ্বাচনৰ লক্ষ্যত আন এক পদক্ষেপ আগুৱাই গ’ল কেন্দ্ৰ ৷ প্ৰধানমন্ত্ৰী কাৰ্যালয়ৰ সূত্ৰত প্ৰকাশ, সম্প্ৰতি পঞ্চায়ত পৰ্যায়ৰ পৰা লোকসভা পৰ্যন্ত দেশত এখনেই নিৰ্বাচনৰ তালিকা তৈয়াৰৰ বাবে গুৰুত্বপূৰ্ণ সভা হৈছে ৷ এই বিধি কাৰ্যকৰী কৰিবলৈ সংশ্লিষ্ট সংবিধান সংশোধন আৰু প্ৰয়োজনীয় পদক্ষেপৰ বিষয়ে এই সভাত আলোচনা কৰা হৈছে ৷ সংবিধান অনুযায়ী, দেশৰ স্থানীয় নিৰ্বাচন অৰ্থাৎ পঞ্চায়ত আৰু পৌৰসভা নিৰ্বাচন প্ৰক্ৰিয়াৰ সম্পূৰ্ণ দায়িত্ব থাকে ৰাজ্যিক নিৰ্বাচনী আয়ুক্তৰ ওপৰত ৷ এই স্থানীয় নিৰ্বাচনৰ বাবে চূড়ান্ত ভোটাৰ তালিকাও তৈয়াৰ কৰে ৰাজ্যিক নিৰ্বাচনী আয়ুক্তই ৷ তাত কেন্দ্ৰীয় নিৰ্বাচনী আয়ুক্তৰ কোনো হস্তক্ষেপ বা অধিকাৰ নাথাকে ৷ এই পদ্ধতি সলনি কৰিব বিচাৰিছে মোডী চৰকাৰে ৷ যোৱা ১৩ আগষ্টত এই লৈ সভা হয় প্ৰধানমন্ত্ৰী কাৰ্যালয়ত ৷ প্ৰধানমন্ত্ৰীৰ প্ৰধান সচিব পি কে মিশ্ৰৰ নেতৃত্বত সভাত এই সংক্ৰান্তত সংবিধান সংশোধনী লৈ আলোচনা হয় বুলি জানিব পৰা গৈছে ৷ ভাৰতীয় সংবিধানৰ ২৪৩ কে ধাৰাত পঞ্চায়ত নিৰ্বাচনৰ কথা কোৱা হৈছে ৷ ২৪৩ জেড-এ ধাৰাত কোৱা হৈছে পৌৰসভা নিৰ্বাচনৰ বিষয় ৷ এই দুই ধাৰা অনুযায়ী পঞ্চায়ত আৰু পৌৰসভা নিৰ্বাচন পৰিচালনৰ আৰু ভোটৰ তালিকাৰ ভাৰ ন্যস্ত কৰা হৈছে ৰাজ্যিক নিৰ্বাচনী আয়ুক্তৰ ওপৰত৷ লগতে কোৱা হৈছে, আয়োগৰ প্ৰধান অৰ্থাৎ ৰাজ্যিক নিৰ্বাচনী আয়ুক্ত নিয়োগ কৰে ৰাজ্যপালে ৷ ২৪৩ জেড-এ ধাৰাত পৌৰ নিৰ্বাচন একেদৰেই পৰিচালনা কৰাৰ কথা কোৱা হৈছে ৷ সংবিধানৰ এই দুই ধাৰা সংশোধন কৰি স্থানীয় নিৰ্বাচনকো কেন্দ্ৰীয় নিৰ্বাচনী আয়ুক্তৰ আওতাত অনাৰ বিষয়ে গুৰুত্বপূৰ্ণ অগ্ৰগতি লাভ কৰিছে বুলি ১৩ আগষ্টৰ এই সভাৰ সূত্ৰত প্ৰকাশ ৷ তদুপৰি ৰাজ্য চৰকাৰবোৰে যাতে কেন্দ্ৰীয় নিৰ্বাচনী আয়োগৰ ভোটাৰ তালিকাক লৈ নিৰ্বাচন প্ৰক্ৰিয়া পৰিচালনাৰ ব্যৱস্থা কৰে সেই বিষয়ে ৰাজ্যবোৰক আবেদন জনোৱা হ’ব বুলি সভাত সিদ্ধান্ত লৈছে ৷ ২০১৪ চনত প্ৰথমবাৰ কেন্দ্ৰত ক্ষমতাত আহাৰ সময়ত বিজেপি তথা নৰেন্দ্ৰ মোডী চৰকাৰে ‘এক দিশ এক নিৰ্বাচন’ৰ তত্ব আনিছিল ৷ ইয়াৰ অৰ্থ, পঞ্চায়ত-পৌৰসভাৰ পৰা বিধানসভা বা লোকসভা সকলো নিৰ্বাচন একেলগে ৫ বছৰৰ বাবে অনুষ্ঠিত কৰাৰ পক্ষে মত দিছিল প্ৰধানমন্ত্ৰীয়ে নিজেও ৷ বহু সভাত এই কথা প্ৰচাৰ কৰিছিল নৰেন্দ্ৰ মোডীয়ে ৷